រាជធានីភ្នំពេញ ៖ ដើម្បីអនុវត្តវិធានការបង្ការទប់ស្កាត់ ការរាតត្បាតនៃជំងឺកូវីដ-១៩ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានធ្វើការណែនាំទៅដល់អភិបាលរាជធានី-ខេត្ត…
រាជធានីភ្នំពេញ ៖ ដើម្បីអនុវត្តវិធានការបង្ការទប់ស្កាត់ ការរាតត្បាតនៃជំងឺកូវីដ-១៩ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានធ្វើការណែនាំទៅដល់អភិបាលរាជធានី-ខេត្ត ត្រូវបន្តរៀបចំវេទិកាផ្សព្វផ្សាយ និងវេទិកាផ្សេងៗទៀត នៅតាមមូលដ្ឋានជាធម្មតាឡើងវិញ ប៉ុន្ដែការជួបជុំគ្នា មិនឱ្យលើសពី៥០នាក់ឡើយ ។
យោងតាមសេចក្តីណែនាំរបស់ក្រសួងមហាផ្ទៃនៅថ្ងៃទី១៥ ខែមិថុនា ឆ្នាំ២០២០ បានឲ្យដឹងថា ដើម្បីបន្តជំរុញឲ្យការរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ ដំណើរការដោយរលូន មានការចូលរួមពីគ្រប់ភាគីពាក់ព័ន្ធ និងសម្រេចបានលទ្ធផលតាមការរំពឹងទុក ព្រមទាំងរួមចំណែកក្នុងការបង្ការទប់ស្កាត់ ការរោតត្បាតនៃជំងឺកូវីដ-១៩ ក្រសួងមហាផ្ទៃធ្វើការណែនាំដល់រដ្ឋបាលរាជធានី-ខេត្ត ត្រូវយកចិត្តទុកដាក់អនុវត្តនូវកិច្ចការមួយចំនួនដូចខាងក្រោម ៖
ទី១-ក្រុមប្រឹក្សារាជធានី ខេត្ត ក្រុង ស្រុក ខណ្ឌ ត្រូវបន្តរៀបចំវេទិកាផ្សព្វផ្សាយ និងពិគ្រោះយោបល់នៅតាមមូលដ្ឋាននីមួយៗជាធម្មតា ស្របតាមច្បាប់ស្ដីពីការគ្រប់គ្រងរដ្ឋបាល រាជធានី ខេត្ត ក្រុង ស្រុក ខណ្ឌ និងលិខិតបទដ្ឋានគតិយុត្តជាធរមាន។
ទី២-ចំពោះសមាសភាពចូលរួមវេទិកានេះ ត្រូវរៀបចំតាមរូបភាពតូចៗដោយកំណត់ តំណាង អ្នកចូលរួមមួយលើកៗមិនលើសពី៥០នាក់ និងត្រូវអនុវត្តវិធានការបង្ការ ទប់ស្កាត់ ការរោត ត្បាត នៃជំងឺកូវីដ-១៩ ស្របតាមការណែនាំរបស់ក្រសួងសុខាភិបាល ឱ្យបានហ្មត់ចត់ ដូចជា៖ មានការត្រួតពិនិត្យកំដៅ មានទឹកអាល់កុង ឬជែលសម្រាប់លាងដៃ ត្រូវពាក់ម៉ាស ឬប្រើក្រមា កន្សែង រក្សាគម្លាតសុវត្តិភាពសង្គម និងគម្លាតសុវត្ថិភាពបុគ្គល។
ទី៣-រដ្ឋបាលរាជធានី ខេត្ត ក្រុង ស្រុក ខណ្ឌ ត្រូវអញ្ជើញសមាសភាពតំណាងប្រជាពលរដ្ឋពីគ្រប់មជ្ឈដ្ឋាន និងតំណាងក្រុមការងារាជរដ្ឋាភិបាលចុះមូលដ្ឋានរាជធានី ខេត្ត ក្រុង ស្រុក ខណ្ឌ ដើម្បីចូលរួមក្នុងវេទិកានេះ។
និងទី៤-ទន្ទឹមនេះ រដ្ឋបាលរាជធានី ខេត្តត្រូវធ្វើការណែនាំដល់រដ្ឋបាលក្រុង ស្រុក ខណ្ឌ ឃុំ សង្កាត់ ឲ្យអនុវត្តវិធានការអប់រំ ផ្សព្វផ្សាយដល់ប្រជាពលរដ្ឋ ដើម្បីធ្វើអនាម័យជាប់ជាប្រចាំ តាមការណែនាំ របស់ក្រសួងសុខាភិបាល ក្នុងការបង្ការទប់ស្កាត់កាតត្បាតនៃជំងឺកូវីដ-១៩៕
ចែករំលែកព័តមាននេះ