ខេត្តឧត្តរមានជ័យ ៖ ដីស្រែចំការប្រជាពលរដ្ឋប្រមាណជា6ហិកតាដែលកំពុងតែអាស្រ័យលជារៀងរាល់ឆ្នាំស្រាប់តែមានមន្ត្រីជំនាញទៅចុកG.P.Sនៅលើក្បាលដីរបស់ពួកគាត់កាលពីអំឡុងចុងខែឧសភា២០២០កន្លងទៅនេះ។ហេតុការណ៍នេះកើតឡើងនៅភូមិអូរគ្រញួង ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ។
ប្រជាពលរដ្ឋទាំង១២គ្រួសារបានរៀបរាប់ឱ្យកោះសន្តិភាពដឹងថា នៅក្នុងអំឡុងឆ្នាំ២០០៣ក្រុមអាជ្ញាធរមូលរដ្ឋានរួមទាំងកំលាំងទាហានដែលឈរជើងការពារតាមខ្សែបន្ទាត់ព្រំដែនបានបង្កើតជាភូមិមួយដែលស្ថិតនៅលើខ្នងភ្នំដងរ៉ែករៀបចំបែងចែកដីលំនៅឋានឱ្យប្រជាពលរដ្ឋក្រីក្រគ្មានដីរស់នៅឱ្យចូលមករស់នៅ ក្នុងការៀបចំនេះរហូតមកទល់នឹងឆ្នាំ២០០៥ទើបមានប្រជាពលរដ្ឋរស់នៅរាប់រយគ្រួសារក៍កើតជាភូមិមួយជាភូមិអូរគ្រញួង។
ប្រជាពលរដ្ឋទាំង១២គ្រួសារដដែលបានបញ្ចាក់ថា ក្រោយពីក្រុមអាជ្ញាធរបែងចែកដីលំនៅឋានរួចមកជីវភាពរបស់ប្រជាពលរដ្ឋខ្វះខាត់ខ្លាំងនាំគ្នាចូលព្រៃរកដកផ្សិតលក់ឬអូសរទេះចិញ្ចឹមជីវិតដោយពុំមានអាជ្ញាធរបែងចែកដីស្រែចំការទេ ពួកគាត់ទាំង១២គ្រួសារបានសុំដីតាមចម្រាក់ភ្នំកាលពីអំឡុងឆ្នាំ២០១២ហើយបាននាំគ្នាកាប់ឆ្ការព្រៃអាស្រ័យផលរហូតមកទល់ឆ្នាំ២០២០នេះស្រាប់តែមានលោកស្តើង វណ្ណណេតមន្ត្រីភូមិបាលស្រុកអន្លង់វែងនឹងលោកកូវ ពិសិដ្ឋនាំគ្នាទៅចុកG.P.S នៅលើក្បាលដីរបស់ពួកគាត់កាលពីចុងខែកុម្ភៈ២០២០ធ្វើឱ្យពួកគាត់ព្រួយបារម្មណ៍គ្រប់ៗគ្នាខ្លាចបាត់បង់ដីស្រែចំការរបស់ខ្លួន។
ទាក់ទិននឹងការព្រួយបារម្មណ៍របស់ប្រជាពលរដ្ឋនេះ លោកកូវ ពិសិដ្ឋបានរៀបរាប់ឱ្យកោះសន្តិភាពដឹងថា លោកមានដីនៅក្នុងភូមិអូរគ្រញួងទីតាំងដែលប្រជាពលរដ្ឋកំពង់តែអាស្រ័យផលខាងលើមានចំនួន១២ប្លង់ក្នុងមួយប្លង់២០x៤០ម៉ែត្រក្នុងនោះក៍មានដីលោកស្តើង វណ្ណណេតមួយប្លង់ដែរហើយក្នុងអំឡុងចុងខែ៥នោះលោកបាននាំគ្នាទៅចុកG.P.S.មែនរួមទាំងបានបោះបង្គោលរបងទៀតផងត្រូវប្រជាពលរដ្ឋនាំគ្នាដកចោល។
លោកកូវ ពិសិដ្ឋបានបញ្ចាក់ថា ដីទាំងនេះគឺលោកបានប្រមូលទិញកាលពីអំឡុងឆ្នាំ២០០៥កន្លងទៅ ខណៈនោះត្រូវបានប្រជាពលរដ្ឋចូលទៅកាប់អាស្រ័យផលតែលោកបានប្រាប់លោកមេភូមិអូរគ្រញួងដែរឱ្យជួយមើលថែទាំ ហើយលោកមេភូមិថាពួកគាត់សុំអាស្រ័យតែប៉ុណ្ណោះ។
លោកសាស់ សុផនហៅហ៊ុចមេភូមិអូរគ្រញួងបានឱ្យដឹងថា ទីតាំងដីដែលមានបញ្ហានេះជាដីក្រុមអាជ្ញាធរបែងចែកជូនទៅប្រជាពលរដ្ឋនៅក្នុងឆ្នាំ២០០៣មកទល់២០០៥ពេលនោះប្រជាពលរដ្ឋខ្លះចូលមករស់នៅខ្លះទៀតបានត្រឹមទទួលយកតែមិនមករស់នៅហើយបានបោះបង់ចោលដោយដីប្រភេទចម្រាក់ភ្នំតែត្រង់ថា ឈ្មោះកូវ ពិសិដ្ឋរូបគាត់ប្រមូលទិញពីនណារលោកក៍មិនបានដឹងដែរ តែដីដែលកូវពិសិដ្ឋបានអះអាងថាជាដីរបស់ខ្លួនប្រជាពលរដ្ឋអាស្រ័យផលអស់រយៈពេល៧ឆ្នាំមកហើយសព្វថ្ងៃពួកគាត់ដាស្វាយចន្ទីឡើងកម្ពស់មួយម៉ែត្រហើយ៕
ចែករំលែកព័តមាននេះ