រាជធានីភ្នំពេញ ៖ ប្រមុខដឹកនាំក្រសួងការពារជាតិកម្ពុជា សម្តេចពិជ័យ សេនាទៀ បាញ់បានបញ្ជាក់ថា សន្តិភាពមានភាពងាយស្រួលក្នុងការបំផ្លាញណាស់ ប៉ុន្តែការស្វែងរក និងរក្សាសន្តិភាពវិញមានភាពពិបាកណាស់សម្រាប់ប្រទេសមួយៗពិសេសនោះកម្ពុជា ។…
រាជធានីភ្នំពេញ ៖ ប្រមុខដឹកនាំក្រសួងការពារជាតិកម្ពុជា សម្តេចពិជ័យ សេនាទៀ បាញ់បានបញ្ជាក់ថា សន្តិភាពមានភាពងាយស្រួលក្នុងការបំផ្លាញណាស់ ប៉ុន្តែការស្វែងរក និងរក្សាសន្តិភាពវិញមានភាពពិបាកណាស់សម្រាប់ប្រទេសមួយៗពិសេសនោះកម្ពុជា ។
យោងតាមបណ្តាញសង្គមរបស់សម្តេចទៀ បាញ់ បានសរសេរនៅថ្ងៃទី១៥ ខែមិថុនាយ៉ាងដូច្នេះថា ៖ ការរួមចំណែករបស់កងយោធពលខេមរភូមិន្ទក្នុងការស្វែងរកសន្តិភាពជូនបណ្តាប្រទេសដែលកំពុងមានសង្គ្រាមក្រោមឆត្រអង្គការសហប្រជាជាតិ មិនគ្រាន់តែជាសក្ខីភាពបញ្ជាក់ថា កម្ពុជាទទួលបានសន្តិភាពពេញលេញប៉ុណ្ណោះទេ តែក៏បានពង្រឹងចំណងមិត្តភាព សាមគ្គីភាព និងកិច្ចសហប្រតិបត្តិការរវាងប្រទេសជាមិត្តជិតឆ្ងាយជាមួយកម្ពុជាផងដែរ ។
ជាមួយគ្នានោះដែរ សម្តេចគូសបញ្ជាក់ថា ៖«ការបំផ្លាញសន្តិភាព គឺជាការងាយ តែការ ស្វែងរក និងរក្សាសន្តិភាពទើបជាការលំបាក ដូចមានឧទាហរណ៍ជាក់ស្តែង ចំពោះការបញ្ឆេះសង្គ្រាមនៅតាមបណ្តាប្រទេសមួយចំនួនដែលនៅតែមិនទាន់អាចបញ្ចប់បានរហូតដល់ ពេលបច្ចុប្បន្ន បើទោះជាការប្រយុទ្ធគ្នាបានកើតឡើងអស់ជាច្រើនឆ្នាំ និងបានឆក់យកជីវិតជនស្លូតត្រង់រាប់ម៉ឺនសែននាក់» ។
ប្រមុខដឹកនាំក្រសួងការបារពារជាតិក៏បានលើកឡើងថា ទម្រាំមានថ្ងៃនេះ កម្ពុជាបានហែលឆ្លងនូវព្យុះភ្លៀងច្រើនរាប់ពុំអស់ ដែលពិបាករៀបរាប់ប្រាប់នូវទុក្ខវេទនាដែលប្រជាជន កម្ពុជានាសម័យមុនបានឆ្លងកាត់ ព្រោះបទពិសោធន៍ទាំងនោះពោរពេញដោយភាពឈឺចាប់ ខ្លោចផ្សាហួសប្រមាណ ។
ក្នុងសំណេរនោះដែរ សម្តេចក៏បានសូមបងប្អូនកងទ័ព និងប្រជាជនរួមជាតិទាំង អស់ខិតខំប្រឹងប្រែងថែរក្សាសន្តិភាពអោយបានឋិតថេរចិរកាល៕
ចែករំលែកព័តមាននេះ