ប្រទេសអ៊ីរ៉ង់ ៖ យោងតាម AFP ថា ប្រភពផ្លូវការមួយអះអាងនាថ្ងៃទី៩ មិថុនា នៅក្រុងតេហេរ៉ង់ថា អ៊ីរ៉ង់ត្រៀមប្រហារជីវិតបុរសអ៊ីរ៉ង់ម្នាក់ដែលបានផ្ដល់ព័ត៌មានឲ្យសហរដ្ឋអាមេរិកនិងអ៊ីស្រាអែល ស្ដីពីការធ្វើដំណើររបស់ឧត្ដមសេនីយកាសេមសូឡីម៉ានី…
ប្រទេសអ៊ីរ៉ង់ ៖ យោងតាម AFP ថា ប្រភពផ្លូវការមួយអះអាងនាថ្ងៃទី៩ មិថុនា នៅក្រុងតេហេរ៉ង់ថា អ៊ីរ៉ង់ត្រៀមប្រហារជីវិតបុរសអ៊ីរ៉ង់ម្នាក់ដែលបានផ្ដល់ព័ត៌មានឲ្យសហរដ្ឋអាមេរិកនិងអ៊ីស្រាអែល ស្ដីពីការធ្វើដំណើររបស់ឧត្ដមសេនីយកាសេមសូឡីម៉ានី ដែលអាមេរិកសម្លាប់កាលពីដើមខែមករានៅក្រុងបាដាដ ។
ក្នុងសន្និសីទសារព័ត៌មានមួយផ្សាយតាមទូរទស្សន៍ អ្នកនាំពាក្យរបស់តុលាការលោកហ្កោឡាមហូសេនអេស្មៃលីថ្លែងថា បុរសឈ្មោះម៉ាមូដមូសសាវីម៉ាជីដ មានទោសពីបទធ្វើចារកម្មលើកងកម្លាំងយោធាអ៊ីរ៉ង់ ពិសេសលើកងកម្លាំងFORCE QODS ហើយផ្ដល់ឲ្យភ្នាក់ងារ CIA និង
ភ្នាក់ងារស៊ើបការណ៍អ៊ីស្រាអែលMOSSAD បណ្ដាព័ត៌មានស្ដីពីការធ្វើចលនានិងទីតាំងដែលមានវត្តមាននៃមេទ័ពរបស់គេឧត្ដមសេនីយកាសេមសូឡីម៉ានី ។
ទោសប្រហារជីវិតជននោះដែលជាប់ចោទថា ទទួលប្រាក់ដ៏ច្រើនក្នុងការរួមសហការជាមួយភ្នាក់ងារស៊ើបការណ៍នៃប្រទេសទាំង២នោះជាសត្រូវអ៊ីរ៉ង់ ត្រូវបានអះអាងដោយតុលាការកំពូលហើយនឹងអនុវត្តក្នុងពេលដ៏ឆាប់ ។
ជាមនុស្សពូកែក្នុងការរៀបចំយុទ្ធសាស្ត្របង្កើនឥទ្ធិពលអ៊ីរ៉ង់ក្នុងតំបន់ ពិសេសនៅអ៊ីរ៉ាក់និងស៊ីរី ឧត្ដមសេនីយសូឡីម៉ានីជាមេបញ្ជាការរបស់កងកម្លាំង FORCE QODS ជាកងឯកភាពពិសេសទទួលបន្ទុកធ្វើប្រតិបត្តិការនៅក្រៅប្រទេសរបស់កងកម្លាំងឆ្មាំបដិវត្តន៍ត្រូវបានសម្លាប់ក្នុងឱកាសនៃការវាយប្រហារតាមអាកាសមួយដោយដ្រូនអាមេរិកនៅក្រុងបាដាដ ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ