មហាសេដ្ឋីណាខ្លះដែលបរិច្ចាគសម្រាប់ទប់ទល់កូវីដ១៩ តិចជាងគេ?
លោកមហាសេដ្ឋី ជេហ្វ បេសូស (Jeff Bezos) ដែលជានាយកប្រតិបត្តិរបស់ក្រុមហ៊ុន Amazon និងលោក ម៉ាក ហ្សាក់កាបឺក…
លោកមហាសេដ្ឋី ជេហ្វ បេសូស (Jeff Bezos) ដែលជានាយកប្រតិបត្តិរបស់ក្រុមហ៊ុន Amazon និងលោក ម៉ាក ហ្សាក់កាបឺក (Mark Zuckerberg) ដែលជានាយកប្រតិបត្តិរបស់ក្រុមហ៊ុន Facebook ស្ថិតក្នុងចំណោមមហាសេដ្ឋីជនជាតិអាមេរិកដែលបរិច្ចាគទៅសប្បុរសធម៌តិចជាង ០.១% នៃទ្រព្យសម្បត្តិរបស់ខ្លួនសម្រាប់ការឆ្លើយតបនឹងការផ្ទុះជំងឺកូវីដ ១៩ កន្លងមកនេះ ។
យោងទៅតាមការស្ទង់មតិរបស់ The Washington Post បានឲ្យដឹងថា បុគ្គល និងគ្រួសារមហាសេដ្ឋីចំនួន ៥០ ដែលមានទ្រព្យសម្បត្តិសរុប ១.៦ប៊ីលានដុល្លារ បានបរិច្ចាគ ១ប៊ីលានដុល្លារ ។
ក្នុងចំណោមអ្នកទាំងនោះ លោក ហ្សាក់កាបឺក និង បេសូស មើលឃើញទ្រព្យសម្បត្តិខ្លួនកើនឡើងជាបន្តបន្ទាប់តាំងពីការផ្ទុះជំងឺនៅដើមឆ្នាំនេះមក ទោះជាមានមនុស្សប្រមាណ ៣០លាននាក់នៅសហរដ្ឋអាមេរិកបានបាត់បង់ការងារពិតមែនក្តី ។
លោក ហ្សាក់កាបឺក បានបរិច្ចាគ ៥៨លានដុល្លារសម្រាប់ការស្រាវជ្រាវផ្នែកវេជ្ជសាស្ត្រ និងជំនួយសម្រាប់តំបន់ Bay Area នៅសហរដ្ឋអាមេរិក ។ ចំណែកឯលោក បេសូស វិញបានបរិច្ចាគ ១០០លានដុល្លារដល់អង្គការ Feeding America និងប្រមាណ ២៥លានដុល្លារទៅ All in WA ។
បើធៀបនឹងមហាសេដ្ឋីដទៃដូចជាលោក ប៊ីលហ្គេតស៍ (Bill Gates) របស់ Microsoft និងលោក ចាក ដរស៊ី (Jack Dorsey) របស់ Twitter វិញ ការបរិច្ចាគរបស់លោក ហ្សាក់កាបឺក និង បេសូស មិនបានបរិច្ចាគច្រើនទេធៀបនឹងទ្រព្យរួមដែលខ្លួនមាន ។
លោកមហាសេដ្ឋី ហ្គេតស៍ បានបរិច្ចាគ ៣០០លានដុល្លារតាមរយៈមូលនិធិសប្បុរសធម៌ Bill and Melinda Gates Foundation ចំណែកឯលោក ដរស៊ី បានបរិច្ចាគភាគហ៊ុន Square ចំនួន ១ប៊ីលានដុល្លារ ដែលស្មើ ២៨% នៃទ្រព្យសម្បត្តិសរុបរបស់លោកដែលស្មើ ៣.៦ប៊ីលានដុល្លារ ។
យោងទៅតាម The Washington Post បានឲ្យដឹងថា លោកមហាសេដ្ឋី រេយ ដាលីអូ (Ray Dalio) មានចិត្តល្អជាងគេ ដោយបរិច្ចាគច្រើនជាង ១០០លានដុល្លារសម្រាប់ការមើលថែក្មេង បុគ្គលិកក្នុងវិស័យសុខាភិបាល អាហារសម្រាប់ជនក្រីក្រ និងកុំព្យូទ័រសម្រាប់ក្មេងៗមកពីក្រុមគ្រួសារក្រីក្រជាដើម ។ គួរបញ្ជាក់ដែរថាលោកមានទ្រព្យសម្បត្តិសរុបប្រមាណ ១៨ប៊ីលានដុល្លារ៕ ដកស្រង់ចេញពីវេបសាយ ៖ thehill
ចែករំលែកព័តមាននេះ