អេស្ប៉ាញនឹងបើកព្រំដែនវិញនាពេលខាងមុខនេះ លើកលែងតែព័រទុយហ្គាល់
អេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្ប៉ាញ លោក Pedro Sánchez បានប្រកាសថា…
អេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្ប៉ាញ លោក Pedro Sánchez បានប្រកាសថា…
អេស្ប៉ាញ ៖ តាមប្រភពព័ត៌មាន CNN បានឱ្យដឹងថា នាយករដ្ឋមន្ត្រីអេស្ប៉ាញ លោក Pedro Sánchez បានប្រកាសថា ប្រទេសរបស់លោកនឹងបើកព្រំដែនរបស់ខ្លួនជាថ្មីម្តងទៀត ដល់ប្រជាជនមកពីបណ្តាប្រទេសសហគមន៍អឺរ៉ុបដទៃទៀត លើកលែងតែព័រទុយហ្កាល់។
លោក Sánchez បានថ្លែងនៅក្នុងសន្និសីទកាសែតមួយនៅថ្ងៃអាទិត្យ ក្នុងទីក្រុងម៉ាឌ្រីដ ថា ៖ «ចាប់ពីពេលនោះតទៅ កាតព្វកិច្ចសម្រាប់អ្នកដំណើរដែលចូលមកប្រទេសរបស់យើងក្នុងការដាក់ឱ្យនៅដាច់ឆ្ងាយនឹងត្រូវបានគេដកចេញវិញ»។
ការពន្យាពេលសម្រាប់ការបើកព្រំដែនជាមួយព័រទុយហ្កាល់ គឺធ្វើឡើងតាមការស្នើសុំរបស់រដ្ឋាភិបាលព័រទុយហ្កាល់។ លោកនាយករដ្ឋមន្ត្រីក៏បាននិយាយផងដែរថា ព្រំប្រទល់ខាងក្រៅ នឹងមិនបើកឡើងវិញទេ រហូតដល់ថ្ងៃទី៣០ ខែមិថុនា ហើយបញ្ជីនៃ «ប្រទេសមានសុវត្ថិភាព» នឹងត្រូវបានបង្កើតឡើង ដើម្បីកំណត់ថា នឹងដកការបិទច្រកជាមួយនឹងប្រទេសទាំងនោះ នៅថ្ងៃទី១ ខែកក្កដា។
បច្ចុប្បន្នប្រទេសអេស្បាញ ស្ថិតនៅក្នុងស្ថានភាពអាសន្នដែលបិទទ្វារដល់ភ្ញៀវទេសចរ ហើយការមកដល់អន្តរជាតិត្រូវឆ្លងកាត់ការដាក់ឱ្យនៅដាច់រយៈពេល១៤ថ្ងៃ។ ការដកការរឹតបន្តឹងសម្រាប់សមាជិកសហគមន៍អឺរ៉ុបផ្សេងទៀត នឹងធ្វើឡើងស្របពេលនឹងការបញ្ចប់ភាពអាសន្ននៅក្នុងប្រទេស។
គួរបញ្ជាក់ផងដែរថា បណ្តាប្រទេសសហគមន៍អឺរ៉ុបមួយចំនួនទៀតរួមទាំងបារាំងផងដែរ គ្រោងនឹងដកការរឹតត្បិតព្រំដែនជាមួយបណ្តាប្រទេសនៅសហភាពអឺរ៉ុបនៅថ្ងៃច័ន្ទទី១៥ ខែមិថុនា៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ