ទេសរដ្ឋមន្ត្រី ស៊ុន ចាន់ថុល ៖ “នាពេលខាងមុខនេះ នឹងមានស្ពានឆ្លងកាត់ទន្លេមេគង្គ ក្នុងខេត្តក្រចេះ”
- ក្រចេះ
ខេត្តក្រចេះ ៖ នៅថ្ងៃទី០៩ ខែមិថុនា ឆ្នាំ២០២០ នៅខេត្តក្រចេះ លោកទេសរដ្ឋមន្ត្រី ស៊ុន ចាន់ថុល មានប្រសាសន៍ថា…
ខេត្តក្រចេះ ៖ នៅថ្ងៃទី០៩ ខែមិថុនា ឆ្នាំ២០២០ នៅខេត្តក្រចេះ លោកទេសរដ្ឋមន្ត្រី ស៊ុន ចាន់ថុល មានប្រសាសន៍ថា នាពេលខាងមុខនេះ នឹងមានស្ពានឆ្លងកាត់ទន្លេមេគង្គ ក្នុងភូមិសាស្ត្រខេត្តក្រចេះ ។
លោកទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន មានប្រសាសន៍បែបនេះ នៅក្នុងពិធីសំណេះសំណាល និងសាកសួរសុខទុក្ខមន្ត្រីរាជការ បុគ្គលិក និងកម្មករ និងបំពាក់គ្រឿងឥស្សរយសជូនមន្ត្រីរាជការនៅមន្ទីរសាធារណការ និងដឹកជញ្ជូនខេត្តក្រចេះ ដោយមានការចូលរួមពីថ្នាក់ដឹកនាំក្រសួង ឯកឧត្តមប្រធានក្រុមប្រឹក្សាខេត្ត ឯកឧត្ដមអភិបាល នៃគណៈអភិបាលខេត្ត មន្ត្រីរាជការ បុគ្គលិក និងកម្មករ ជុំវិញខេត្តក្រចេះយ៉ាងច្រើនកុះករផងដែរ ។
ថ្លែងក្នុងពិធីនេះ លោកទេសរដ្ឋមន្ត្រី បានអោយដឹងថា គម្រោងនេះនឹងរួមចំណែកជំរុញកំណើនសេដ្ឋកិច្ចក្នុងតំបន់ និងប្រទេស តាមរយ: សម្រួលការដឹកជញ្ជូនទំនិញ និងកសិផល ជាពិសេសផ្សារភា្ជប់ទំនាក់ទំនងរវាងបងប្អូនប្រពលរដ្ឋពីត្រើយ ទៅត្រើយម្ខាងទៀត ភាពរហ័ស ចំនេញពេលវេលា និងចំនេញថរិកា ។
ជាមួយគ្នានេះដែរ ឯកឧត្ដមទេសរដ្ឋមន្ត្រី បានគូសបញ្ជាក់អំពីកត្តាសុខសន្តិភាព និងស្ថិរភាពនយោបាយ ក្រោមការដឹក នាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា គឺជាកត្តាដ៏សំខាន់មិនអាចខ្វះបាន ក្នុងការទាក់ទាញវិនិយោគិនពីបរទេសបង្កើតការងារជូនប្រជាពលរដ្ឋ ទាក់ទាញអ្នកទេចរណ៍ ស្វែងរកទីផ្សារលក់កសិផល រួមចំណែកដល់ការរីកចម្រើនសេដ្ឋកិច្ចជាតិ និងធ្វើឱ្យប្រជាពលរដ្ឋរស់នៅក្រោមបន្ទាត់នៃភាពក្រីក្រផងដែរ ។
សូមជម្រាបដែរថា អំឡុងខែកក្កដា ឆ្នាំ២០១៩ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអះអាងថា កម្ពុជានឹងស្នើប្រាក់កម្ចីសម្បទានពីរដ្ឋាភិបាលចិន ដើម្បីសាងសង់ស្ពានឆ្លងទន្លេមេគង្គមួយទៀត នៅខេត្តក្រចេះ ដែលមានប្រវែងសរុបប្រមាណ ១,៧៦១ម៉ែត្រ ។
លោករដ្ឋមន្ត្រីក្រសួងសាធារណការ បានបញ្ជាក់ថា បន្ទាប់ពីពិនិត្យរួច លោកនឹងរៀបចំគម្រោងសំណើនៅឆ្នាំ២០២០ ហើយការសាង់សង់អាចនឹងធ្វើឡើងនៅឆ្នាំ២០២១ ។ ស្ពាននេះ នឹងផ្តល់ភាពងាយស្រួលដល់ ប្រជាពលដ្ឋ ក្នុងការធ្វើដំណើរពីស្ទឹងត្រែង ទៅកាន់ខេត្តកំពង់ធំ ដែលចំណេញពេលវេលា និងថវិកាច្រើនជាងមុន ៕
ចែករំលែកព័តមាននេះ