ខេត្តស្វាយរៀង ៖ បន្ទាប់ពីមានកម្មករកម្មការិនីចំនួន៧២នាក់ បានដួលសន្លប់នៅក្នុងរោងចក្រធីវ៉ាយអេឡិចទ្រីក ឯ.ក (ផលិតអំពូលភ្លើង)រួចមកអាជ្ញាធរបានបង្កើតក្រុមការងារចុះស្រាវជ្រាវទប់ស្កាត់ករណីដួលសន្លប់របស់កម្មករនិយោជិតនិងដើម្បីបង្ការគ្រោះថ្នាក់ការងារ (ទ.ស.ប.ក)បានរកឃើញចំនួន៣ចំណុចដែលបណ្តាលឲ្យកម្មករសន្លប់នោះ។
ទាក់ទិនករណីនេះ លោក តូច ប៉ូលីវ៉ា អភិបាលរងខេត្តស្វាយរៀងបានប្រាប់អ្នកសាព័ត័មាននៅរសៀលថ្ងៃទី៩ មិថុនា ថា ក្រុមការងារបានចុះស្រាវជ្រាវករណីកម្មការនីដួលសន្លប់នៅក្នុងរោងចក្រផលិតអំពូលភ្លើងស្ថិតនៅភូមិ ដើមពោធិ៍ ឃុំកណ្តៀងរាយស្រុកស្វាយទាបខេត្តស្វាយរៀងហើយដោយបានធ្វើការត្រួតពិនិត្យវាស់ស្ទង់ទាំងក្នុងនិងខាងក្រៅរោងចក្រ។ប្រភពបន្តទៀតថាក្រោយពេលចុះពិនិត្យរួចមក ក្រុមការងារ ទ.ស.ប.ក យើងសង្កេតឃើញថា ករណីសន្លប់ខាងលើនេះ បណ្តាលមកពីកត្តា៣ ។
រួមមាន៖ទី១-មានសភាពហប់ខ្វះខ្យល់អុកស៊ីស៊ែននៅក្នុងអគារផលិតកម្ម( កម្មការនីធ្វើការ) ទី២-បញ្ហាសុខភាពផ្ទាល់ខ្លួនរបស់កម្មករនិយោជិត និងទី៣-មកពីមានអារម្មណ៍ភិតភ័យតក់ស្លុតតៗគ្នារបស់កម្មករនិយោជិត។ លោកបានបន្តទៀតថា ចំណែកវិធានការចំពោះសហគ្រាស គ្រឹះស្ថាននោះក្រុមការងារឲ្យលោកនាយករោងចក្រ ត្រូវធ្វើកែលម្អត្រូវបើកបង្អួចទាំងអស់ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ