ចិនគ្រោងនឹងដាក់ទោសលើជនណាបង្ខូចឈ្មោះពីឱសថបុរាណ
ចិន ៖ តាមប្រភពព័ត៌មាន Bangkok Post បានឱ្យដឹងថា សេចក្តីព្រាងបទប្បញ្ញត្តិដែលចេញដោយរដ្ឋាភិបាលទីក្រុងប៉េកាំង បានគ្រោងនឹងដាក់ទណ្ឌកម្មលើជនណាដែលបង្ខូចឈ្មោះ ឬ និយាយមិនល្អ…
ចិន ៖ តាមប្រភពព័ត៌មាន Bangkok Post បានឱ្យដឹងថា សេចក្តីព្រាងបទប្បញ្ញត្តិដែលចេញដោយរដ្ឋាភិបាលទីក្រុងប៉េកាំង បានគ្រោងនឹងដាក់ទណ្ឌកម្មលើជនណាដែលបង្ខូចឈ្មោះ ឬ និយាយមិនល្អ…
ចិន ៖ តាមប្រភពព័ត៌មាន Bangkok Post បានឱ្យដឹងថា សេចក្តីព្រាងបទប្បញ្ញត្តិដែលចេញដោយរដ្ឋាភិបាលទីក្រុងប៉េកាំង បានគ្រោងនឹងដាក់ទណ្ឌកម្មលើជនណាដែលបង្ខូចឈ្មោះ ឬ និយាយមិនល្អ ពីការប្រើប្រាស់ឱសថបុរាណចិន។ សេចក្តីព្រាងបទប្បញ្ញត្តិនេះ បានបង្កឱ្យមានការប្រឆាំងយ៉ាងខ្លាំងតាមអ៊ីនធើរណេត។
បទប្បញ្ញត្តិដែលបានគ្រោងទុក ត្រូវបានចេញផ្សាយសម្រាប់ការពិគ្រោះយោបល់ជាសាធារណៈនៅក្នុងខែឧសភា គឺមានគោលបំណងពង្រីកការប្រើប្រាស់ឱសថបុរាណចិននៅក្នុងប្រព័ន្ធថែរក្សាសុខភាព ចាប់ពីការព្យាបាលជំងឺមហារីករហូតដល់ការការពារជំងឺឆ្លងផងដែរ។
ប្រការមួយដែលបានស្នើសុំ គឺហាមប្រាមប្រជាជនពីការនិយាយមិនល្អ ឬ ប្រមាថ ឱសថបុរាណចិន។ ការរំលោភលើវិធាននេះ អាចនាំឱ្យមានការដាក់ទណ្ឌកម្មកម្រិតព្រហ្មទណ្ឌ។
ទោះបីជាមិនសូវមានការអះអាងពីខាងវិទ្យាសាស្ត្រច្រើនក៏ដោយ ក៏ឱសថបុរាណចិនត្រូវបានគេមើលឃើញថា ត្រូវបានគណបក្សកុម្មុយនិស្តចាត់ទុកថា ជាប្រភពនៃមោទនភាពជាតិ និងជាផ្នែកមួយនៃបេតិកភណ្ឌវប្បធម៌របស់ប្រទេសចិន។
ខណៈដែលការជជែកវែកញែកអំពីការប្រើប្រាស់របស់ឱសថបុរាណចិន ត្រូវបានគេប្រកែកគ្នាលើអ៊ីនធើរណេត គេក៏នៅឃើញមានការប្រើប្រាស់ជាច្រើនដែរ ជាពិសេសគឺនៅក្នុងចំណោមប្រជាជនវ័យចំណាស់ និង មនុស្សជំនាន់ក្រោយ។
ការហាមប្រាមមិនឱ្យនិយាយអាក្រក់ពីឱសថបុរាណចិន ដែលបានស្នើឡើងនៅទីក្រុងប៉េកាំង បានធ្វើឱ្យមានការរិះគន់ជាច្រើនលើបណ្តាញសង្គមដោយអ្នកប្រើប្រាស់អ៊ីនធើរណេតមួយចំនួន បានហៅវាថា ជាការជ្រៀតជ្រែកចូលក្នុងសេរីភាពនៃការបញ្ចេញមតិរបស់ពួកគេ៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ