រាជធានីភ្នំពេញ ៖ ពាណិជ្ជកម្មទ្វេភាគីរវាងព្រះរាជាណាចក្រកម្ពុជា និងព្រះរាជាណាចក្រថៃមានចំនួន ៣,១ ពាន់លានដុល្លារ ក្នុងរយៈពេល៤ខែដំបូងនៃឆ្នាំនេះ ដោយកើនឡើង១៨,៣ភាគរយ បើប្រៀបធៀបនឹងរយៈពេលដូចគ្នាកាលពីឆ្នាំមុន ។
យោងតាមរបាយការណ៍របស់ស្ថានទូតថៃប្រចាំរាជធានីភ្នំពេញបានអោយដឹងថា ចាប់ពីខែមករាដល់ខែមេសា ឆ្នាំ២០២០ ប្រទេសកម្ពុជាបាននាំចេញទំនិញមានតម្លៃ ៦៨៧ លានដុល្លារទៅប្រទេសថៃកើនឡើង១០៦ ភាគរយ ។
របាយការណ៍បានចង្អុលបង្ហាញថា «ផលិតផលសំខាន់ៗរបស់ប្រទេសកម្ពុជាបាននាំចេញទៅកាន់ប្រទេសថៃ រួមមានត្បូង និងគ្រឿងអលង្ការ (៣៤៥ លានដុល្លារ) ផលិតផលអាលុយមីញ៉ូម (៤៥ លានដុល្លារ) និងផលិតផលកសិកម្ម (១៧៣ លានដុល្លារ)»។
ក្នុងរបាយការណ៍បានបន្ថែមទៀតថា ជាមួយគ្នានេះដែរ ការនាំចូលរបស់កម្ពុជាពីប្រទេសថៃបានកើនឡើង៥,៦ភាគរយដល់ ២,៤ ពាន់លានដុល្លារអាមេរិក ។ ផលិតផលថៃដែលបាននាំចូលក្នុងប្រទេសកម្ពុជាសំខាន់ៗមានដូចជា ឥន្ធនៈ (៤៣០ លានដុល្លារ) រថយន្ត (៣១២ លានដុល្លារ) និងត្បូង និងគ្រឿងអលង្ការ (ដុល្លារ) ២២០ លាន) ។
កាលពីឆ្នាំមុនការដោះដូរពាណិជ្ជកម្មរវាងប្រទេសជិតខាងទាំងពីរបានកើនឡើងដល់ជាង ៩,៤១ ពាន់លានដុល្លារអាមេរិកពោលគឺកើនឡើង១២ ភាគរយពីមួយឆ្នាំទៅមួយឆ្នាំ ខណៈពេលដែលរដ្ឋាភិបាលប្រទេសទាំងពីរបានកំណត់គោលដៅ ដើម្បីបង្កើនបរិមាណដល់ ១៥ ពាន់លានដុល្លារនៅឆ្នាំ២០២០ ៕
ចែករំលែកព័តមាននេះ