ប្រទេសអង់គ្លេស ៖ ឈ្មោះខាងក្រោយអាវកីឡាករទាំងអស់របស់ក្របខណ្ឌ Premier League នឹងត្រូវប្តូរជំនួសដោយពាក្យ «Black Lives Matter» ដើម្បីគាំទ្រដល់ការតវ៉ាប្រឆាំងនឹងការរើសអើងជាតិសាសន៍សម្រាប់១២ប្រកួតដំបូងពេលលីគត្រឡប់មកវិញ…
ប្រទេសអង់គ្លេស ៖ ឈ្មោះខាងក្រោយអាវកីឡាករទាំងអស់របស់ក្របខណ្ឌ Premier League នឹងត្រូវប្តូរជំនួសដោយពាក្យ «Black Lives Matter» ដើម្បីគាំទ្រដល់ការតវ៉ាប្រឆាំងនឹងការរើសអើងជាតិសាសន៍សម្រាប់១២ប្រកួតដំបូងពេលលីគត្រឡប់មកវិញ ។
ក្នុងនោះក្របខណ្ឌ Premier League ក៏នឹងគាំទ្រដល់កីឡាករ ដែលចង់បង្ហាញសកម្មភាពលុតជង្គង់មុនពេល ឬអំឡុងពេលប្រកួត។
សូមជម្រាបជូនថា ចលនាគាំទ្រការតវ៉ាប្រឆាំងនឹងការរើសអើងជាតិសាសន៍ ត្រូវបានបង្ហាញដោយកីឡាករក្នុងសកម្មភាពកីឡាជាច្រើន ជាពិសេសក្នុងកីឡាបាល់ទាត់ដែលល្បីល្បាញបំផុត ។
សេចក្តីថ្លែងការណ៍រួមរបស់ក្លិបទាំង ២០ក្នុងក្របខណ្ឌ Premier League បានសរសេរថា «យើងដែលជាកីឡាករទាំងអស់ឈររួមគ្នា ជាមួយនឹងគោលបំណងតែមួយនៃការលុបបំបាត់ការរើសអើងជាតិសាសន៍។ ព្រមទាំងប្តេជ្ញាចិត្តដើម្បីសង្គម និងពិភពលោកមួយ ឱ្យមានការគោរព ការផ្តល់ឱកាសស្មើគ្នា ដោយមិនគិតពីពណ៌សម្បុរ ឬជំនឿរបស់ពួកគេឡើយ» ។
សូមជម្រាបជូនថា ក្របខណ្ឌ Premier League នឹងវិលត្រឡប់មកកាន់សកម្មភាពប្រកួតប្រជែងឡើងវិញ ចាប់ពីថ្ងៃទី១៧ ខែមិថុនា ឆ្នាំ២០២០ ដោយបិទទ្វារកីឡដ្ឋាន ៕ (ដកស្រង់ចេញពី BBC)
ចែករំលែកព័តមាននេះ