រាជធានីភ្នំពេញ ៖ កន្លងមកមានភាពមិនច្បាស់លាស់មួយចំនួនជុំវិញបញ្ហាអ្នកបញ្ជាយានយន្តដែលប្រើប្រាស់បណ្ណបើកបរចាស់ថា ត្រូវទៅផ្លាស់ថ្មីយកបណ្ណបើកបរសេរីថ្មីមាន QR Code ឬយ៉ាងណា ហើយបើសិនប្រើអាចាស់អាចត្រូវផាកពិន័យ ឬយ៉ាងណា ។
ជុំវិញបញ្ហានេះ ក្រសួងសាធារណការ និងដឹកជញ្ជួនបានបញ្ជាក់ កាលពីរសៀលថ្ងៃទី១១ មិថុនាថា ជុំវិញសំណួរដែលចោទសួរថា តើបណ្ណបើកបរដែលមិនមាន QR Code ហើយនៅមានសុពលភាពតើអាចប្រើប្រាស់បានដែរឬទេ ឬតម្រូវអោយប្តូរថ្មី ?
ក្រសួងសាធារណការបានបន្តថា «សូមបញ្ជាក់ថា បណ្ណបើកបរដែលមិនមាន QR Code (ទម្រង់ប្រភេទចាស់) ដែលនៅមានសុពលភាព គឺអាចប្រើប្រាស់បានធម្មតារហូតដល់ថ្ងៃផុតសុពលភាពមិនតម្រូវឱ្យប្តូរយកបណ្ណបើកបរប្រភេទថ្មីដែលមាន QR Code ឡើយ» ។
សម្រាប់បងប្អូនប្រជាពលរដ្ឋដែលមានបណ្ណបើកបរផុតសុពលភាព ឬខូច ឬរហែក អាចធ្វើការប្តូរថ្មីបាននៅមណ្ឌលផ្តល់បណ្ណបើកបរអ៊ីអន១ និងអ៊ីអន២ ឬនៅមន្ទីរសារណការ និងដឹកជញ្ជូនខេត្ត ។ ក្នុងនោះផងដែរខាងក្រសួងបានបញ្ជាក់ថា ចំពោះតម្លៃនៃការប្តូរបណ្ណបើកបរ គឺទី១-បណ្ណបើកបរម៉ូតូ ២០០០០៛ , ទី២ -បណ្ណបើកបររថយន្ត ៣០០០០៛ ៕
ចែករំលែកព័តមាននេះ