រាជធានីភ្នំពេញ ៖ វិស័យទេសចរណ៍កម្ពុជាបន្ទាប់ពីកើតជំងឺកូវីដ ១៩បានមួយរយៈ គេ សង្កេតឃើញថា បានរងផលប៉ះពាល់ធ្ងន់ធ្ងរ ។ ប៉ុន្តែក្រោយពីការរីករាលដាលនៃជំងឺកូវីដ ហាក់ស្ងប់ស្ងាត់បើតាមអ្នកជំនាញក្នុងវិស័យទេសចរណ៍បានមើលឃើញថា មានអាជីវកម្ម ឬការផ្តល់សេវាកម្ម ៣ប្រភេទចាប់ផ្តើមប្រែប្រួលវិជ្ជមានខ្លះៗហើយនៅពេលអ្នកទេសចរ ក្នុងស្រុកមានចលនាដើរកម្សាន្តកើនឡើងបើធៀបទៅនឹងពេលពីមុន ។
លោកស្រី ឆាយ ស៊ីវលីន ប្រធានសមាគមទីភ្នាក់ងារទេសចរណ៍កម្ពុជា មានប្រសា សន៍ឱ្យដឹងថា «មកដល់សព្វថ្ងៃនេះសម្រាប់ការផ្តល់សេវាកម្មស្នាក់នៅ, សេវាកម្មដឹកជញ្ជូន និងសេវាកម្មអាហារដ្ឋានយើងឃើញថាមានការប្រែប្រួលខ្លះៗ ដោយសារការកើនឡើងនៅ អ្នកទេសចរក្នុងស្រុកតិចៗបានជួយទៅដល់ការផ្តល់សេវាកម្មទាំងអស់នេះបានខ្លះៗ ។ ប៉ុន្តែសម្រាប់ទីភ្នាក់ងារទេសចរណ៍ និងអ្នកមគ្គុទេសគាត់នូវទទួលរងផលប៉ះពាល់ពីកូវីដ ១៩» ។
បើតាមលោកស្រី ឆាយ ស៊ីវលីន ការប្រែប្រួលនៃអាជីវកម្មផ្តល់សេវាកម្មទាំង ៣ ប្រភេទខាងលើនេះមួយចំណែកធំ គឺកើតឡើងដោយសារការខិតខំរបស់វិស័យឯកជន ។លោកស្រីលើកឡើងថា «អាជីវកម្មផ្តល់សេវាកម្មទាំងនេះមានការប្រែប្រួល ក្នុងនោះតាម រយៈរាជរដ្ឋាភិបាលមានមួយចំណែក ហើយមួយចំណែកធំផ្សេងទៀតដោយសារវិស័យ ឯកជន គាត់ប្រឹងប្រែងបើកសេវាកម្មនេះដោយគាត់បើករង់ចាំអ្នកចេញដើរ ហើយប្រជាព លរដ្ឋទៀតសោធ គាត់ក៏ចេញដើរកម្សាន្តហាក់ទូលំទូលាយខ្លះដែរ ឃើញថា នៅតាមរម ណីយដ្ឋានធម្មជាតិមានការកើនឡើងនៃអ្នកទេសចរក្នុងស្រុក ។ បើសិនការរីករាលដាល នៃជំងឺកូវីដ ១៩ មិនមានបន្តទៀត (គ្មានអ្នកឆ្លង) ហើយរាជរដ្ឋាភិបាលនៅតែបន្តអនុវត្ត ពង្រឹងសុវត្ថិភាព អ៊ីចឹងយើងសង្ឃឹមថា ការផ្តល់សេវាកម្មទាំង ៣ផ្នែកខាងលើនឹងបន្តមានការកើនឡើងតាមរយៈអ្នកទេសចរក្នុងស្រុក» ។
យោងតាមក្រសួងទេសចរណ៍ ដើម្បីចូលរួមដល់ការបង្កើនប្រសិទ្ធភាពនៃការទប់ ស្កាត់ការរីករាលដាលនៃជំងឺ Covid-19 ដែលរាជរដ្ឋាភិបាល និងក្រសួងសុខាភិបាលហើយ បន្ទាប់ពីបានពិគ្រោះពិភាក្សាយ៉ាងល្អិតល្អន់ជាមួយក្រសួងសុខាភិបាល និងផ្នែកឯកជនរួច មក ក្រសួងទេសចរណ៍បានសម្រេចដាក់ចេញនូវប្រកាសស្ដីពី វិធានសុវត្ថិភាពទេសចរណ៍ សម្រាប់អាជីវកម្មសេវាកម្មទេសចរណ៍ និងក្រមប្រតិបត្តិសម្រាប់អនុវត្តន៍ក្នុងអាជីវកម្មធំៗ ចំនួន ៤ ដែលទី ១ អាជីវកម្មសេវាកម្មស្នាក់នៅទេសចរណ៍, ទី ២ អាជីវកម្មភោជនីយដ្ឋាន និងអាហារដ្ឋានទេសចរណ៍, ទី ៣ អាជីវកម្មសេវាកម្មដឹកជញ្ជូនទេសចរណ៍ផ្លូវទឹក ផ្លូវគោកនិងទី ៤ អាជីវកម្មរមណីយដ្ឋានទេសចរណ៍ សហគមន៍ទេសចរណ៍ ។
ក្នុងវិធានសុវត្ថិភាពទេសចរណ៍ទាំងនេះក៏មានការកំណត់នូវលក្ខខណ្ឌជាច្រើន ក្នុងនោះមានលក្ខខណ្ឌតម្រូវចាំបាច់ដោយខានពុំបាន និងលក្ខខណ្ឌជម្រើសដែលអាជីវ កម្មសេវាកម្មទេសចរណ៍ ត្រូវរៀបចំបំពេញតាមលក្ខខណ្ឌកំណត់ ។
ក្នុងករណីដែលមូលដ្ឋានអាជីវកម្មសេវាកម្មទេសចរណ៍ខាងលើមិនបានបំពេញនូវលក្ខខណ្ឌតម្រូវទេនោះ អាចនឹងប្រឈមនឹងការព្យួរអាជ្ញាបណ្ណទេសចរណ៍មួយរយៈ ប៉ុន្តែ ក្នុងករណីដែលបានបំពេញនូវលក្ខខណ្ឌតម្រូវបានល្អ បន្ថែមដោយលក្ខខណ្ឌជម្រើសមួយ ចំនួនទៀត អាចនឹងទទួលបាននូវបណ្ណបញ្ជាក់ និងលិខិតសរសើរ ទទួលស្គាល់គុណភាព សេវាកម្មក្នុងដំណាក់កាល Covid-19 ពីក្រសួងទេសចរណ៍ ដែលអាចបិទបង្ហាញផ្សព្វ ផ្សាយជាសាធារណៈ ឬចុះផ្សាយក្នុងបណ្តាញសង្គម និងគេហទំព័ររបស់ក្រសួងទេសចរ ណ៍បាន ៕
ចែករំលែកព័តមាននេះ