ពោតក្រហមទាំងការនាំចេញ និងតម្លៃបានធ្លាក់ចុះយ៉ាងគំហុក
- ភ្នំពេញ
រាជធានីភ្នំពេញ ៖ រដ្ឋមន្ត្រីក្រសួងសកិកម្ម រុក្ខាប្រមាញ់ និងនេសាទ លោក វេង សាខុន បានទទួលស្គាល់ថា ការនាំចេញពោតក្រហមកម្ពុជាទៅក្រៅប្រទេសបានធ្លាក់ចុះយ៉ាងគំហុក…
រាជធានីភ្នំពេញ ៖ រដ្ឋមន្ត្រីក្រសួងសកិកម្ម រុក្ខាប្រមាញ់ និងនេសាទ លោក វេង សាខុន បានទទួលស្គាល់ថា ការនាំចេញពោតក្រហមកម្ពុជាទៅក្រៅប្រទេសបានធ្លាក់ចុះយ៉ាងគំហុក…
រាជធានីភ្នំពេញ ៖ រដ្ឋមន្ត្រីក្រសួងសកិកម្ម រុក្ខាប្រមាញ់ និងនេសាទ លោក វេង សាខុន បានទទួលស្គាល់ថា ការនាំចេញពោតក្រហមកម្ពុជាទៅក្រៅប្រទេសបានធ្លាក់ចុះយ៉ាងគំហុក នៅឆ្នាំ២០២០នេះ។ ប៉ុន្តែលោករដ្ឋមន្ត្រីថា នោះជាការប្រការល្អវិញ ពីព្រោះពោតដែលសល់ពីការនាំចេញ គឺលក់ក្នុងទីផ្សារក្នុងស្រុកសម្រាប់ផលិតចំណីសត្វ ។
លោករដ្ឋបានឲ្យដឹងថា លទ្ធផលនៃការនាំពោតក្រហមចេញពីកម្ពុជា ទៅកាន់បណ្តាប្រទេសមួយចំនួនក្នុងតំបន់ និងក្រៅតំបន់អាស៊ី ក្នុងរយៈពេលជាងមួយឆ្នាំកន្លងទៅនេះ បានបង្ហាញឲ្យឃើញថា មាននិន្នាការថយចុះយ៉ាងគំហុក។ ជាក់ស្តែងនៅឆ្នាំ២០១៨ កម្ពុជាសម្រេចបានការនាំចេញពោតក្រហមបាន ២០៤ ១៨៤ តោន, នៅឆ្នាំ២០១៩ សម្រេចបានត្រឹមតែ ១១៩ ៩៩៣ តោន ។
ហើយសញ្ញាមិនល្អនោះ គឺការនាំចេញពោតក្រហមរបស់កម្ពុជាក្នុងរយៈពេល ៥ខែដើមឆ្នាំ២០២០ សម្រេចបានត្រឹមតែ ៣៥ ៦៣៦ តោន ថយចុះប្រមាណ ១៥ ០៤៣ តោន ស្មើនឹង -២៩,៦៨% ដែលធៀបទៅនឹងរយៈ៥ខែដើមឆ្នាំ២០១៩ មានចំនួន ៥០ ៦៧៩ តោន ។
បើក្រឡេកទៅការការដាំដុះវិញ លោក វេង សាខុន បានឲ្យដឹងថាការផលិតពោតក្រហមរបស់កសិករកម្ពុជាមានការកើនឡើងជាលំដាប់ក្នុងរយៈពេលបួនឆ្នាំកន្លងទៅនេះ គឺសម្រេចបាន ១ ១១៤ ៩៥៦ តោន នៅឆ្នាំ២០១៩, សម្រេចបាន ១ ០៦៣ ៦៧៧ តោន នៅឆ្នាំ២០១៨, សម្រេចបាន ៥៩៦ ១១២ តោន នៅឆ្នាំ២០១៧ និង ៣៣៣ ០៥៨ តោន នៅឆ្នាំ២០១៦ ។
សម្រាប់លោក វេង សាខុន បានអះអាងថាការនាំចេញទៅក្រៅប្រទេសធ្លាក់ចុះ នាំឲ្យផលិតផលពោតក្រហមនៅច្រើនក្នុងស្រុកក្តីតែវាបានបង្ហាញនូវក្តីមោទនភាពជាតិ និងជាការពេញចិត្តសម្រាប់ប្រជាជន និងរាជរដ្ឋាភិបាលទៅវិញ ព្រោះបរិមាណពោតក្រហមដែលសល់ពីការនាំចេញយ៉ាងច្រើនសន្ធឹកសន្ធាប់ បានដឹកចូលទៅកាន់រោងចក្រកែឆ្នៃចំណីសត្វក្នុងស្រុក ស្របតាមគោលនយោបាយរបស់ប្រមុខរាជរដ្ឋាភិបាលកម្ពុជា ក្នុងការជំរុញការកែឆ្នៃផលិតផលកសិកម្ម និងបង្កើនការចិញ្ចឹមសត្វក្នុងស្រុក រួមទាំងការអនុវត្តគោលនយោបាយរបស់កម្ពុជាក្នុងការដំឡើងពន្ធនាំចូលពោតក្រហមពីខាងក្រៅមកកែឆ្នៃនៅកម្ពុជា ។
ប៉ុន្តែប្រភពពីកសិករនៅខេត្តបាត់ដំបង កន្លែងដាំពោតក្រហមច្រើនមួយនោះ បាននិយាយថា ប្រទេសថៃ និងប្រទេសវៀតណាម ដែលជាទីផ្សារសំខាន់ពោតក្រហមកម្ពុជា បានបិទច្រកព្រំដែនជាមួយកម្ពុជា នៅក្នុងសម័យកូវីដ១៩នេះ ដែលធ្វើឲ្យពោតក្រហមកម្ពុជាមិនអាចនាំចេញបានឡើយ ម្យ៉ាងវិញទៀតកសិករថៃក៏បានដាំពោតនៅក្នុងប្រទេសច្រើនផងដែរ។
កសិករឈ្មោះ គឹម ហ៊ាន ទទួលស្គាល់ថា ទោះបីប្រទេសថៃ និងវៀតណាម មិនទិញពោតខ្មែរក្រក៏ពោតក្រហមពីកម្ពុជា ក៏ដូចពោតក្រហមកសិករក្នុងស្រុកមិនសល់ដែរ។ មិនសល់ដោយសារ ឈ្មួញ បានទិញពោតទាំងនោះស្តុកទុកសម្រាប់នាំទៅថៃនៅពេលដែលថៃបើកការនាំចូលពោតពីកម្ពុជាវិញ។
កសិករខាងលើមិនដឹងថា គេទិញសម្រាប់ធ្វើចំណីសត្វក្នុងស្រុកនោះ។ ទោះជាយ៉ាងណាកសិករត្អួញត្អែរថា នៅរៀងរាល់ឆ្នាំនេះ តម្លៃពោតមិនទៀងទាត់ឡើយ។ ថ្លៃគឺអាស្រ័យលើមាត់ឈ្មួញតែប៉ុណ្ណោះ។ កសិករនៅបាត់ដំបងបានលក់ពោតក្នុង តម្លៃ ៥០០រៀលទៅ៧០០រៀលប៉ុណ្ណោះក្នុងគីឡូក្រាមកាលពីដើមឆ្នាំនេះ ដែលកាលពីឆ្នាំមុនៗគាត់លក់បានពី៨០០ទៅ៩០០ក្នុងមួយគីឡូក្រាម ៕ (ដោយ៖ អ.សួស្តី)
ចែករំលែកព័តមាននេះ