ខេត្តមណ្ឌលគិរី ៖ អាជ្ញាធរមានសមត្ថកិច្ចខេត្តមណ្ឌលគិរី ប្រើឧគ្ឃោសនសព្ទ (ម៉េក្រូ) ជាភាសាខ្មែរ និងភាសាជនជាតិដើមភាគតិច ផ្សព្វផ្សាយជូនដល់បងប្អូនជនជាតិភាគតិច ឲ្យយល់ដឹងពីច្បាប់ចរាចរណ៍ផ្លូវគោកថ្មី ដើម្បីកាត់បន្ថយគ្រោះថ្នាក់តាមដងផ្លូវ…
ខេត្តមណ្ឌលគិរី ៖ អាជ្ញាធរមានសមត្ថកិច្ចខេត្តមណ្ឌលគិរី ប្រើឧគ្ឃោសនសព្ទ (ម៉េក្រូ) ជាភាសាខ្មែរ និងភាសាជនជាតិដើមភាគតិច ផ្សព្វផ្សាយជូនដល់បងប្អូនជនជាតិភាគតិច ឲ្យយល់ដឹងពីច្បាប់ចរាចរណ៍ផ្លូវគោកថ្មី ដើម្បីកាត់បន្ថយគ្រោះថ្នាក់តាមដងផ្លូវ ។
ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានមានប្រសាសន៍ថា កម្លាំងនគរបាលខេត្តមណ្ឌលគិរីបានប្រើយុទ្ធនាការផ្សព្វផ្សាយច្បាប់ចរាចរណ៏ផ្លូវគោកថ្មី ដោយមានទាំងភាសាខ្មែរ និងភាសាជនជាតិដើមភាគតិច ដោយចាក់សារជាសំឡេង និងបិទបង្ហាញខិតប័ណ្ណគ្រប់រូបភាព រួមនិងចុះពន្យល់ណែនាំចំពោះបងប្អូនជនជាតិដើមភាគតិច ដល់មូលដ្ឋានដើម្បីបង្កើនភាពងាយស្រួលដល់បងប្អូនជនជាតិដើម ដែលមិនសូវចេះភាសាខ្មែរ ឲ្យបានដឹងពីច្បាប់ចរាចរណ៍ផ្លូវគោកថ្មី ។
ស្នងការនគរបាលខេត្តមណ្ឌលគិរី បន្តថា ក្រោយពីការប្រើយុទ្ធនាការផ្សព្វផ្សាយច្បាប់ចរាចរណ៍ផ្លូវគោកថ្មីមក ប្រជាពលរដ្ឋទាំងអស់នៅទូទាំងខេត្ត មានការយល់ដឹងខ្ពស់ពីសុខសុវត្ថភាពផ្ទាល់ខ្លួន និងអ្នកដទៃ ចេះគោរពច្បាប់ចរាចរណ៍ បានយ៉ាងប្រសើរតាមការណែនាំ របស់អគ្គស្នងការនគរបាលខេត្ត ។
សូមបញ្ជាក់ថា ក្រោយពីអនុវត្តការរឹតបណ្តឹងច្បាប់ចរាចរណ៍ផ្លូវគោកថ្មីនេះ នៅទូទាំងខេត្តមណ្ឌលគិរី សម្រាប់ខែមិថុនា ឆ្នាំ២០២០នេះ គ្រោះថ្នាក់ចរាចរណ៍មានការថយចុះគួរឲ្យកត់សំគាល់ ៕
ចែករំលែកព័តមាននេះ