រាជធានីភ្នំពេញ ៖ នាព្រឹកថ្ងៃទី១៣ មិថុនា នេះ កម្លាំងសមត្ថកិច្ចចម្រុះបានចុះទៅទីតាំងផ្ទះផលិត និងចែកចាយស្រាថ្នាំចិនសែ(តាំងគួយ)នេះ ស្ថិតនៅក្នុងភូមិបាក់ខែងលើ សង្កាត់បាក់ខែង ខណ្ឌជ្រោយចង្វា…
រាជធានីភ្នំពេញ ៖ នាព្រឹកថ្ងៃទី១៣ មិថុនា នេះ កម្លាំងសមត្ថកិច្ចចម្រុះបានចុះទៅទីតាំងផ្ទះផលិត និងចែកចាយស្រាថ្នាំចិនសែ(តាំងគួយ)នេះ ស្ថិតនៅក្នុងភូមិបាក់ខែងលើ សង្កាត់បាក់ខែង ខណ្ឌជ្រោយចង្វា ដោយដកហូតវត្ថុតាងបានជាច្រើន ។ បន្ទាប់ពីប្រមូលវត្ថុតាងអស់ គឺបានបិទឃ្លុបបេទុកវិញ ដើម្បីចាត់ការបន្ត។ សូមរំលឹកថា៖ ក្រុមមន្ត្រីជំនាញឡោមព័ទ្ធទីតាំងផលិតស្រា«តាំងគួយ»ដែលចាក់សោរត់អស់
គួរបញ្ជាក់ថា ទីតាំងចែកចាយ និងផលិត ស្រាចិនសែតាំងគួយ ដែលបង្កឱ្យពុលស្លាប់មនុស្សជាបន្តបន្ទាប់ជាច្រើននាក់នៅស្រុក ម៉ាឡៃ និងក្រុងប៉ោយប៉ែត ខេត្តបន្ទាយមានជ័យ កាលពីប៉ុន្មានថ្ងៃមុននេះ ត្រូវបានសមត្ថកិច្ច ចម្រុះ ចុះឡោមព័ទ្ធឆែកឆេរទីតាំងផលិតមួយកន្លែងនៅរាជធានីភ្នំពេញ ។
ម្ចាស់សិប្បកម្មផលិតស្រា ឈ្មោះ ខ្វៅ សុវណ្ណ អាយុប្រមាណ៧០ឆ្នាំ និងប្រពន្ធឈ្មោះ ងន ចាគា អាយុ៦០ឆ្នាំ បានចាក់សោបិទផ្ទះ និងមានការបំផ្លាញវត្តុតាង ហើយគេចខ្លួនបាត់ ក្រោយពីល្បីស្រារបស់ខ្លួនធ្វើឱ្យអ្នកផឹកពុលស្លាប់ ។
គួរបញ្ជាក់ទៀតថា ប្រតិបត្តិការនេះ ដឹកនាំដោយលោក ង៉ែត ចេកអគ្គនាយករងនិងលោកហេង មាលីប្រធានសាខា ក ប បនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ និងមានការសម្របសម្រួលដោយលោកសាយ ណូរ៉ាព្រះរាជអាជ្ញារងអមសាលាដំបូងរាជធានីភ្នំពេញព្រមទាំងមានការចូលរួមសហការណ៍ ពីនគរបាលប្រឆាំងបទល្មើសសេដ្ឋកិច្ចនៃស្នងការដ្ឋានរាជធានី
នគរបាលព្រហ្មទណ្ឌក្រសួងមហាផ្ទៃនិងមានការចូលរួមពីសមត្ថកិច្ច អាជ្ញាធរមូលដ្ឋានផងដែរ ។
នៅក្នុងការឆែកឆេរសមត្ថកិច្ចបានរងឃើញសម្ភារមួយមួយចំនួន ដែលបន្សល់ទុកបន្ទាប់ពីម្ចាស់បំផ្លាញចោលហើយបិទទ្វារ។ គួរបញ្ជាក់ថា កាលពីព្រឹកថ្ងៃទី១១ មិថុនាសមត្ថកិច្ចចម្រុះ បានធ្វើការឡោមព័ទ្ធទីតាំងនោះនិងចុះឆែកឆេរទីតាំងខាងលើតែដោយសារតែម្ចាស់ដឹងខ្លួនមុនបានចាក់សោគេចបាត់ ទើបសមត្ថកិច្ចពន្យារពេល ទើបចុះឆែកឆេរនៅព្រឹកនេះ។
តាមលោកសាយ ណូរ៉ាព្រះអាជ្ញារងអោយដឹងថា ទោះម្ចាស់ដឹងខ្លួនហើយបំផ្លាញវត្ថុតាងយ៉ាងណាក៍ដោយមិនអស់ដែរហើយសមត្ថកិច្ចបានរងឃើញភស្តុតាងជាច្រើនបានបន្សល់ទុក។ លោកអោយដឹងទៀតថារហូតមកដល់ថ្ងៃនេះមានមនុស្សចំនួន៧នាក់ហើយបានស្លាប់និងជាង៤០នាក់ទៀតកំពង់សង្គ្រោះដោយសាតែពុលស្រាថ្នាំចិនសែតាំងគួយនេះ ៕
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។ រំលឹក៖ ដូច្នេះ សូមកុំចេះតែ៊ហ៊ានពិសារស្រាថ្នាំគ្មានប្រភព ចៀសបាត់ជីវិត
ចែករំលែកព័តមាននេះ