ខេត្តកំពង់ស្ពឺ ៖ ពិតជាឈាមស្រែកស្បែកហៅមែន ជនសង្ស័យដែលចាក់សាំងដុតប្រល័យជីវិតប្រពន្ធនៅស្រុកពញាឮ ខេត្ដកណ្ដាល ត្រូវនគរបាលស្រុកឱរ៉ាល់ ស្រាវជ្រាវឃាត់ខ្លួនប្រគល់ជូនសមត្ថកិច្ចខេត្ដកណ្ដាល ដើម្បីយកទៅចាប់ការតាមនីតិវិធីច្បាប់ហើយ។ ការឃាត់ខ្លួននេះ ធ្វើឡើងកាលពីថៃ្ងទី១០…
ខេត្តកំពង់ស្ពឺ ៖ ពិតជាឈាមស្រែកស្បែកហៅមែន ជនសង្ស័យដែលចាក់សាំងដុតប្រល័យជីវិតប្រពន្ធនៅស្រុកពញាឮ ខេត្ដកណ្ដាល ត្រូវនគរបាលស្រុកឱរ៉ាល់ ស្រាវជ្រាវឃាត់ខ្លួនប្រគល់ជូនសមត្ថកិច្ចខេត្ដកណ្ដាល ដើម្បីយកទៅចាប់ការតាមនីតិវិធីច្បាប់ហើយ។ ការឃាត់ខ្លួននេះ ធ្វើឡើងកាលពីថៃ្ងទី១០ ខែមិថុនា ឆ្នាំ២០២០ ដោយកម្លាំងអធិការនគរបាលស្រុកឱរ៉ាល់ ដឹកនាំដោយលោកអធិការនគរបាលស្រុក ចុះស្រាវជ្រាវឃាត់មុខសញ្ញាជាជនសង្ស័យក្នុងអំពើឃាតកម្ម ដែលរត់គេចមកសម្ងំលាក់ខ្លួននៅក្នុងភូមិពាមរស់ ឃុំរស្មីសាមគ្គី ស្រុកឱរ៉ាល់ ក្នុងចំការមួយកន្លែង ។
ប្រភពពីសមត្ថកិច្ចបានឱ្យដឹងថា ដោយការចង្អុលណែនាំពីរលោកស្នងការនគរបាលខេត្ដ និងកិច្ចសម្របសម្រួលនីតិវិធីពីរអយ្យការ អមសាលាដំបូងខេត្ដកំពង់ស្ពឺ កម្លាំងនគរបាលនៃអធិការនគរបាលស្រុកឱរ៉ាល់ សហការជាមួយតំណាងក្រុមហ៊ុនចំការអំពៅ ស្ថិតក្នុងភូមិពាមរស់ ឃុំរស្មីសាមគ្គី ស្រុកឱរ៉ាល់ ហើយបានឃាត់ខ្លួនឈ្មោះ ផូ ងួនហៅ តឿ ភេទប្រុសអាយុ៤៨ឆ្នាំ មុខរបរជាកម្មករសំណង់ មានទីលំនៅភូមិព្រៃផ្ចិក ឃុំឈ្វាំង ស្រុកពញាឮ ខេត្តកណ្តាល ។
លោកអធិការបានបញ្ជាក់ពីដំណើររឿងហេតុថា កាលពីថៃ្ងទី៦ ខែមិថុនា ឆ្នាំ២០២០ ជនជនសង្ស័យរូបនេះបានបង្កជម្លោះជាមួយប្រពន្ធ ដោយបានយកសាំងចាក់ដុតប្រពន្ធនៅផ្ទះក្នុងភូមិផ្ចិក ឃុំឈ្វាំង ស្រុកពញាឮ ខេត្តកណ្តាល រួចក៏រត់គេចខ្លួនបាត់។
ក្រោយឃាត់ខ្លួនជនសង្ស័យបានឆ្លើយសារភាពថា ខ្លួនពិតជាបានធ្វើសកម្មភាពចាក់សាំងដុតប្រពន្ធខ្លួន បណ្តាលឱ្យបាត់បង់ជីវិតមែន ដោយសារតែភ្លើងកំហឹងក្នុងជម្លោះកើតឡើង រហូតមិនអាចគ្រប់គ្រងអារម្មណ៍បាន ។
បច្ចុប្បន្នជនសង្ស័យត្រូវបានប្រគល់ជូននគរបាលខេត្ដកណ្ដាល ទទួលយកទៅអនុវត្ដនីតិវិធីបន្ដ ៕ (កែសម្រួលដោយ ៖ បុប្ផា)
ចែករំលែកព័តមាននេះ