រាជធានីភ្នំពេញ ៖ ទីតាំងចែកចាយ និងផលិតស្រាថ្នាំចិនសែ តាំងគួយ ដែលបណ្តាលឱ្យអ្នកផឹកពុលរហូតដល់បាត់បង់ជីវិត និងមានអ្នកខ្លះទៀតកំពុងសង្គ្រោះបន្ទាន់នៅមន្ទីរពេទ្យ ក្នុងស្រុកម៉ាឡៃ ក្រុងប៉ោយប៉ែត ខេត្តបន្ទាយមានជ័យ…
រាជធានីភ្នំពេញ ៖ ទីតាំងចែកចាយ និងផលិតស្រាថ្នាំចិនសែ តាំងគួយ ដែលបណ្តាលឱ្យអ្នកផឹកពុលរហូតដល់បាត់បង់ជីវិត និងមានអ្នកខ្លះទៀតកំពុងសង្គ្រោះបន្ទាន់នៅមន្ទីរពេទ្យ ក្នុងស្រុកម៉ាឡៃ ក្រុងប៉ោយប៉ែត ខេត្តបន្ទាយមានជ័យ កាលពីប៉ុន្មានថ្ងៃមុននេះ ត្រូវបានសមត្ថកិច្ចចម្រុះចុះឡោមព័ទ្ធ និងត្រៀមឆេកឆេរទីតាំងផលិតមួយកន្លែងនៅរាជធានីភ្នំពេញ តាំងពីព្រឹករហូតដល់រសៀល ប៉ុន្តែមិនបានចូលឆេកឆេរនោះទេ ដោយសារដីការរត់ការមិនទាន់ ហើយសមត្ថកិច្ចគ្រាន់តែដកហូតបានធុងជ័រ និងសម្បកដបដែលម្ចាស់ទីតាំងយកទៅប្លុងចោលនៅចំណុចដីឡូត៍មួយកន្លែងប៉ុណ្ណោះ ។ គួររំលឹកថា ស្រាថ្នាំបានផ្តាច់ជីវិតមនុស្ស៦នាក់ និងកំពុងសង្គ្រោះបន្ត៥នាក់
ការចុះឆែកឆេរទីតាំងផលិត និងចែកចាយស្រាថ្នាំចិនសែខាងលើនេះ គ្រោងធ្វើឡើងតាំងពីព្រឹក រហូតដល់រសៀលថ្ងៃទី១១ ខែមិថុនា ឆ្នាំ២០២០ នៅចំណុចផ្ទះមួយកន្លែង ស្ថិតក្នុងភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
ប្រតិបត្តិការខាងលើនេះ ដឹកនាំដោយ លោកង៉ែត ចេក អគ្គនាយករងនៃ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំនៃក្រសួងពាណិជ្ជកម្ម និងមានការចូលរួមសហការណ៍ ពីនគរបាល និងអាជ្ញាធរមូលដ្ឋានផងដែរ ។
តាមប្រភពព័ត៌មានអោយដឹងថា សមត្ថកិច្ចចម្រុះបានធ្វើការឡោមព័ទ្ធទីតាំងនោះតាំងពីព្រឹក ហើយ ទំនងជាម្ចាស់ទីតាំងខាងលើដឹងខ្លួនមុន បានចាក់សោគេចខ្លួនបាត់ ទើបសមត្ថកិច្ចពន្យារពេល រង់ចាំមានដីកា ទើបចុះកាត់សោទ្វារ ដើម្បីបើកប្រតិបត្តិការចូលឆែកឆេរ ។ មុនពេលត្រៀមឆែកឆេរទីតាំងខាងលើ មន្ត្រីជំនាញនិងសមត្ថកិច្ចបានរកឃើញសំដបស្រាថ្នាំខាងលើ និងធុងសម្រាប់ផលិតដែលម្ចាស់យកទៅបោះចោលក្នុងព្រៃ និងកៀនរបងដីឡូតិ៍ទុកចោលមួយកន្លែង ខាងជើងផ្លូវជាតិលេខ៦ ដើម្បីបំផ្លាញភស្តុតាង។
តាមប្រភពពីសមត្ថកិច្ចអោយដឹងថា ការឈានចុះទៅឡោមព័ទ្ធ និងឆែកឆេរទីតាំងផលិតនិងចែកចាយស្រាថ្នាំចិនសែ តាំងគួយ ខាងលើនេះ បន្ទាប់ពីមានអ្នកផឹកស្រាថ្នាំនេះ បណ្តាលឱ្យពុលរហូតបាត់បង់ជីវិត ចំណែកអ្នកខ្លះកំពុងតែសង្គ្រោះបន្ទាន់នៅមន្ទីរពេទ្យជាច្រើននាក់ ។ តាមរយៈអសយដ្ឋាន និងលេខទូរស័ព្ទនៅលើសំបកដប ទើបសមត្ថកិច្ចឈានរកឃើញទីតាំងផលិតនាំយកទៅបោះដុំនិងចែកចាយតាមបណ្តាខេត្ត ហើយចុះមកឆែកឆេរតែម្តង។
តាមមន្ត្រីជំនាញបានអោយដឹងថា ទាក់ទិនការពុលស្រាថ្នាំ បណ្តាលឱ្យមានអ្នកបាត់បង់ជីវិតនេះដែរ មន្ត្រីនៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំនៃក្រសួងពាណិជ្ជកម្ម បានចុះទៅតាមខេត្ត ដើម្បីយកស្រាថ្នាំមកធ្វើការពិសោធន៍ហើយ តែមិនទាន់ដឹងពីលទ្ធផលនៅឡើយទេ ។ ចំពោះការពុលស្រាថ្នាំ បណ្តាលឱ្យមានអ្នកបាត់បង់ជីវិតនេះដែរ មន្ត្រីជំនាញមានការសង្ស័យថា ម្ចាស់ទីតាំងផលិតបានយកអាល់កុលក្លែងក្លាយដែលធ្វើពីមេតាណុលយកមកផលិតស្រា ជាហេតុធ្វើឱ្យអ្នកផឹកពុល។
តាមរយៈការស្រាវជ្រាវ មុនដំបូងម្ចាស់បានទិញអាកុលនៅក្រុមហ៊ុនSKDដែលជាអាកុលមានស្តង់ដាដោយសារអាល់កុលថ្លៃ ក៏ទៅទិញអាល់កុលកន្លែងផ្សេងចំអាល់កុលក្លែងក្លាយធ្វើពីមេតាណុលជាហេតុបណ្តាលអោយពុលតែម្តង។
តាមប្រភពព័ត៌មានបានអោយដឹងថា ម្ចាស់ទីតាំងផលិតស្រាថ្នាំខាងលើឈ្មោះខ្វៅ សុវណ្ណ ភេទប្រុស អាយុប្រមាណ៧០ឆ្នាំ និងប្រពន្ធឈ្មោះងន ចាគា អាយុ៦០ឆ្នាំ បានចាក់សោផ្ទះ និងបំផ្លាញវត្ថុតាង ព្រមទាំងគេចបាត់អស់រយៈពេល២ថ្ងៃមកហើយ។
បន្ទាប់ពីធ្វើការឡោមព័ទ្ធរហូតដល់វេលាម៉ោង៤និង៥០នាទីរសៀលថ្ងៃដដែល សមត្ថកិច្ចមិនបានឆែកឆេរនោះទេ ដោយពន្យារពេល គឺគ្រាន់តែដកហូតសំបកដបនិងធុងជ័រផលិតចំណុះប្រមាណ១ពាន់លីត្រដែលម្ចាស់យកទៅប្លុងចោលតែប៉ុណ្ណោះ ៕ (កែសម្រួលដោយ ៖ ធីតា)
សូមបញ្ជាក់ថា ដូច្នេះ សូមកុំចេះតែ៊ហ៊ានពិសារស្រាថ្នាំគ្មានប្រភព ចៀសបាត់ជីវិត
ចែករំលែកព័តមាននេះ