ខេត្តបន្ទាយមានជ័យ ៖ បុរសជាជនជាតិថៃ២នាក់បាននាំបុរសជាជនជាតិចិនចំនួន៤នាក់ឆ្លងដែនពីថៃចូលមកកម្ពុជាតាមច្រករបៀងព្រំដែនចម្ការគរ ស្ថិតក្នុងភូមិចំការគ ឃុំ ស្វាយចេក ស្រុកស្វាយចេក ត្រូវបានកម្លាំងកងការពារព្រំដែនលេខ៥០៣របស់កម្ពុជាឃាត់ខ្លួនទាំងមនុស្ស និងរឹបអូសមធ្យោបាលរថយន្ត២គ្រឿង ។…
ខេត្តបន្ទាយមានជ័យ ៖ បុរសជាជនជាតិថៃ២នាក់បាននាំបុរសជាជនជាតិចិនចំនួន៤នាក់ឆ្លងដែនពីថៃចូលមកកម្ពុជាតាមច្រករបៀងព្រំដែនចម្ការគរ ស្ថិតក្នុងភូមិចំការគ ឃុំ ស្វាយចេក ស្រុកស្វាយចេក ត្រូវបានកម្លាំងកងការពារព្រំដែនលេខ៥០៣របស់កម្ពុជាឃាត់ខ្លួនទាំងមនុស្ស និងរឹបអូសមធ្យោបាលរថយន្ត២គ្រឿង ។
តាមប្រភពព័ត៌មានពីព្រំដែនកម្ពុជា-ថៃនៅចម្ការគរ កាលពីថ្ងៃទី៧ ខែមិថុនា ឆ្នាំ២០២០ បានឱ្យដឹងថា ៖ ករណីនាំជនបរទេសឆ្លងដែនក្នុងអំឡុងប្រទេសថៃ ក៏ដូចកម្ពុជាបានបិទប្រទេស ដើម្បីទប់ស្កាត់ការរីករាលដាលនៃជម្ងឺកូវីដ១៩នេះ នៅថ្ងៃដដែលនេះដែរ មានបុរសជាជនជាតិថៃ២នាក់មិនស្គាល់អត្តសញ្ញាណបានបើករថយន្ត១គ្រឿងនាំបុរសជនជាតិចិនដីគោកចំនួន៤នាក់មិនស្គាល់អត្តសញ្ញាណពីប្រទេសថៃចូលមកប្រទេសកម្ពុជា ដោយឆ្លងកាត់ច្រករបៀងក្នុងស្រុកគោកធ្យូង ខេត្តត្តស្រះកែវ ដែលខាងកម្ពុជាគឺច្រករបៀងចម្ការគ ភូមិចម្ការគ ឃុំស្វាយចេក ស្រុកស្វាយចេក ខេត្តបន្ទាយមានជ័យ ។ ពេលពួកគេចូលមកដល់នៅព្រំដែនកម្ពុជា (ភូមិសាស្ត្រខាងលើ ហើយឈរជើងអោយកងល្បាតទី១ នៃកងការពារព្រំដែនលេខ៥០៣ ) មានជនជាតិខ្មែរ២នាក់ចាំយករថយន្ត១គ្រឿងទៀតមកទទួលដឹកបន្ត ។
តាមប្រភពមន្ត្រីយោធាខាងលើបានអោយដឹងបន្តថា បុរសជាជនបរទេសទាំង៦នាក់ (ថៃ២នាក់ ចិន៤នាក់) និងជនជាតិខ្មែរ២នាក់ ត្រូវបានឃាត់ខ្លួន ហើយប្រគល់អោយអាវុធហត្ថខេត្តបន្ទាយមានជ័យ ចាត់ការបន្ត ។
យោងតាមមន្ត្រីយោធាដដែលបានឱ្យដឹងបន្តថា ការឃាត់ខ្លួនជនជាតិថៃ ជនជាតិចិន និងជនជាតិខ្មែរសរុបចំនួន៨នាក់ខាងលើ គឺដោយសារឆ្លងព្រំដែនខុសច្បាប់ ហើយបំពានបម្រាមឆ្លងកាត់ព្រំដែនក្នុងអំឡុងពេលបិទប្រទេស ដើម្បីទប់ស្កាត់ការឆ្លងរីករាលដាលនៃជំងឺកូវី១៩ ។
ក្នុងនោះកងទ័ពនៅព្រំដែនចំណុះយោធភូមិភាគ៥ បានដកហូតវត្ថុតាងរួមមាន រថយន្ត២គ្រឿង ទូរស័ព្ទ៨គ្រឿង ប្រាក់១.៦៦០បាត និងប្រាក់ដុល្លា៨០ដុល្លារ ។
ក្រោយពីយោធភូមិភាគ៥ ទទួលទិសទី១បន្ទាយមានជ័យ ធ្វើការសាកសួរ និងធ្វើកំណត់ហេតុរួច ជនជាតិថៃ ជនជាតិចិន និងជនជាតិខ្មែរ សរុបទាំង៨នាក់ និងរថយន្ត២គ្រឿង ត្រូវបានយោធាប្រគល់ឲ្យកងរាជអាវុធហត្ថខេត្តបន្ទាយមានជ័យដើម្បីចាត់ការបន្តតាមនិតិវិធី ៕
ចែករំលែកព័តមាននេះ