ខេត្តបន្ទាយមានជ័យ ៖ យ៉ាងហោច មានប្រជាពលរដ្ឋចំនួន៦នាក់បានបាត់បង់ជីវិតជាបន្តបន្ទាប់ ដោយសារពុលស្រាថ្នាំចិនសែ ដែលមានយីហោ «តាំងគួយ» ។ ហេតុការណ៍នេះ កើតឡើងកាលពីវេលាយប់ថ្ងៃទី០៩ មិថុនា ស្ថិតនៅស្រុកម៉ាឡៃ និងក្រុងប៉ោយប៉ែត ខេត្តបន្ទាយមានជ័យ ។
តាមរបាយការណ៍បឋមរបស់សមត្ថកិច្ចនិងអាជ្ញាធរ នៅពាក់អធ្រាត្រចូលថ្ងៃទី៩ មិថុនាថា នៅ០២ស្រុក ក្រុង ក្នុងបន្ទាយមានជ័យ មានករណីពលរដ្ឋពុលស្រាថ្នាំដាក់យីហោថា «សម្រួលសសៃនិងក្រពះ» និង«ស្រាថ្នាំចិនសែ»បណ្តាលអោយពលរដ្ឋ៦នាក់បានស្លាប់ និង៥នាក់ទៀតពុលដែរ តែកំពុងសង្គ្រោះបន្សាបព្យាបាល ។
ជាមួយនឹងករណីប្រជាពលរដ្ឋពុលស្រានេះ លោក អ៊ុំ រាត្រី អភិបាលខេត្តបន្ទាយមានជ័យបានឱ្យដឹងដែរថា៖ សមត្ថកិច្ចនិងអាជ្ញាធរមូលដ្ឋានរាយការណ៍ថា ពលរដ្ឋ៣នាក់បានស្លាប់នៅ០២ក្នុងស្រុកម៉ាឡៃ និងពលរដ្ឋម្នាក់ទៀត នៅក្រុងប៉ោយប៉ែត ក៏បានស្លាប់ដែរ ។ លោកអភិបាលខេត្តបន្តថា ពលរដ្ឋរងគ្រោះបានពុលស្រាថ្នាំដូចខាងលើ ដែលច្រកក្នុងដនទឹកសុទ្ធរាងអង្គាញ់ៗចំណុះ១/៣នៃលីត្រ ។
លោករ័ត្ន ដាស៊ីណង់ អភិបាលស្រុកមង្គលបូរីអោយដឹងថា ៖ មកទល់ម៉ោង១១យប់ថ្ងៃទី៩ខែ មិថុនា ដោយសារផឹកស្រាប្រភេទនេះដែរ ពលរដ្ឋ២នាក់បានស្លាប់ គឺនៅឃុំចំណោមម្នាក់ និងឃុំបន្ទាយនាង ម្នាក់ ។ ក្នុងនោះគ្រូពេទ្យមន្ទីរពេទ្យបង្អែកខេត្តមិត្តភាពកម្ពុជា ជប៉ុន មង្គលបូរីបាននឹងកំពុងសង្គ្រោះ ៥នាក់ ក្នុងនោះឃុំចំណោម ៣នាក់ និងឃុំបន្ទាយនាង២នាក់ ។ ពួកគេបានពិសាស្រាថ្នាំដូចខាងលើ កាលពីល្ងាចថ្ងៃទី៩ ខែមិថុនា ឆ្នាំ២០២០ ។ជាបន្តគ្រូពេទ្យបាននឹងកំពុងបន្តសង្គ្រោះពលរដ្ឋ៥នាក់នោះ ។
លោកអ៊ុំ រាត្រី បន្តថា ៖ ចំពោះមុខ រដ្ឋបាលខេត្តបានបញ្ជូនមន្ត្រីអាជ្ញាធរមានសមត្ថកិច្ចទៅរំលែកទុក្ខគ្រួសារនៃសព ហើយក៏កិច្ចបន្ត ខេត្តបានអោយលោកវេជ្ជបបណ្ឌិត ឡេ ច័ន្ទសង្វាត ប្រធានមន្ទីរសុខាភិ បាលខេត្តនិងមន្ត្រីពាក់ព័ន្ធំចុះស្រាវជ្រារកមូលហេតុនៃការពុលនេះហើយ ។
ជនរងគ្រោះដែលបានស្លាប់នៅស្រុកម៉ាឡៃឈ្មោះ ១/ឈ្មោះ ឆន ឈឿន ហៅ សឿនភេទប្រុសអាយុ៣២ឆ្នាំជាប្រការពារនៅភូមិអូរសំពរ័ឃុំអូរសំពរ័ស្រុកម៉ាឡៃខេត្តបន្ទាយមានជ័យ, ០២/-ឈ្មោះ ឃ្លាំង ចិត្ត្រាភេទប្រុស អាយុ 27 ឆ្នាំ នៅភូមិចំណោម កើត ឃុំចំណោម ស្រុកមង្គលបូរី បាន(ស្លាប់)នៅភូមិអូរស្អំ ស្រុកម៉ាឡៃ,០០៣ឈ្មោះ ម៉ាន នេត ភេទប្រុស អាយុ ២៤ឆ្នាំ រស់នៅភូមិភ្នំរូង ឃុំបឹងបេង ស្រុកម៉ាឡៃ ខេត្តបន្ទាយមានជ័យ ស្លាប់ ។ជនរងគ្រោះកំពុងសង្គ្រោះ០៣/ ឈ្មោះ ថា នៅភូមិអូរស្អំ (ស្រាល),០៤/-ឈ្មោះ ជា តួ នៅភូមិចំណោមកើត (ស្រាល),០៥ឈ្មោះ ហាក់ នៅភូមិអូរស្អំ (ស្រាល)ទាំងបីនាក់សម្រាកព្យាបាលនៅមន្ទីរពេទ្យបង្អែកស្រុកម៉ាឡែ ។
សូមបញ្ជាក់៖ នេះជាព័ត៌មានបឋម ព័ត៌មានលំអិតនឹងផ្តល់ជូនតាមក្រោយបន្តទៀត ។
ចែករំលែកព័តមាននេះ