ខេត្តបន្ទាយមានជ័យ ៖ ភ្លៀងលាយឡំដោយខ្យល់កន្ត្រាក់បណ្តាលឱ្យប៉ះពាល់ខូចខាតផ្ទះសំបែងប្រជាពលរដ្ឋ២ឃុំមានចំនួន១៦ខ្នង កើតឡើងកាលពីរសៀលថ្ងៃទី១៤ មិថុនា ស្ថិតនៅស្រុកព្រៈនេត្រព្រៈ។ លោកវរៈសេនីយ៍ឯក សឹង្ហ ទុំ មេបញ្ជការស្តីទីកងពលតូចថ្មើរជើងលេខ៥១បានប្រាប់ថា៖…
ខេត្តបន្ទាយមានជ័យ ៖ ភ្លៀងលាយឡំដោយខ្យល់កន្ត្រាក់បណ្តាលឱ្យប៉ះពាល់ខូចខាតផ្ទះសំបែងប្រជាពលរដ្ឋ២ឃុំមានចំនួន១៦ខ្នង កើតឡើងកាលពីរសៀលថ្ងៃទី១៤ មិថុនា ស្ថិតនៅស្រុកព្រៈនេត្រព្រៈ។ លោកវរៈសេនីយ៍ឯក សឹង្ហ ទុំ មេបញ្ជការស្តីទីកងពលតូចថ្មើរជើងលេខ៥១បានប្រាប់ថា៖ ភ្លៀងលាយឡំដោយខ្យល់កន្ត្រាក់ បានប៉ះពាល់និងខូចខាតផ្ទះសំបែងប្រជាពលរដ្ឋមាន២ឃុំ គឺឃុំឈ្នួរមានជ័យ និងឃុំជប់វ៉ារី មានចំនួន១៦ខ្នង ក្នុងនោះមានស្ថានភាពខូចខាតធ្ងន់ចំនួន៥ខ្នង ដែលបណ្តាលរបើកដំបូលទាំងផ្ទាំងដល់ដីនិងបាក់ឈើផ្លាន និងធ្លុះធ្លាយស័ង្កសី តែមិនបណ្តាលគ្រោះថ្នាក់ដល់ប្រជាពលរដ្ឋឡើយ។
លោកបានបញ្ជាក់ថា ជាការណែនាំពីលោកឧត្តមសេនីយ៍ឯក ឯក សំអូន មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៥ ហើយកម្លាំងកងពលតូចថ្មើរជើងលេខ៥១បានយកស័ង្កសីចំនួន១៦០សន្លឹក ជាអំណោយឯកឧត្តម ហ៊ុន ម៉ាណែត មេបញ្ជាការកងទ័ពជើងគោក ហើយបានសហការជាមួយកម្លាំងកងរាជអាវុធហត្ថស្រុកព្រៈនេត្រព្រៈចុះអន្តរាគមន៍ជួយជួសជុលជូនប្រជាពលរដ្ឋដែលរងគ្រោះដោយខ្យល់កន្ត្រាក់។
ចែករំលែកព័តមាននេះ