ការនិយាយថា សូមទោស ជាពិសេសនៅពេលដែលអ្នកមិនមានកំហុស ជាទម្លាប់របស់មនុស្សជាច្រើនទោះជាពួកគេមិនដឹងខ្លួនក្តី ។ ទោះជាអ្នកធ្វើវាឡើងដោយគ្មានចេតនាពិតមែនក្តីការនិយាយពាក្យថា សុំទោសច្រើនពេកសម្រាប់អ្វីដែលអ្នកមិនអាចគ្រប់គ្រងបានអាចធ្វើឲ្យអ្នកដទៃមើលងាយអ្នក និងបង្កនូវបញ្ហាជាច្រើនទៀតដូចខាងក្រោមនេះ ៖ ១….
ការនិយាយថា សូមទោស ជាពិសេសនៅពេលដែលអ្នកមិនមានកំហុស ជាទម្លាប់របស់មនុស្សជាច្រើនទោះជាពួកគេមិនដឹងខ្លួនក្តី ។ ទោះជាអ្នកធ្វើវាឡើងដោយគ្មានចេតនាពិតមែនក្តីការនិយាយពាក្យថា សុំទោសច្រើនពេកសម្រាប់អ្វីដែលអ្នកមិនអាចគ្រប់គ្រងបានអាចធ្វើឲ្យអ្នកដទៃមើលងាយអ្នក និងបង្កនូវបញ្ហាជាច្រើនទៀតដូចខាងក្រោមនេះ ៖
១. វាធ្វើឲ្យមនុស្សមិនគោរពអ្នក ៖
អ្នកស្រី បេវើលី អេងហ្គល (Beverly Engel) បានសរសេរក្នុងសៀវភៅរបស់អ្នកស្រី The Power of Apology ថា ការនិយាយសូមទោសច្រើនពេក គឺប្រៀបបាននឹងការកោតសរសើរមនុស្សម្នាក់ច្រើនពេកដែរ ។ ការធ្វើដូច្នេះបង្ហាញអ្នកដទៃថា អ្នកខ្វះជំនឿចិត្តលើខ្លួនឯង ហើយអ្នកមិនគួរអនុញ្ញាតឲ្យអ្នកដទៃមើលមិនឃើញតម្លៃរបស់អ្នកពិតប្រាកដទេ ។
២. វាធ្វើឲ្យការសុំទោសនៅថ្ងៃអនាគតលែងមានតម្លៃ ៖
ប្រសិនបើអ្នកនិយាយថា សុំទោសសម្រាប់រឿងតូចតាចទាំងអស់នោះ ការសុំទោសរបស់អ្នកនៅថ្ងៃអនាគតនឹងមិនមានតម្លៃច្រើនដែរ ជាពិសេសក្នុងស្ថានការដែលទាមទារការសុំទោសអស់ពីចិត្តរបស់អ្នកជាដើម ។
៣. វាធ្វើឲ្យអ្នកដទៃធុញទ្រាន់ ៖
ការសិក្សាមួយដែលបានចេញផ្សាយក្នុង Frontiers of Psychology ឃើញថា ការនិយាយពាក្យថា សុំទោសពេលដែលបដិសេធនឹងមនុស្សម្នាក់ដូចជាការអញ្ជើញផ្សេងៗអាចធ្វើឲ្យភាគីម្ខាងទៀតមានអារម្មណ៍មិនល្អទៅវិញ ឬដូចបង្ខំឲ្យពួកគេអត់ឱនឲ្យអ្នកភ្លាមៗជាដើម ។
៤. វាធ្វើឲ្យអ្នកបាត់បង់ជំនឿចិត្តលើខ្លួនឯង ៖
ការសិក្សាមួយទៀតដែលបានផ្សាយក្នុង The European Journal of Social Psychology បានឲ្យដឹងថា ការជ្រើសរើសមិននិយាយសុំទោសអាចផ្តល់អត្ថប្រយោជន៍ដែរក្នុងករណីមួយចំនួន ។ អ្នកស្រាវជ្រាវបានប្រទះឃើញថា អ្នកដែលជ្រើសរើសមិននិយាយសុំទោសភាគច្រើនមានជំនឿចិត្តលើខ្លួនឯងច្រើនជាង ។
អ្វីដែលអ្នកត្រូវចងចាំ គឺការនិយាយសុំទោសមិនតែងតែអាក្រក់គ្រប់កាលៈទេសៈទេ ។ អ្នកស្រី ជូលីអាណា ប្រេនេស (Juliana Breines) ដែលជាសាស្ត្រាចារ្យម្នាក់មកពីសាកលវិទ្យាល័យ University of Rhode Island បានបកស្រាយថា មានការសុំទោសប្រភេទមួយចំនួនអាចជួយពង្រឹងទំនាក់ទំនងរវាងមនុស្ស និងកាត់បន្ថយកំហឹងផងដែរ ៕
ចែករំលែកព័តមាននេះ