ខេត្តឧត្ដរមានជ័យ ៖ ដើមប្រស់ ឬប្រស់ស្វា កំពុងលូតលាស់យ៉ាងស្រស់បំព្រង ក្នុងដែនជម្រកសត្វព្រៃសង្ឃរុក្ខាវ័ន ខេត្តឧត្ដរមានជ័យ ។ នេះបើយោងតាមផេកក្រសួងបរិស្ថាន ចេញផ្សាយណៅថ្ងៃទី១៤…
ខេត្តឧត្ដរមានជ័យ ៖ ដើមប្រស់ ឬប្រស់ស្វា កំពុងលូតលាស់យ៉ាងស្រស់បំព្រង ក្នុងដែនជម្រកសត្វព្រៃសង្ឃរុក្ខាវ័ន ខេត្តឧត្ដរមានជ័យ ។ នេះបើយោងតាមផេកក្រសួងបរិស្ថាន ចេញផ្សាយណៅថ្ងៃទី១៤ ខែមិថុនា ឆ្នាំ២០២០ ។
ដើមប្រស់( Sand ginger) បើយោងតាម( Natural resources at my Village,2014) ជារុក្ខជាតិប្រភេទស្មៅ គ្មានដើម ឫសរីកធំជាមើម ស្លឹកមាន ២ -៣សន្លឹក គ្របគល់លាតផ្ទាល់លើដី ផ្ទៃស្លឹកធំទូលាយ ស្តើងពណ៌ក្រហមរលីងនៅលើផ្ទៃ ។
ក្រសួងបានបញ្ជាក់ថា គេប្រើជាថ្នាំសម្រាប់រំលាយអាហារ ព្យាបាលអាការៈបរិភោគពិបាករលាយ ព្យាបាលឈឺក្រពះ លើសឈាម ឈឺចុកទ្រូង ឈឺក្នុងពោះ ហឺត រាគ ក្អក ក្អួត ប្រើសម្រាប់ត្រាំអាល់កុល សម្រាប់លាបរឹត ឈឺសន្លាក់ឆ្អឹង ស្ពឹកស្រពន់ដៃជើង …ជាដើម ។
សូមបញ្ជាក់បន្ថែម៖ ស្លឹកវាអាចធ្វើជាបន្លែស្រស់បុកទឹកគ្រឿង ញាំ ឬភ្លា និងសម្លប្រហើរ ក៏បាន ។ ក្រៅពីតួនាទីជាឱសថ និងមុខម្ហូបសម្រាប់មនុស្សដែលសំបូរទៅដោយសារធាតុចិញ្ចឹមជាច្រើនហើយនោះ ដើមប្រស់ក៏ជាចំណីសម្រាប់សត្វព្រៃដូចជា សត្វទន្សោង សត្វឈ្លូស ជ្រូកព្រៃ-ល-ដែលកំពុងរស់នៅក្នុងតំបន់ដែនជម្រកសត្វព្រៃសង្ឃរុក្ខាវ័នផងដែរ ៕
ចែករំលែកព័តមាននេះ