ខេត្តស្ទឹងត្រែង ៖ បុរសម្នាក់ដោយសារតែខឹងនឹងប្រពន្ធពុំព្រមអោយដេកជាមួយ បែរជាដុតផ្ទះឆេះខ្ទេចកាលពីវេលាម៉ោង២០និង៣០នាទីយប់ថ្ងៃទី១២ មិថុនា ស្ថិតនៅភូមិកែងញ៉ៃ ឃុំសេកុង ស្រុកសៀមប៉ាង ។
តាមប្រភពព័ត៌មានអោយដឹងថា ករណីបំផ្លេចបំផ្លាញទ្រព្យសម្បត្តិខ្លួនឯងនេះ បង្កឡើងបុរសឈ្មោះ ឡត តាន់ អាយុ៥៨ឆ្នាំ រស់នៅភូមិ-ឃុំកើតហេតុ ។
តាមប្រភពដដែលបន្តថា បុរសខាងលើក្នុងស្ថានភាពស្រវឹងស្រាចូលទៅដេកជាមួយប្រពន្ធ តែប្រពន្ធដេញមិនអោយដេកក្បែរបែរជាខឹង ទៅយកភ្លើងទៅដុតផ្ទះរបស់ខ្លួនទាំងយប់ផ្អើលអស់អ្នកក្បែខាង ។
នគរបាលប៉ុស្តិ៍រដ្ឋបាលឃុំសេកុងបានដឹងដែរថា ផ្ទះរងការឆាបឆេះខាងលើ មានទំហំ៥ម៉ែត្រនិងបណ្តោយ៦ម៉ែត្រធ្វើអំពីឈើប្រកស្បូវបាំងប្ញស្សីក្រាលរនាបឬស្សី ឆេះអស់ទាំងស្រុង ។ មូលហេតុ ស្រវឹងស្រាខឹងប្រពន្ធមិនអោយដេកជាមួយ ។ ក្រោយសង្គ្រោះមិនបាននគរបាលប៉ុស្តិ៍ក៍បានឃាត់ខ្លួនបុរសជាម្ចាស់ផ្ទះខាងលើនោះដែរ៕
ចែករំលែកព័តមាននេះ