ខេត្តស្វាយរៀង ៖ អនាគតដ៏ខ្លីខេត្តស្វាយរៀងនៃព្រះរាជណាចក្រកម្ពុជា មានកំពង់ផែផ្លាស់ប្តូរទំនិញតាមផ្លូវទឹកជាមួយខេត្តឡុងអានប្រទេសវៀតណាម ។ បច្ចុប្បន្ន វឌ្ឍនភាពនៃគម្រោងកសាងកំពង់ផែនិងការស្តាទន្លេវ៉ៃគោដោយនាយកដ្ឋានដឹកជញ្ជូនផ្លូវទឹកនៃក្រសួងសាធារណៈការ និងដឹកជញ្ជូនសហការជាមួយរដ្ឋបាលខេត្តស្វាយរៀង គិតមកដល់ថ្ងៃទី០៧ មីថុនា…
ខេត្តស្វាយរៀង ៖ អនាគតដ៏ខ្លីខេត្តស្វាយរៀងនៃព្រះរាជណាចក្រកម្ពុជា មានកំពង់ផែផ្លាស់ប្តូរទំនិញតាមផ្លូវទឹកជាមួយខេត្តឡុងអានប្រទេសវៀតណាម ។ បច្ចុប្បន្ន វឌ្ឍនភាពនៃគម្រោងកសាងកំពង់ផែនិងការស្តាទន្លេវ៉ៃគោដោយនាយកដ្ឋានដឹកជញ្ជូនផ្លូវទឹកនៃក្រសួងសាធារណៈការ និងដឹកជញ្ជូនសហការជាមួយរដ្ឋបាលខេត្តស្វាយរៀង គិតមកដល់ថ្ងៃទី០៧ មីថុនា នេះ ការងារបូមស្តារទន្លេវ៉ៃគោសម្រេចបានដូចខាងក្រោម៖ ១-អុិចស្កាវទ័រ ជីកស្តារចាប់ដីទន្លេបោះបានប្រវែង៤,៥០០ម៉ែត្រ ។
២-ម៉ាស៊ីនបូមសំអាតបាតទន្លេបានប្រវែង៥០០ម៉ែត្រចាប់ពីបង្គោល0+100ពីកំពង់ផែតាស្អាងឆ្ពោះទៅច្រកទ្វាព្រំដែនយ៉ាំដូងខេត្តស្វាយរៀងកម្ពុជា- យិនហ៊ឹងខេត្តឡុងអានប្រទេសវៀតណាម។ បើតាមរដ្ឋបាលខេត្តស្វាយរៀងបានឲ្យដឹងថា ការកសាងកំពង់ផែនិងស្តារផ្លូវទឹកនៃទន្លេវ៉ៃគោនេះមានទីតាំងកំពង់ផែស្ថិតនៅភូមិតាស្អាង ឃុំកំពង់ចំឡងស្រុកស្វាយជ្រំខេត្តស្វាយរៀង ដែលកំពុងដំណើរការស្ថាបនា នាពេលនេះ និងផ្តល់អត្ថប្រយោជន៍ជាច្រើន ក្នុងការសម្រួលដល់ការដឹកជញ្ជូនទំនិញតាមផ្លូវទឹកទៅមករវាងខេត្តស្វាយរៀងប្រទេសកម្ពុជានិងខេត្តឡុងអានប្រទេសវៀតណាមនៅថ្ងៃអនាគត។
ប្រភពដដែលបន្តទៀតថា កន្លងមកការផ្លាស់ប្តូរទំនិញ តាមផ្លូវទឹកនៃផែតាស្អាងនេះ គឺមានច្រើនជាពិេសស ស្រូវ ក៏ប៉ុន្តែដោយទន្លេវ៉ៃគោ គោករាក់ និងមានកំប្លោកច្រើនពិបាកក្នុងការធ្វើចរាចរណ៍ កាណូត ទើបរដ្ឋបាលខេត្តស្វាយរៀងលើកគម្រោងស្តារទន្លេវ៉ៃគោ ឲ្យបានជ្រៅនិងធំទូលាយងាយស្រួលធ្វើចរាចរណ៍ទូកកាណូតចេញចូលបានងាយស្រួលនិងកសាងកំពង់ផែរឲ្យបានល្អប្រសើរមានស្តង់ដា ដើម្បីអាជីវករចេញចូលរថយន្តដឹកទំនិញបានងាយស្រួល៕
ចែករំលែកព័តមាននេះ