បរទេស៖ សុនខ ជាប្រភេទសត្វចិញ្ចឹមដែលមានរហ័សនាមថា «ស្មោះ» ចំពោះម្ចាស់វាខ្លាំងណាស់ ហើយជាប្រភេទសត្វចិញ្ចឹមដែលតែងតែជួយដល់ម្ចាស់របស់ខ្លួនរាល់ពេលមានឧបសគ្គកើតឡើងនោះ ។
ជាក់ស្តែងដូចជាសុនខ មួយក្បាលនេះ បានអង្គុយចាំនៅលើស្ពានដោយទឹកមុខស្រងូតស្រងាត់
រយៈពេលបួនថ្ងៃជាប់ៗគ្នានៅទីកន្លែងដែលវាបានឃើញម្ចាស់របស់វាលោតចុះទៅក្នុងទន្លេ ។ ទោះបីជាយ៉ាងណា ឆ្កែដ៏ស្មោះត្រង់មួយក្បាលនៅក្នុងប្រទេសចិន បានរង់ចាំម្ចាស់នៅលើស្ពានអស់រយៈពេល ៤ ថ្ងៃដោយមិនដើរចេញទៅណាឡើយ គឺវានៅអង្គុយចាំលើស្ពាន Yangtze ក្នុងទីក្រុង Wuhan ប្រហែលជារំពឹងថា ម្ចាស់របស់ខ្លួននឹងងើបឡើងពីទឹកទន្លេមករកខ្លួនអញ្ចឹង ។
ការលះបង់របស់វាបានធ្វើឱ្យបេះដូងមនុស្សរាប់ពាន់នាក់មាន អារម្មណ៍ក្តុកក្តួលជាខ្លាំង បន្ទាប់ពីរូបភាពរបស់សត្វឆ្កែមួយក្បាលនេះត្រូវបានគេបង្ហោះនៅ ក្នុងបណ្តាញសង្គម។ នេះបើយោងតាមសារព័ត៌មាន Chutian Metropolis Newspaper។
លោកឌូហ្វាន ប្រធានសមាគមការពារសត្វព្រៃវូហានបាន ចាប់ផ្តើមស្វែងរកសត្វនេះជាមួយអ្នកស្ម័គ្រចិត្តក្នុងស្រុក តែវាពិតជាគួរឱ្យសោកស្តាយណាស់ដែលឆ្កែស្មោះត្រង់បែបនេះវង្វេងផ្លូវមិនដឹងទៅដល់ទីណា។
លោក Du បានប្រាប់អ្នកសារព័ត៌មានថា ឆ្កែបានដើរតាមម្ចាស់របស់វាទៅកាន់ស្ពាន Yangtze នៅល្ងាចថ្ងៃទី ៣០ ខែឧសភា។ យើងបានស្នើឱ្យមន្ត្រីស្ពានពិនិត្យមើលអ្វីដែលបានកើតឡើង។ លោកឌូបាននិយាយថា អ្នកស្ម័គ្រចិត្តរបស់គាត់ឥឡូវនេះ កំពុងព្យាយាមតាមដានកន្លែងលាក់ខ្លួនរបស់វា ។ ភក្តីភាពរបស់សត្វឆ្កែមួក្បាលនេះ បានធ្វើឱ្យមនុស្សរាប់ពាន់នាក់ស្រក់ទឹកភ្នែក លើបណ្តាញសង្គមចិន៕ ដកស្រង់ចេញពីវេបសាយ ៖ dailymail (កែសម្រួលដោយ ៖ បុប្ផា)
ចែករំលែកព័តមាននេះ