ចាប់ពីពាក់កណ្តាលអធ្រាត្រឈានចូលទី០៨ ខែមិថុនា ឆ្នាំ២០២០នេះ ប្រទេសនូវែលសេឡង់ បញ្ចប់ការរឹតបន្តឹងរបស់ខ្លួន ពីការបិទប្រទេសដើម្បីបង្ការវីរុសកូវីដ-១៩ បន្ទាប់ពីបានព្យាបាលអ្នកជំងឺឲ្យជាសះស្បើយអស់ទាំងស្រុង នេះបើតាម dailymail ។…
ចាប់ពីពាក់កណ្តាលអធ្រាត្រឈានចូលទី០៨ ខែមិថុនា ឆ្នាំ២០២០នេះ ប្រទេសនូវែលសេឡង់ បញ្ចប់ការរឹតបន្តឹងរបស់ខ្លួន ពីការបិទប្រទេសដើម្បីបង្ការវីរុសកូវីដ-១៩ បន្ទាប់ពីបានព្យាបាលអ្នកជំងឺឲ្យជាសះស្បើយអស់ទាំងស្រុង នេះបើតាម dailymail ។
កាលពីថ្ងៃចន្ទ អាជ្ញាធរសុខាភិបាល បានរាយការណ៍ថា អ្នកជំងឺម្នាក់ចុងក្រោយ ត្រូវបានព្យាបាលឲ្យជាសះស្បើយ និងមិនមានករណីឆ្លងថ្មីៗនៃ Covid-19 ថែមទៀតនោះទេ នៅទូទាំងប្រទេស ។
អាជ្ញាធរសុខាភិបាល ក៏បានបញ្ជាក់ដែរថា មិនមានករណីឆ្លងថ្មីកើតមានឡើង រយៈពេល១៧ថ្ងៃជាប់ៗគ្នា ។
អ្នកជំងឺចុងក្រោយ គឺស្ត្រីម្នាក់ ដែលមានអាយុ ៥០ឆ្នាំ មិនមានរោគសញ្ញាអ្វីអស់រយៈពេល ៤៨ម៉ោង មុនពេលត្រូវបានប្រកាសថា ត្រូវបានអនុញ្ញាតឲ្យចេញពីមន្ទីរពេទ្យ St Margaret’s Hospital ក្នុងទីក្រុង Auckland នៅថ្ងៃចន្ទនេះ ។
សូមជម្រាបដែរថា ការធ្វើតេស្តរកវីរុសជិត ៣០០.០០០នាក់ ត្រូវបានធ្វើឡើងនៅក្នុងប្រទេសនូវែលសេឡង់ ដែលពិនិត្យឃើញវិជ្ជមានចំពោះវីរុសកូវីដ-១៩ ចំនួន ១,៥០៤ ករណី និងអ្នកជំងឺ ២២នាក់ បានស្លាប់ ។ ចំនួននេះ គិតចាប់តាំងពីប្រទេសនូវែលសេឡង់ បានកត់ត្រាអ្នកឆ្លងដំបូងរបស់ខ្លួន នៅថ្ងៃទី ២៨ ខែកុម្ភៈ ៕
ចែករំលែកព័តមាននេះ