រាជធានីភ្នំពេញ ៖ នៅថ្ងៃទី១០ ខែមិថុនា ២០២០នេះ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តការចុះបញ្ជីជាផ្លូវការនូវគម្រោងបង្កើតរោងចក្រ ចំនួន២ទៀតហើយ ដោយមួយជារោងចក្រផលិតកាបូប…
រាជធានីភ្នំពេញ ៖ នៅថ្ងៃទី១០ ខែមិថុនា ២០២០នេះ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តការចុះបញ្ជីជាផ្លូវការនូវគម្រោងបង្កើតរោងចក្រ ចំនួន២ទៀតហើយ ដោយមួយជារោងចក្រផលិតកាបូប និងរោងចក្រផលិតស្រាបៀរថ្មីមួយទៀត ក្នុងទុនវិនិយោគចំនួន ៨៧លានដុល្លារអាមេរិក ។
បើយោងតាមក្រុមប្រឹក្សាអភិវឌ្ឍន៍កម្ពុជា (CDC) បានអោយដឹងថា តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនដូចខាងក្រោម ៖
១-“BRILLIANT DRAGON (CAMBODIA) ENTERPRISE CO., LTD.” គម្រោងបង្កើតរោងចក្រផលិតកាបូបគ្រប់ប្រភេទ ដែលមានទីតាំងវិនិយោគស្ថិតនៅភូមិញរ សង្កាត់កណ្តោលដុំ ក្រុងច្បារមន ខេត្តកំពង់ស្ពឺ មានទុនវិនិយោគប្រមាណ ២,៤លានដុល្លារអាមេរិក និងអាចបង្កើតការងារបានចំនួន ៧០០កន្លែង។
២-“VATTANAC BREWERY CO., LTD.” គម្រោងបង្កើតរោងចក្រផលិតស្រាបៀរ ដែលមានទីតាំងវិនិយោគស្ថិតនៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ មានទុនវិនិយោគចំនួន ៨៧លានដុល្លារអាមេរិក និងអាចបង្កើតការងារបានចំនួន ៨៩៩កន្លែង ៕
ចែករំលែកព័តមាននេះ