PSG ត្រៀមលាកីឡាករឆ្នើម២រូប ក្រោយបញ្ចប់ក្របខណ្ឌ Champions League
ប្រទេសបារាំង ៖ កីឡាករ Edinson Cavani និងកីឡាករ Thiago Silva នឹងដើរចេញពីក្រុម Paris…
ប្រទេសបារាំង ៖ កីឡាករ Edinson Cavani និងកីឡាករ Thiago Silva នឹងដើរចេញពីក្រុម Paris…
ប្រទេសបារាំង ៖ កីឡាករ Edinson Cavani និងកីឡាករ Thiago Silva នឹងដើរចេញពីក្រុម Paris St-Germain នៅរដូវក្តៅនេះ បន្ទាប់ពីការបញ្ចប់យុទ្ធនាការនៃការប្រកួតក្របខណ្ឌ Champions League របស់ក្រុមនៅខែសីហាខាងមុខ។
ខ្សែប្រយុទ្ធអ៊ុយរ៉ាហ្គាយ Edinson Cavani វ័យ ៣៣ឆ្នាំ ដែលកំពុងកាន់កំណត់ត្រាអ្នកស៊ុតបាល់បញ្ចូលទីច្រើនបំផុតរបស់ក្រុម PSG ដោយរកបាន ២០០គ្រាប់ ខណៈដែលខ្សែការពារប្រេស៊ីល Thiago Silva វ័យ ៣៥ឆ្នាំបច្ចុប្បន្នជាប្រធានក្រុម ត្រូវបាននាយកប្រតិបត្តិផ្នែកកីឡារបស់ក្រុម PSG លោក Leonardo Araújo បានប្រាប់កាសែត Le Journal du Dimanche អំពីអនាគតរបស់ពួកគេយ៉ាងដូច្នេះថា «វាជាការសម្រេចចិត្តដ៏លំបាកមួយ ខណៈដែលពូកគេគឺជាកីឡាករដែលបានជួយក្លិប ព្រមទាំងបានសាងកំណត់ត្រាជាប្រវត្តិសាស្ត្ររបស់ក្លិបផងដែរ។ វាពិតជាមានការប្រកួតប្រជែងខ្ពស់ណាស់នៅក្នុងក្រុម ប៉ុន្តែត្រូវហើយ យើងនឹងឈានទៅដល់ទីបញ្ចប់»។
សូមបញ្ជាក់ថា កិច្ចសន្យារបស់កីឡាករទាំងពីរ នឹងត្រូវផុតកំណត់នៅថ្ងៃទី៣០ ខែមិថុនា ឆ្នាំ២០២០ ខាងមុខ។ ប៉ុន្តែដោយសារតែ FIFA ទើបតែសម្រេចគោលការណ៍ថ្មី ដែលអនុញ្ញាតឱ្យក្លិបដែលកីឡាករផុតកុងត្រា អំឡុងពេលវិបត្តិដោយសារកូវីដ-១៩ អាចពន្យាកុងត្រារយៈពេលខ្លី រហូតដល់បញ្ចប់ការប្រកួតរដូវកាលនេះ ។
ក្របខណ្ឌបារាំង Ligue 1 ត្រូវបានលុបចោលកាលពីខែមេសាដោយ PSG ជាម្ចាស់ជើងឯក ប៉ុន្តែសម្រាប់ក្របខណ្ឌ Champions League គឺគ្រោងនឹងបញ្ចប់នៅខែសីហា ជាមួយនឹងការប្រកួតដោយបិទទ្វារកីឡដ្ឋាន។
ជម្រាបជូនថាក្រុម PSG នឹងប្រមូលផ្តុំចាប់ផ្តើមការហ្វឹកហាត់ឡើងវិញ នៅថ្ងៃទី ២២ ខែមិថុនា ដើម្បីត្រៀមសម្រាប់ការប្រកួតវគ្គ៨ក្រុមចុងក្រោយពានរង្វាន់ Champions League បន្ទាប់ពីបានផ្តួលក្រុម Borussia Dortmund វគ្គ១៦ក្រុមចុងក្រោយកាលពីខែមីនា មុនពេលបាល់ទាត់ត្រូវបានផ្អាកដោយសារកូវីដ-១៩៕ (ដកស្រង់ចេញពី៖ BBC)
ចែករំលែកព័តមាននេះ