ស្រុកព្រៃនប់៖ ក្រោយពីមានការភ្ញាក់ផ្អើលប្រមាណជាជាង២ឆ្នាំមុនថា ទីតាំងនេះសង្ស័យមានរ៉ែមាសនៅក្នុងការដ្ឋាន ។ បច្ចុប្បន្ន ទីតាំងនេះ មានឈ្មោះថា តំបន់សេដ្ឋកិច្ចពិសេសចេ ជាង មានទីតាំងនៅឃុំជើងគោ ស្រុកព្រៃនប់ ខេត្តព្រះសីហនុ ដែលកំពុងចាប់ផ្ដើមអភិវឌ្ឍន៍ជីកកាយ ដើម្បីសាងសង់ជារោងចក្រក្នុងតំបន់សេដ្ឋកិច្ចពិសេសមុនដំបូង ។
ហើយថ្មីៗនេះ នៅក្នុងតំបន់ស្រុកព្រៃនប់ដដែលនៅរសៀលថ្ងៃទី១២ មិថុនា ស្រាប់តែកាភ្មាក់ផ្អើលនេះ បានកើតឡើងជាលើកទី២ ដោយមានប្រជាពលរដ្ឋច្រើននាក់ បាននាំគ្នាមកជីកយកនិយាយធម្មតាថា ដុំថ្មមានចាំងពន្លឺតូចដូចមាស ដែលតាមការអះអាងពីពលរដ្ឋថា ឮគេនិយាយតៗគ្នាថាជារ៉ែមាស នៅចំណុចភ្នំមួយកន្លែង ក្នុងភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ។
បើតាមពលរដ្ឋដែលចូលទៅជីកយកនេះថា ជាប្រភេទថ្មពណ៌តូចៗ ក្នុងនោះ អ្នកខ្លះជីកបានតិច អ្នកខ្លះជីកបានច្រើន ប៉ុន្តែពួកគាត់មិនទាន់ប្រាកដថា មានតម្លៃបែបណានៅឡើយ ។
ជុំវិញបញ្ហានេះ លោកសរ កក្កដា អភិបាលស្រុកព្រៃនប់បានឱ្យដឹងថា ករណីនេះ មិនមែនជារ៉ែមាសអ្វីទេ ហើយកន្លងមកករណីបែបនេះក៏ធ្លាប់កើតមាននៅក្នុងឃុំជើងគោម្ដងរួចមកហើយដែរ ។ ហើយក៏មានមន្ត្រីជំនាញចុះពិនិត្យយ៉ាងច្បាស់លាស់នៅថ្ងៃ១៣ មិថុនា មានមន្ត្រីជំនាញក្រសួងរ៉ែនិងថាមពលនឹងចុះពិនិត្យដើម្បីបញ្ជាក់ជាផ្លូវការជូនសាធារណៈជនជ្រាប។
បើតាមលោកប្រធានមន្ទីររ៉ែនិងថាមពលខេត្តព្រះសីហនុអោយដឹងជាបឋមដែរថា នេះជាប្រភេទរ៉ែ Pyrite ដែលជាបណ្តុំសមាសធាតុដែកនិងស្ពាន់ធរ័ មិនមែនជារ៉ែមាសឡើយ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ