រាជធានីភ្នំពេញ ៖ ស្ថានទូតសហភាពអឺរ៉ុបប្រចាំនៅកម្ពុជាបានលើកឡើងថាថ្ងៃទី ៨ មិថុនា នេះ គឺជាទិវាបុណ្យសមុទ្រពិភពលោក ហើយខ្លួនមានសេចក្តីរីករាយចូលរួមជាមួយមនុស្សរាប់លាននាក់ នៅក្នុងប្រទេសកម្ពុជានិងនៅជុំវិញពិភពលោក ដើម្បីគោរពដល់មហាសមុទ្រនៅលើលោកនេះ ។
ប្រភពដដែលបានបញ្ជាក់ថា សម្រាប់កម្ពុជា ស្ថាប័នតំណាងប្រទេសនៅអឺរ៉ុបនេះ ថាសមុទ្រកម្ពុជាមានសក្តានុពលខ្លាំងណាស់សម្រាប់ទ្រទ្រង់សេដ្ឋកិច្ចពលរដ្ឋនៅតាមសហគមន៍ដោយសារសមុទ្រកម្ពុជា មានព្រៃកោងកាង ផ្កាថ្ម និងពិសេសស្មៅសមុទ្រដែលជិតផុតពូជនៅលើលោក។ សហភាពអឺរ៉ុប (EU) បានលើកឡើងថាបណ្តោយឆ្នេរសមុទ្ររបស់កម្ពុជាដែលមានប្រវែង៤៤០គីឡូម៉ែត្រ ពោរពេញដោយធនធានជាច្រើន មិនត្រឹមសម្រាប់ឆ្លើយតបដល់តម្រូវការជីវចម្រុះ គ្នាឯងនៅក្នុងសមុទ្រទេ តែជាសក្តានុពលទេសចរណ៍ដ៍សំខាន់របស់កម្ពុជា។
ជាមួយវីដីអូបង្ហាញពីធនធានសមុទ្រ ដែលកម្ពុជាមាន EU ថាខ្លួនជាដៃគូសំខាន់របស់កម្ពុជាក្នុងការគាំទ្រដល់វិស័យ ជលផលទឹកសាបនិងសមុទ្រនិងការអភិវឌ្ឍវារីវប្បកម្មប្រកបដោយ និរន្តរភាព។ EU បានបញ្ជាក់ថាបានធ្វើការជាមួយកម្ពុជាដើម្បីការពារធនធាន សមុទ្រ របស់ប្រទេសនេះ ដាក់វាឱ្យទៅជាការប្រើប្រាស់ប្រកបដោយផលិត ភាពនិងនិរន្តរភាព និងប្រយុទ្ធប្រឆាំងនឹងការនេសាទខុសច្បាប់និង ដែលមិនបានរាយការណ៍ ។
សហភាពអឺរ៉ុបថា នៅក្នុងបេសកកម្ម ចូលរួមអភិរក្សធនធានសមុទ្រនៅកម្ពុជានេះ ខ្លួនបានផ្តល់ជំនួយឥតសំណងចំនួន ១៤០ លានអឺរ៉ូ ។ សហភាពអឺរ៉ុប បានអំពាវនាវឲ្យមានការថែរក្សាងននិងអភិរក្សធនធានសមុទ្របន្ថែមទៀតដោយបញ្ជាក់ថា “សមុទ្របានតភ្ជាប់យើងទាំងអស់គ្នា ប៉ុន្តែសមុទ្រ កំពុងទទួលរងនូវភាពកខ្វក់និងការបំពុលយ៉ាងធ្ងន់ធ្ងរ ។ សមុទ្រកម្ពុជា ជាកន្លែងដ៏សំខាន់និងពោពេញដោយធនធានស្រស់ស្អាត ។ សមុទ្រផ្តល់ការគាំទ្រ និងការចិញ្ចឹមជីវិតរបស់ប្រជាជនរាប់ពាន់គ្រួសារ នូវមុខរបរនេសាទខ្នាតតូច និង ទេសចរណ៍ធម្មជាតិ” ។
លោក ស្រី វុឌ្ឍី អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថាសហភាពអឺរ៉ុប ជាដៃគូសំខាន់មួយរបស់ក្រួសងកសិកម្ម។ នៅក្នុងការអភិរក្សនិងអភិវឌ្ឍន៍សមុទ្រកម្ពុជា EU បានកំពុងធ្វើការងារជិតស្និទ្ធជាមួយនាយកដ្ឋានជលផលក្រួសួង។ លោកថានៅក្នុងផែនការអភិវឌ្ឍន៍សមុទ្រកម្ពុជា ជាច្រើននោះ នាយកដ្ឋាននិងសហភាពអឺរ៉ុប បានកំពុងចងគ្រោងផែនការមេយ៉ាងមមាញឹក ៕ ដោយ៖ អ.សួស្តី
ចែករំលែកព័តមាននេះ