រាជធានីភ្នំពេញ៖ នៅរសៀលថ្ងៃទី០៩ ខែមិថុនា ឆ្នាំ២០២០ លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេខ៧០ បានប្រគល់ម៉ាសុីនបាញ់សម្លាប់មេរោគជូន…
រាជធានីភ្នំពេញ៖ នៅរសៀលថ្ងៃទី០៩ ខែមិថុនា ឆ្នាំ២០២០ លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេខ៧០ បានប្រគល់ម៉ាសុីនបាញ់សម្លាប់មេរោគជូន លោកវរសេនីឯក ជូស៊ែល ជេ ហ្សូនីហ្គា (JOSELJ ZUNIGA ) អនុព័ន្ធយោធាហ្វីលីពីន ប្រចាំកម្ពុជាដែលទើបតែបញ្ចប់ អណត្តិ នៅបញ្ជាការដ្ឋានកងពលតូចលេខ៧០។
ក្នុងជំនួបពិភាក្សាការងារប្រកបដោយភាពស្និទ្ធស្នាលនេះ គឺធ្វើឡើងដើម្បីទំនាក់ទំនងល្អនូវកិច្ចសហប្រតិបត្តិការរវាងកងទ័ពនៃប្រទេសទាំងពីរ កម្ពុជា-ហ្វីលីពីន និយាយជារួម គឺបង្កើនចំណងសាមគ្គីភាពជាមួយកងពលតូចលេខ៧០។
ថ្លែងក្នុងឱកាសនោះ លោកឧត្តមសេនីយ៍ឯក ម៉ៅ សុផាន់ ក៏បានជម្រាបជូន លោកវរសេនីឯក ជូស៊ែល ជេ ហ្សូនីហ្គា (JOSELJ ZUNIGA )ថា កម្ពុជាមានសន្តិភាព មានការអភិវឌ្ឍ ក្នុងកងយោធពលខេមរភូមិន្ទក៏មានការរីកចម្រើនជាលំដាប់ទាំងសម្ភារៈប្រើប្រាស់ និងមានជំនាញច្បាស់លាស់ ។
ជាងនេះទៅទៀត លោកឧត្តមសេនីយ៍ឯក បានចូលរួមមរណទុក្ខ និងសោកស្ដាយបំផុតចំពោះការបាត់បង់អាយុជីវិតរបស់ប្រជាជនហ្វីលីពីនដោយសារការរាតត្បាតជំងឺកូវីដ១៩។
ជាចុងបញ្ចប់ លោកឧត្តមសេនីយ៍ឯក ក៏បានជូនពរអោយការធ្វើដំណើរមាតុភូមិនិវត្តន៍របស់លោកវរសេនីយ៍ឯក ប្រកបដោយសុវត្ថិភាព៕
ចែករំលែកព័តមាននេះ