ប្រទេសចិន ៖ ទូរទស្សន៍រដ្ឋចិនរាយការណ៍នាថ្ងៃទី១៣មិថុនាថា មនុស្សច្រើននាក់បានត្រូវបាត់បង់ជីវិត និងជិត២០០នាក់រងរបួស ក្រោយការផ្ទុះរថយន្តកាំមីញ៉ុងស៊ីទែនដឹកឧស្ម័នរាវ ១គ្រឿង តាមផ្លូវថ្នល់មួយនៃខេត្ត ZHEJIANG ចិន។…
ប្រទេសចិន ៖ ទូរទស្សន៍រដ្ឋចិនរាយការណ៍នាថ្ងៃទី១៣មិថុនាថា មនុស្សច្រើននាក់បានត្រូវបាត់បង់ជីវិត និងជិត២០០នាក់រងរបួស ក្រោយការផ្ទុះរថយន្តកាំមីញ៉ុងស៊ីទែនដឹកឧស្ម័នរាវ ១គ្រឿង តាមផ្លូវថ្នល់មួយនៃខេត្ត ZHEJIANG ចិន។ ការផ្ទុះបណ្ដាលឲ្យខូចខាតអគារជាច្រើន និងកប់មនុស្សច្រើននាក់ក្រោមគំនរបាក់បែក។
រថយន្តស៊ីទែននេះ បានផ្ទុះនាថ្ងៃទី១៣ ខែមិថុនា ឆ្នាំ២០២០ ក្នុងខេត្ត ZHEJIANG ត្រង់កន្លែងមួយជិតក្រុង វេនលីញ។ តាមតូលេខចុងក្រោយរបស់រដ្ឋបាលទីក្រុងនោះថា ការផ្ទុះបណ្ដាលឲ្យអ្នកបាត់បង់ជីវិតកើនដល់១៨នាក់ ហើយមនុស្ស១៨៩នាក់រងរបួស ។ ក្នុងពេលផ្ទុះ រថយន្តនោះបានផ្លោង ហោះទៅលើ និងខ្ទាតហោះដល់ចម្ងាយប៉ុន្មានរយម៉ែត្រ។ កម្លាំងនៃការផ្ទុះបណ្ដាលឲ្យបែកកញ្ចក់ផ្ទះមួយចំនួន នៃភូមិដាស៊ី ស្ថិតនៅជិតផ្លូវថ្នល់ដែលកើតមានគ្រោះថ្នាក់។
ទូរទស្សន៍រដ្ឋចិន ក៏រាយការណ៍ដែរ ពីអគារជាច្រើននៅជាប់ជិតខាងរងការបំផ្លាញ ក្នុងនោះមានរោងចក្រមួយ។ មនុស្សម្នាច្រើននាក់ជាប់ក្រោមគំនរបាក់បែក។ កន្លែងគ្រោះថ្នាក់នៅមានផ្សែងខ្មៅហុយចេញ ហើយរថយន្តជាច្រើនគ្រឿងក៏ត្រូវភ្លើងឆាបឆេះ លើផ្លូវថ្នល់នោះនិងក្នុងភូមិមួយ៕ ដកស្រង់ចេញពីវេបសាយ ៖ sputniknews (កែសម្រួលដោយ ៖ បុប្ផា)
ចែករំលែកព័តមាននេះ