រាជធានីភ្នំពេញ ៖ មន្ត្រីនៅសាលារាជធានីភ្នំពេញបានឲ្យដឹងថា ដើមឈើ២៥០ដើម នៅលើដងផ្លូវ ២៦ខ្សែ ក្នុងក្រុងភ្នំពេញ ខ្លះងាប់ខ្លះពុកផុយ និងប្រហោងគល់ងាយនឹងដួលរលំ ក្នុងចំណោមដើមឈើសរុបជាង៥ម៉ឺនដើម…
រាជធានីភ្នំពេញ ៖ មន្ត្រីនៅសាលារាជធានីភ្នំពេញបានឲ្យដឹងថា ដើមឈើ២៥០ដើម នៅលើដងផ្លូវ ២៦ខ្សែ ក្នុងក្រុងភ្នំពេញ ខ្លះងាប់ខ្លះពុកផុយ និងប្រហោងគល់ងាយនឹងដួលរលំ ក្នុងចំណោមដើមឈើសរុបជាង៥ម៉ឺនដើម ដែលអាជ្ញាធរភ្នំពេញត្រៀមកាប់ចោល និងត្រូវដាំថ្មីជំនួសនៅសប្តាហ៍ក្រោយនេះ ។
អង្គភាពសួនច្បារ និងរុក្ខជាតិនៃមន្ទីរសាធារណៈការ និងដឹកជញ្ជូនរាជធានីភ្នំពេញបាន និងកំពុងដំណើរការកាប់លះមែកឈើជាច្រើនដើម ដែលមានស្លឹក និងមែកស៊ុបឌ្រុប នៅតាមដងវិថីជាច្រើនក្នុងរាជធានីភ្នំពេញ ដើម្បីបញ្ជៀសការបាក់រលំពេលមានភ្លៀងខ្យល់ ។
លោកសំ សាមុត ប្រធានអង្គភាពសួនច្បារ និងរុក្ខជាតិបានឲ្យដឹងថា ពេលនេះអង្គភាពរបស់លោកកំពុងធ្វើសកម្មភាពកាប់លះមែកឈើដែលដុសស៊ុបឌ្រុប នៅតាមបណ្តោយផ្លូវលេខ៦៣ (ត្រសក់ផ្អែម)ចាប់ពីសាលាភូមិន្ទរដ្ឋបាល ដល់ផ្សារធំថ្មី ហើយយើងបានដំណើរកាប់លះមែកឈើបែបនេះ តាំងពីថ្ងៃទី១ ខែឧសភា និងគ្រោងបញ្ចប់នៅក្នុងខែកក្កដា ឬសីហាខាងមុខ ។
លោកសំ សាមុត បន្តថា ៖ការងារនេះ យើងតែងធ្វើនៅរដូវវស្សាព្រោះដើមឈើលូតលាស់ល្អ បើយើងកាប់លះនៅរដូវវស្សាដើមឈើអាចងាប់ ។ លោកបានបន្តថា មានដើមឈើជាច្រើនដើមត្រូវបានកាប់លះមែកតាមដងវិថីសំខាន់ៗមានដូចជា ៖ នៅផ្លូវលេខ១៧៤,១៥៨,ផ្លូវ៨១,១២៦,ផ្លូវលេខ៧០និងតំបន់ជុំវិញមន្ទីរពេទ្យគន្ធបុប្តាជាដើម ។
ចំណែកការងារកាប់លះមែក ឈើបន្តនឹងត្រូវធ្វើឡើងនៅផ្លូវត្រសក់ផ្អែម, វិថីព្រះសីហនុ,មហាវិថីព្រះមុនីវង្ស មហាវិថីព្រះនរោតម្ត,វិថីកម្ពុជាក្រោម និងមហាវិថីម៉ៅសេទុង ។ លោកប្រធានអង្គ ភាពសួនច្បារបានបន្តថា ដើមឈើដែលមាននៅក្នុងរាជធានីភ្នំពេញមានជាង៥ ម៉ឺនដើម លើផ្លូវ២៦ខ្សែ ក្នុងនោះដើមឈើធំៗដែលមានអាយុកាលចាប់ពី១០០ឆ្នាំឡើងមានជាង៤០%។
ក្នុងចំណោមដើមឈើជាង៥ម៉ឺនដើមនេះមាន២៥០ដើមមានសភាពពុកផុយ ប្រហោងគល់អាចប្រឈមនឹងការបាក់រលំ ។
លោក ឃួង ស្រេង អភិបាលនៃគណៈអភិបាលរាជធានីភ្នំពេញបានណែនាំឲ្យកាបដើមឈើ ដែលចាស់ពុកផុយទាំង២៥០ដើមនោះចោលជៀសវាងបង្កគ្រោះថ្នាក់ជាយថាហេតុ រួចដាំថ្មីជំនួសវិញ ៕
ចែករំលែកព័តមាននេះ