កូវីដ-១៩ ៖ ជាផ្នែកមួយក្នុងការជួយដល់កម្មករ និយោជិត ដែលបានបាត់បង់ការងារដោយសារជំងឺកូវីដ-១៩ ក្រសួងការងារ និងបណ្តុះបណ្តាលវិជ្ជាជីវៈ បានកំពុងដើរបណ្តុះបណ្តាល ជំនាញទុនដល់កម្មករពីរោងចក្រមួយ ទៅរោងចក្រមួយ…
កូវីដ-១៩ ៖ ជាផ្នែកមួយក្នុងការជួយដល់កម្មករ និយោជិត ដែលបានបាត់បង់ការងារដោយសារជំងឺកូវីដ-១៩ ក្រសួងការងារ និងបណ្តុះបណ្តាលវិជ្ជាជីវៈ បានកំពុងដើរបណ្តុះបណ្តាល ជំនាញទុនដល់កម្មករពីរោងចក្រមួយ ទៅរោងចក្រមួយ ដើម្បីពង្រឹងសមត្ថភាពការងារ និងការគិតរបស់កម្មករនិយោជិតឲ្យបានកាន់តែទូលំទូលាយ ក្នុងការត្រៀមបំពេញការងារឲ្យកាន់តែល្អប្រសើរនៅក្រោយវិបត្តិកូវីដ-១៩។ កាលពីព្រឹកថ្ងៃទី៦ ខែមិថុនា ឆ្នាំ២០២០ កម្មករនិយោជិត ដែលព្យួរកិច្ចសន្យាការងារចំនួន ៥ ២៨០នាក់ នៅក្រុមហ៊ុន ស៊ីគ្លូ (ខេមបូឌា)ឯ.ក នៅក្នុងក្រុងច្បារមន ខេត្តកំពង់ស្ពឺ បានទទួលបានការបណ្តុះបណ្តាលជំនាញទន់នេះ។
លោក ប្រាក់ ចាន់ធឿន រដ្ឋលេខាធិការ ក្រសួងការងារ និយាយថា «ដើម្បីបង្កើនផលិតភាពប្រសិទ្ធិភាពការងារ បង្កើនសុខដុមរមនា ទំនាក់ទំនងវិជ្ជាជីវៈ នៅកន្លែងធ្វើការផង និងត្រៀមខ្លួនសម្រាប់ការងារថ្មីផង ខណៈពេល ឧស្សាហកម្មត្រឡប់មកភាពដើមវិញ»។ វគ្គសិក្សាជាទូទៅមានពីរថ្ងៃក្នុងមួយវគ្គ ដែលកម្មករនិយោតជិត ទទួលបាន ការបណ្តុះបណ្តាលលើជំនាញការទំនាក់ទំនង និងសិល្បៈនៃការចរចា ការបំពេញការងារជាក្រុម មូលដ្ឋានច្បាប់ ស្ដីពីការងារ នីតិវិធីដោះស្រាយវិវាទការងារ សិទ្ធិជាមូលដ្ឋានរបស់កម្មករ និយោជិត ការយល់ដឹងពីអត្ថប្រយោជន៍ បេឡាជាតិរបបសន្តិសុខសន្តិ សុវត្ថិភាព និងសុខភាពការងារពិសេសវិធានការបង្ការជំងឺCOVID-19 ដែលកំពុងរាតត្បាតនាពេលនេះជាដើម។
ក្រសួងការងារការងារបានផ្សាយឲ្យដឹងខ្លួនបានដើរបណ្តុះបណ្តាល បានជាច្រើនរោងចក្រ ច្រើនកន្លែងហើយមកដល់ពេលនេះ។ តាមបណ្តាញសង្គមរបស់ក្រសួងការងារ គេដឹងថា ក្រសួងបានចុះទៅបង្រៀន ដល់កម្មករនិយោជិតនៅក្នុងក្រុមហ៊ុនធីវ៉ាយ ហ្វេស្សិនខេមបូឌា ភីអិលស៊ីដែល ស្ថិតនៅស្រុកពញាឮ ខេត្តកណ្តាល ដែលមានកម្មករនិយោជិតព្យួរកិច្ចសន្យា ការងារចំនួន៧៥២នាក់ចូលរួម។ បណ្តុះបណ្តាលនៅក្រុមហ៊ុន ហុង សេន ថេកស្កាយ(ខេមបូឌា) មានស្ថិតនៅក្នុងក្រុងដូនកែវ មានកម្មករ និយោតជិត៩៥៣នាក់ នៅក្រុមហ៊ុន យូនីវូដ ស៊ូមេនូហ្វេកឆឺរីងឯ.ក ស្ថិតនៅក្នុងស្រុក ត្រាំកក់ ដែលមានកម្មករ និយោជិតព្យួរកិច្ចសន្យាការងារចំនួន ១ ៥៧២នាក់ បានចូលរួមជាដើម។
លោក អាត់ ធន់ ប្រធានសហភាពការងារ ថា ការបណ្តុះបណ្តាលនោះជារឿងល្អមួយ ដែលអាចផ្តល់ចំណេះដឹងការគិតដល់កម្មករដូចជារបៀបរបបធ្វើការ ជាក្រុមជាដើមនោះ។ លោកជំរុញឲ្យក្រសួងធ្វើការបណ្តុះបណ្តាលនេះឲ្យបានច្រើនរោងចក្រ។ បើតាមប្រធាន សហភាពការងារ ថាកន្លងមកក្រសួងការងារ និងបណ្តុះបណ្តាលធ្លាប់ប្រកាសថា មានរោងចក្រចំនួន២៣៧ បានព្យួរការងារកម្មករនិយោជិតប្រមាណ១១ម៉ឺននាក់៕ ដោយ ៖ អ.សួស្តី
ចែករំលែកព័តមាននេះ