ត្រឹមតែ៥ថ្ងៃ ប្រេស៊ីលមានអ្នកឆ្លងកូវីដ១៩ថ្មីដល់ទៅជាង១សែននាក់
ប្រេស៊ីល ៖ តាមប្រភពព័ត៌មាន CNN បានឱ្យដឹងថា ក្នុងរយៈពេលតែ៥ថ្ងៃប៉ុណ្ណោះ ប្រទេសប្រេស៊ីល បានបញ្ជាក់ថា មានករណីឆ្លងជំងឺកូវីដ១៩ ថ្មី…
ប្រេស៊ីល ៖ តាមប្រភពព័ត៌មាន CNN បានឱ្យដឹងថា ក្នុងរយៈពេលតែ៥ថ្ងៃប៉ុណ្ណោះ ប្រទេសប្រេស៊ីល បានបញ្ជាក់ថា មានករណីឆ្លងជំងឺកូវីដ១៩ ថ្មី…
ប្រេស៊ីល ៖ តាមប្រភពព័ត៌មាន CNN បានឱ្យដឹងថា ក្នុងរយៈពេលតែ៥ថ្ងៃប៉ុណ្ណោះ ប្រទេសប្រេស៊ីល បានបញ្ជាក់ថា មានករណីឆ្លងជំងឺកូវីដ១៩ ថ្មី ជាង ១០០,០០០ករណី។
ក្រសួងសុខាភិបាលរបស់ប្រទេសប្រេស៊ីល បានរាយការណ៍ថា មានករណីឆ្លងជំងឺកូវីដ១៩ ចំនួន ៣២,០០០នាក់ផ្សេងទៀត ក្នុងរយៈពេល២៤ម៉ោងកន្លងមក ដែលចំនួនសរុបនៃការឆ្លងកូវីដ១៩ របស់ប្រទេសនេះ មានយ៉ាងហោចណាស់ ៧៧២,៤១៦ករណី។
ជាមួយគ្នានេះដែរ ករណីបាត់បង់ជីវិតដោយសារកូវីដ១៩ នៅប្រទេសនេះ ក៏ឡើងជិតដល់ ៤០,០០០ករណី ក្រោយពីមានអ្នកបាត់បង់ជីវិតថ្មីចំនួន ១,២៧៤នាក់ កាលពីថ្ងៃពុធ។
ចំនួនអ្នកបាត់បង់ជីវិត ដោយសារកូវីដ១៩ នៅប្រេស៊ីល មានចំនួន ៣៩,៦៨០នាក់។
គួរបញ្ជាក់ផងដែរថា ប្រទេសប្រេស៊ីល គឺជាប្រទេសដែលរងការវាយប្រហារយ៉ាងខ្លាំងបំផុតនៅក្នុងអាមេរិកឡាទីន ដោយជំងឺកូវីដ១៩។ វាមានចំនួនករណីឆ្លងកូវីដខ្ពស់បំផុតទី២ នៅទូទាំងពិភពលោក ដែលស្ថិតនៅពីក្រោយសហរដ្ឋអាមេរិក៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ