រាជធានីភ្នំពេញ ៖ រដ្ឋមន្ត្រីក្រសួងការងារកម្ពុជា និង ឯកអគ្គរដ្ឋទូតសាធារណរដ្ឋ ប្រជាធិបតេយ្យទីម័រខាងកើត បានសន្យាអភិវឌ្ឍន៍វិស័យ ការងាររវាងប្រទេសទាំងពីរ ឲ្យកាន់តែប្រសើរបន្តទៀត ក្រោយចប់ជំងឺកូវីដ-១៩។…
រាជធានីភ្នំពេញ ៖ រដ្ឋមន្ត្រីក្រសួងការងារកម្ពុជា និង ឯកអគ្គរដ្ឋទូតសាធារណរដ្ឋ ប្រជាធិបតេយ្យទីម័រខាងកើត បានសន្យាអភិវឌ្ឍន៍វិស័យ ការងាររវាងប្រទេសទាំងពីរ ឲ្យកាន់តែប្រសើរបន្តទៀត ក្រោយចប់ជំងឺកូវីដ-១៩។
ការបញ្ជាក់ជំហរយ៉ាងដូច្នេះធ្វើឡើងក្នុងជំនួបពិភាក្សាការងាររវាងលោកបណ្ឌិត អុិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈជាមួយឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រខាងកើតប្រចាំកម្ពុជា ដែលទើបតែងតាំងថ្មី លោក Ermenegildo “Kupa” Lopes(អើម៉ីនីហ្គីដូ គូប៉ា ឡូប៉េស) នៅទីស្ដីការក្រសួងការងារ នាព្រឹកថ្ងៃទី០៥ ខែកញ្ញា ឆ្នាំ២០១៩នេះ។
ជំនួបពិភាក្សានេះផ្តោតសំខាន់លើកិច្ចសហប្រតិបត្តិការលើវិស័យការងារ ដែលព្រះរាជាណាចក្រកម្ពុជា និងសាធារដ្ឋប្រជាធិបតេយ្យ ទីម័រឡេស្តេ បានសហការជាមួយគ្នាយ៉ាងល្អកន្លងមក ហើយបាននិងកំ ពុងបន្តពង្រឹងពង្រីកបន្ថែមទៀត លោក អុិត សំហេង រដ្ឋមន្ត្រីក្រសួងការងារ បានបញ្ជាក់ពីទំនាក់ទំនងល្អរវាងប្រទេសយើងទាំងពីរ។ មិនតែប៉ុណ្ណោះ លោកបណ្ឌិតរដ្ឋមន្ត្រី ក៏លើកឡើងពីវឌ្ឍនភាពលើវិស័យការងារ និងបណ្ដុះបណ្ដាល វិជ្ជាជីវៈនៅព្រះរាជាណាចក្រកម្ពុជា ជម្រាបជូនឯកឧត្តមឯកអ គ្គរាជទូតផងដែរ។
លោកបន្តថាបញ្ជាក់ថា «ខ្ញុំសង្ឃឹមថាលោកទូតមកបំពេញការងារនៅកម្ពុជាកាន់តែមានភាពល្អប្រសើរថែមទៀត។ ក៏ប៉ុន្តែបច្ចុប្បន្ននេះលើសកលលោក ក៏ដូចជាទីម័រ និងកម្ពុជាបានជួបរងផលប៉ះពាល់ដោយសារជំងឺកូវីដ១៩ដូចគ្នា។ ហើយខ្ញុំសង្ឃឹមថានៅ ពេលចប់ជំងឺកូវីដ១៩ប្រទេសយើងទាំងពីរនឹងរួមសហការគ្នាអភិវឌ្ឍន៍វិស័យការងារឲ្យកាន់តែល្អប្រសើរឡើង»។
ក្នុងជំនួបនោះដែរឯកឧត្តមរដ្ឋមន្ត្រីក៏បានលើកឡើងថាកម្ពុជា និងទីម័រមិនត្រឹមជាមិត្តប៉ុណ្ណោះនោះទេ តែបងប្អូនគ្នាល្អ។លោករដ្ឋមន្ត្រីក៏បានអគុណទីម័រខាងកើតដែលទទួលយកពលករកម្ពុជាទៅធ្វើការណ៍តាមគោលការណ៍ដែលភាគីទាំងពីបានចុះMOUគ្នាកន្លងមក។
លោកបានបញ្ជាក់ថា៖ យើងនឹងពិនិត្យមើលចំពោះMOUដែលថាមានចំណុចណាហួសខែ ឆ្នាំ បើខ្វះយើងនឹងពិនិត្យបន្ថែមទៀត ដើម្បីបន្តថែមទៀត។
ក្នុងជំនួបនោះលោកឯកអគ្គរាជទូត បានវាយតម្លៃខ្ពស់ចំ ពោះការខិតខំប្រឹងប្រែងរបស់រាជរដ្ឋាភិបាលកម្ពុជាលើការស្តារ និងអភិវឌ្ឍប្រទេសមានការរីក ចម្រើនលើគ្រប់វិស័យ ជាពិសេសវិស័ យការងារ និងបណ្តុះបណ្តាលវិជ្ជាជីវៈ ដែលជាវិស័យមួយដ៏សំខា ន់សម្រាប់រុញកំណើនសេដ្ឋកិច្ចកម្ពុជានិងធ្វើ ឲ្យជីវភាពរបស់ប្រជាពលរដ្ឋធូរធារជាលំដាប់។
លោក ទូតក៏បានថ្លែងអំណរគុណដល់ រាជរដ្ឋាភិបាលកម្ពុជា ដែលតែងតែគាំទ្រដល់បេក្ខភាពរបស់ប្រទេសទីម័រខាងកើត នៅក្នុងក្របខណ្ឌអាស៊ាន និងអន្តរសភាអាស៊ាន។ លោកបានសន្យាថានឹងខិតខំបំពេញបេសកកម្មការទូតឲ្យទទួលបានជោគជ័យ នៅក្នុងការពង្រឹងពង្រីកទំនាក់ទំនងប្រទេសទាំ ងពីរឲ្យកាន់តែរឹងមាំឡើង។
លោកបានចាត់ទុកកម្ពុជាជាគេហដ្ឋានទី២របស់ខ្លួន មិនមានភាពកក់ក្តៅយ៉ាងខ្លាំង ទោះបីពេលនេះ ពិភពលោកមាន បញ្ហាកូវីដ១៩ តែកម្ពុជាបានគ្រប់គ្រងស្ថានការណ៍ជំងឺនេះ ប្រកបដោយប្រសិទ្ធភាពខ្ពស់។
សូមជម្រាបថាចំពោះកិច្ចសហប្រតិបត្តិការនាពេលកន្លងមកដែលប្រទេសទាំងពីរបានចុះកិច្ចព្រមព្រៀងជាមួយគ្នា ស្តីពី «កិច្ចសហប្រតិបត្តិការលើវិស័យការងារ» កាលពីថ្ងៃទី១៩ ខែសីហា ឆ្នាំ២០១៦ រួមមាន៖ ការផ្លាស់ប្តូរប្រព័ន្ធកម្មវិធីការសិក្សា ជំនាញឯកទេស ការស្រាវជ្រាវ ការសិក្សានិងព័ត៌មានពាក់ព័ន្ធវិស័យនានា រួមទាំងការសិក្សាប្រៀបធៀបលើវិស័យការងារមុខរបរ ។
ការបណ្តុះបណ្តាលវិជ្ជាជីវៈ និងរដ្ឋបាលការងារ ដូចជា៖ ការចរចារជាសមូហភាព ការដាក់ឱ្យអនុវត្ត និងការអនុវត្តច្បាប់ ការដោះស្រាយវិវាទការងារ សន្តិសុខសង្គម ការគាំពារពលកម្ម សេរីភាពខាងសមាគម សុវត្ថិភាព និងសុខភាពការងារការគ្រប់គ្រងហត្ថពលកម្មបរទេស និងការផ្លាស់ប្តូរព័ត៌មានទៅលើការពង្រឹងផលិតភាពការងារ។ ការលើកទឹកចិត្តការផ្លាស់ប្តូរទស្សនៈកិច្ចរវាងមន្ត្រីទទួលបន្ទុក និងមន្ត្រីជំនាញ ការគ្រប់គ្រងទេ សន្តរប្រវេសន៍ការងាររវាងប្រទេសទាំងពីរ ការផ្លាស់ប្តូរព័ត៌មាន ដើម្បីទប់ស្កាត់ការ ជ្រើសរើស និងប្រើប្រាស់ពលករខុសច្បាប់ ក៏ដូចជាការបង្ការ និងប្រយុទ្ធប្រឆាំងការកេងប្រវ័ញ្ចកម្លាំងពលកម្ម និងការជួញដូរមនុស្ស៕
ចែករំលែកព័តមាននេះ