ប្រទេសអង់គ្លេស ៖ ប្រព័ន្ធផ្សព្វផ្សាយធំៗរបស់អង់គ្លេស បានធ្វើការចុះផ្សាយថាក្រុមតោខៀវ Chelsea កាន់តែខិតជិតសម្រេចលើកិច្ចព្រមព្រៀងជាមួយក្លិបអាល្លឺម៉ង់ RB Leipzig ដើម្បីចុះហត្ថលេខានាំយកខ្សែប្រយុទ្ធ Timo…
ប្រទេសអង់គ្លេស ៖ ប្រព័ន្ធផ្សព្វផ្សាយធំៗរបស់អង់គ្លេស បានធ្វើការចុះផ្សាយថាក្រុមតោខៀវ Chelsea កាន់តែខិតជិតសម្រេចលើកិច្ចព្រមព្រៀងជាមួយក្លិបអាល្លឺម៉ង់ RB Leipzig ដើម្បីចុះហត្ថលេខានាំយកខ្សែប្រយុទ្ធ Timo Werner។
តាមពិតទៅខ្សែប្រយុទ្ធជម្រើសជាតិអាល្លឺម៉ង់ខាងលើ គឺជាគោលដៅដ៏សំខាន់របស់ក្រុមហង្សក្រហម Liverpool។ ប៉ុន្តែកាលពីពេលថ្មីៗនេះ ក្រុមកំពូលតារាង Premier League បានសម្រេចបោះបង់ការចង់បានកីឡាកររូបនេះវិញ ដែលវាគឺជាឱកាសសម្រាប់ក្រុម Chelsea ក្រោមការដឹកនាំរបស់គ្រូបង្វឹក Frank Lampard ។
Chelsea ត្រូវគេបានរាយការណ៍ថា កាន់តែខិតជិតសម្រេចកិច្ចព្រមព្រៀងជាមួយក្រុម RB Leipzig ក្នុងតម្លៃ ៥៣លានផោន (ប្រមាណ ៦៧លានដុល្លារ) ដើម្បីនាំយកតារាជើងស៊ុតវ័យ ២៤ឆ្នាំរូបនេះ មកកាន់ទឹកដី Stamford Bridge រដូវកាលក្រោយ។
សូមជម្រាបជូនថា រដូវកាលនេះ កីឡាករ Timo Werner រកគ្រាប់បាល់បាន ៣១គ្រាប់ពីការបង្ហាញខ្លួនចំនួន ៤០ប្រកួតនៅគ្រប់កម្មវិធីឱ្យក្រុម RB Leipzig និងជាបេក្ខភាពតែម្នាក់គត់ ដែលមានលទ្ធភាពខ្ពស់ក្នុងការប្រជែងតំណែងស្បែកជើងមាសជាមួយខ្សែប្រយុទ្ធ Robert Lewandowski របស់ក្រុម Bayern Munich រដូវកាលនេះ ៕ (ដកស្រង់ចេញពី CAN)
ចែករំលែកព័តមាននេះ