រាជធានីភ្នំពេញ ៖ ដូចប្រិយមិត្តដឹងស្រាប់ហើយ កាលពីម្សិលមិញ មានចម្រៀង១បទ មានចំណងជើង «កណ្តៀវអូនស្រួយ» ដែលបានបង្ហោះនៅលើបណ្តាញសង្គមយូធូប និងហ្វេសប៊ុក ដែលមានអត្ថន័យគន្លាស់ពាក្យមក គឺអាសអាភាស មិនសមរម្យ ធ្វើឲ្យមហាជនផ្ទុះការរិះគន់យ៉ាងកងរំពង មិនអាចទទួលយកបានឡើយ រហូតនាំគ្នាថ្កោលទោសអ្នកនិពន្ធ និងនារីជាច្រៀងបទនោះ ពេញផ្ទៃប្រទេស ផងដែរ ។
ទោះជាយ៉ាងណា បន្ទាប់ពីផ្ទុះការរិះគន់ដូចទឹកបាក់ទំនប់ រួចមក អ្នកនិពន្ធបទចម្រៀងបទ«កណ្តៀវអូនស្រួយ»នេះ ត្រូវបានក្រសួងវប្បធម៌ និងវិចិត្រសិល្បៈ កោះហៅយកទៅអប់រំណែនាំ និងបានធ្វើកិច្ចសន្យាបញ្ចប់សកម្មភាពមួយនេះ និងត្រូវលុបបទចម្រៀងខាងលើនេះចេញតាមរយៈ Chanel YouTube ជាបន្ទាន់ ។
ប្រធាននាយកដ្ឋានភាពយន្ត និងផ្សព្វផ្សាយវប្បធម៌នៃក្រសួងវប្បធម៌ និងវិចិត្រសិល្បៈ លោក ប៉ុក បូរក្ស បានអះអាងប្រាប់កោះសន្តិភាពតាមសារអេឡិចត្រូនិច នៅព្រឹកថ្ងៃទី១០ ខែមិថុនា ឆ្នាំ២០២០នេះអោយដឹងថា បន្ទាប់ពីមានការរិះគន់ពីមហាជនទៅលើបទចម្រៀងខាងលើនេះរួចមក ក្រសួងក៏បានចាត់វិធានការភ្លាមៗផងដែរ ទៅលើអ្នកនិពន្ធឈ្មោះ អ៊ិច ចន្ថា ដែលនិពន្ធបទចម្រៀង «កណ្តៀវអូនស្រួយ» និងបទ «ស្រណោះអង្រែ» ច្រៀងដោយកញ្ញា បរ៉ាម៉ី ។
អ្នកនិពន្ធឈ្មោះ អ៊ិច ចន្ថា ក៏បានទទួលស្គាល់កំហុស ដែលមានអត្តន័យប៉ះពាល់ដល់សីលធម៌សង្គម និងយល់ព្រមកែប្រែ ការតែងនិពន្ធបែបអវិជ្ជមាន ទៅជាវិជ្ជមាន នាពេលខាងមុខ ។ ហើយអ្នកនិពន្ធរូបនេះ ក៏បានលប់វីដេអូនោះតាំងពីម្សិលមិញ នៅលើ Chanel YouTube រួចហើយដែរ ។
សូមរម្លឹកថា ក្រោយការរិះគន់បទ «កណ្តៀវអូនស្រួយ» ក្រសួងវប្បធម៌ចាត់វិធានការភ្លាមៗលើអ្នកនិពន្ធ ។
នេះជាកិច្ចសន្យារបស់លោក អ៊ិច ចន្ថា និងគោលការណ៍ចំនួន៥យ៉ាង និងលក្ខខណ្ឌ៧ចំណុច របស់ក្រសួងវប្បធម៌ និងវិចិត្រសិល្បៈ មានដូចខាងក្តោមនេះ ៖
ចែករំលែកព័តមាននេះ