កីឡាករ Cristiano Ronaldo ក្លាយជាកីឡាករបាល់ទាត់ និងបុគ្គលល្បីល្បាញតែម្នាក់គត់ ដែលរកប្រាក់ចំណូលច្រើនជាងគេបំផុត ពីបណ្តាញទំនាក់ទំនងសង្គម Instagram ដែលធ្វើឱ្យគេទទួលបានចំណូលច្រើនជាងលេងឱ្យក្រុម Juventus…
កីឡាករ Cristiano Ronaldo ក្លាយជាកីឡាករបាល់ទាត់ និងបុគ្គលល្បីល្បាញតែម្នាក់គត់ ដែលរកប្រាក់ចំណូលច្រើនជាងគេបំផុត ពីបណ្តាញទំនាក់ទំនងសង្គម Instagram ដែលធ្វើឱ្យគេទទួលបានចំណូលច្រើនជាងលេងឱ្យក្រុម Juventus ទៅទៀត ។
យោងតាមរបាយការណ៍ថ្មីៗពី Buzz Bingo បានឱ្យដឹងថាកំពូលខ្សែប្រយុទ្ធព័រទុយហ្កាល់រូបនេះ រកបាន ៤១.៧លានផោនពីបណ្តាញ Instagram ដែលមានអ្នកគាំទ្រសរុបចំនួន ២២៣នាក់របស់ខ្លួន ។ ទឹកប្រាក់ចំនួន ៤១.៧ លានផោន គឺបានមកពីការបង្ហោះរូបផ្សាយឱ្យអ្នកឧបត្ថម្ភចំនួន៤៣ ក្នុងរយៈពេល ១២ខែកន្លងមកនេះ។ ហើយបរុសវ័យ ៣៥ឆ្នាំរូបនេះ អាចរកបានជិត ១លានផោនពីការបង្ហោះរូបម្តង។
បើយើងប្រៀបធៀបពីប្រាក់ថ្លៃនឿយហត់របស់គេ C.Ronaldo រកបានពីក្រុមសេះបង្កង់ Juventus គឺត្រឹមតែប្រមាណ ២៧,៣លានផោនប៉ុណ្ណោះ ក្នុងមួយឆ្នាំ ។
ក្រឡែកមកកាន់កីឡាករ Lionel Messi ស្ថិតនៅតំណែងទី២ ដែលអាចរកបាន ២៥.២លានផោន ខណៈតារាម៉ូដែលអាមេរិកនាង Kendall Jenner ស្ថិតនៅតំណែងទី៣ ដោយអាចរកបាន ២១.២លានផោនពី Instagram។
ដោយឡែកនាង Kylie Jenner ដែលស្ថិតនៅតំណែងទី៤ ជាប់ជាបុគ្គលល្បីល្បាញតែម្នាក់គត់ ដែលអាចរកបានរហូត ១.២លានផោនពីការបង្ហោះរូបម្តងក្នុង Instagram ច្រើនជាងគេបង្អស់៕ (ដកស្រង់ចេញពី The Sun)
ចែករំលែកព័តមាននេះ