រាជធានីភ្នំពេញ ៖ កម្ពុជាបានប្រតិកម្មនឹងឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សពីការផ្សាយព័ត៌មានក្លែងក្លាយ និងការក្លែងព័ត៌មានពុំមានតម្លៃស្មើនឹងសេរីភាពបញ្ចេញមតិ និងការនិយាយស្របច្បាប់ឡើយ ។ នេះ បើតាមស្ថានបេសកម្មអចិន្ត្រៃយ៍កម្ពុជានៅហ្ស៊ីណែវ ។
យោងតាមការចេញផ្សាយរបស់ស្ថានបេសកម្មអចិន្ត្រៃយ៍កម្ពុជាប្រចាំនៅទីក្រុងហ្ស៊ីណែវចេញផ្សាយកាលពីថ្ងៃទី៣ ខែមិថុនា ឆ្នាំ២០២០ បានសម្តែងការសោកស្តាយចំពោះលោកស្រី Michelle Bachelet ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សចុះថ្ងៃទី៣ ខែ មិថុនា ឆ្នាំ២០២០ ពាក់ព័ន្ធនឹងនឹងសេរីភាពនៃការបញ្ចេញមតិនៅក្នុងបណ្តាប្រទេសអាស៊ី ប៉ា ស៊ីហ្វិកមួយចំនួនរួមទាំងប្រទេសកម្ពុជាក្នុងអំឡុងវិបត្តិកូវីដ១៩ ។
ស្ថានបេសកម្មបន្តថា ដោយរបាយការណ៍លោកស្រី មិនបានផ្ទៀងផ្ទាត់ និងជ្រើសរើសតែមួយជ្រុងនោះ ស្ថានភាពបេសកម្មសូមបំភ្លឺអង្គហេតុ និងច្បាប់ដូចតទៅ ៖
១. មេរោគកូវីដ១៩ គឺជាជំងឺដ៏កាច់សាហាវមួយ ប៉ុន្តែព័ត៌មានក្លែងក្លាយ និងការក្លែងព័ត៌មានក៏ កាចសាហាវមិនចាញ់មេរោគនេះដែរ ។ គេមិនអាចប្រកែកបានទេសថា ព័ត៌មានក្លែងក្លាយ និង ការក្លែងព័ត៌មានអាចនាំឲ្យមានការភ័យខ្លាច ការភ័យស្លន់ស្លោការបាត់បង់សណ្តាប់ធ្លាប់ក្នុង សង្គម និងការបាត់បង់ទំនុកចិត្តជាសាធារណៈចំពោះខ្លួនឯង និងប្រទេសជាតិ ។
២. ប្រទេសកម្ពុជាផ្តល់សារៈសំខាន់យ៉ាងខ្លាំងចំពោះការគាំទ្រការពារ និងលើកកម្ពស់សេរីភាព បញ្ចេញមតិ និងសារព័ត៌មានធានាដោយរដ្ឋធម្មនុញ្ញ និងច្បាប់ស្តីពីរបបសារព័ត៌មានដែលធានា ពីឯករាជ្យភាពរបស់សារព័ត៌មានដោយពុំមានការត្រួតពិនិត្យជាមុន និងសិទ្ធិរក្សាការសម្ងាត់នៃប្រភពព័ត៌មាន ។ ប៉ុន្តែមាត្រា៤១នៃរដ្ឋធម្មនុញ្ញមាត្រា ២៩ នៃសេចក្តីប្រកាស ជាសក លស្តីពីសិទ្ធិមនុស្ស និងមាត្រា១៩នៃកតិកាសញ្ញាអន្តរជាតិស្តីពីសិទ្ធិពលរដ្ឋនិងនយោបាយ បានសង្កត់ធ្ងន់ថា ការអនុវត្តសិទ្ធិត្រូវភ្ជាប់មកជាមួយនូវករណីកិច្ច ការទទួលខុសត្រូវពិសេស និងដែនកំណត់ ដែលមានចែងក្នុងច្បាប់ ដើម្បីការពារសន្តិសុខជាតិ សណ្តាប់ធ្នាប់សាធារណៈ និងសុខភាពឬសីលធម៌សារណៈ។
៣. វិធានការស្របច្បាប់ប្រឆាំងនឹងទង្វើបំពានផ្សេងៗដែលមានចែងក្នុងច្បាប់ជាធរមាន គឺសំខាន់ចាំបាច់ណាស់ ដើម្បីការពារសិទ្ធិពលរដ្ឋគ្រប់រូបឲ្យរស់មានជីវិតដោយគ្មានការភ័យខ្លាច ការស្អប់ខ្ពើម និងការរើសអើង ។ មតិរបស់ពលរដ្ឋដែលគោរពច្បាប់ត្រូវតែទទួលបានការយក ចិត្តទុកដាក់ និងកិច្ចគាំពារ ។ ហេតុដូចនេះវិធានការដាក់ចេញកន្លងមកមិនគួរត្រូវបានបក ស្រាយវាជាការបង្ក្រាបលើសេរីភាពបញ្ចេញមតិ និងសារព័ត៌មាននោះទេ ។
៤.ការថ្លែងសារនយោបាយ និងការធ្វើអត្ថាធិប្បា្យលើកិច្ចការសាធារណៈដោយការជេរប្រមាថ ការញុះញង់ឲ្យប្រព្រឹត្តិឧក្រិដ្ឋការអំពាវនាវឲ្យមានការបេះបោរប្រឆាំងរដ្ឋាភិបាលដែលកើតចេញពីការបោះឆ្នោតតែបែបលទ្ធិប្រជាធិបតេយ្យ និងការផ្សព្វផ្សាយព័ត៌មានក្លែងក្លាយដោយចេតនា ឬអចេតនា ពុំមានតម្លៃស្មើនឹងសេរីភាពនៃការបញ្ចេញមតិ និងការនិយយាយស្របច្បាប់នោះឡើយ ។ បើបណ្តោយឲ្យទង្វើទាំងនេះកើតមានឡើងដោយ ពុំបានត្រួតពិនិត្យឲ្យបានត្រឹមត្រូវនោះទេវានឹងបង្កផលវិបាកធ្ងន់ធ្ងរ និងគ្រោះថ្នាក់ដល់នីតិរដ្ឋសិទ្ធិមនុស្ស និងលទ្ធិប្រជាធិបតេយ្យ ភ្លាមៗ និងជារៀងរហូត ។
៥.ប្រទេសកម្ពុជាពុំអនុញ្ញាតឲ្យមានការចាប់ខ្លួន និងការឃុំឃាំងតាមទំនើងចិត្តឡើយ ។ មន្ត្រី អនុវត្តច្បាប់រូបណាដែលប្រព្រឹត្តមិនត្រឹមត្រូវ និងបំពានច្បាប់នឹងត្រូវតែទទួលទោស ។ មានឧទាហរណ៍ជាច្រើនអំពីការដាក់ទោសទណ្ឌលើមន្ត្រីប្រព្រឹត្តសុខ ដោយពុំប្រកាន់និន្នាការនយោ បាយ មុខងារ ឬឋានៈសង្គម ដូចដែលមានចែងក្នុងមាត្រា៣១ នៃរដ្ឋធម្មនុញ្ញ ហើយការចូលរួម ជាមួយគណបក្សប្រឆាំងពុំមែនជាសិទ្ធិសម្រាប់ឲ្យបុគ្គលម្នាក់ បំពានច្បាប់ដោយ និទណ្ឌភា ពនោះទេ៕
ចែករំលែកព័តមាននេះ