មានដឹងអត់ថា! ប្រភេទសត្វនេះមួយណាញី មួយណាឈ្មោល
- ភ្នំពេញ
រាជធាណីភ្នំពេញ ៖ រួមគ្នាដើម្បីការពារ និងអភិរក្សសត្វស្លាបនៅកម្ពុជា! ល្វាចេកស្រុក (Oriental Magpie Robin) គឺជាឈ្មោះបក្សីតូចមួយប្រភេទពួកទ្រមាក់ខ្លា ប៉ុន្តែមាត្រធំជាង…
រាជធាណីភ្នំពេញ ៖ រួមគ្នាដើម្បីការពារ និងអភិរក្សសត្វស្លាបនៅកម្ពុជា! ល្វាចេកស្រុក (Oriental Magpie Robin) គឺជាឈ្មោះបក្សីតូចមួយប្រភេទពួកទ្រមាក់ខ្លា ប៉ុន្តែមាត្រធំជាង កន្ទុយវែងជាងទ្រមាក់ខ្លា ដែលបក្សីឈ្មោលមានខ្នងក្បាល និងទ្រូងពណ៌ខ្មៅរលោងពោះសឆ្នូតទទឹងស្លាប និងកន្ទុយឆ្លាស់ក្រៅមានពណ៌ស ។ នេះបើយោងតាមផេកក្រសួងបរិស្ថានចេញផ្សាយ នាព្រឹកថ្ងៃទី០៥ ខែមិថុនា ឆ្នាំ២០២០ និងប្រភពពីសត្វស្លាបកម្ពុជា ។
ចំណែកបក្សីញីវិញមានក្បាលខ្នងទ្រូងពណ៌ប្រផេះចាស់ ។ ល្វាចេកស្រុកក៏ជាប្រភេទបក្សីប៉ប៉ាច់ប៉ប៉ោចមិនសូវឈប់មាត់ និងមានសំឡេងពិរោះរណ្ដំដូចភ្លេង។ ជាទូទៅបក្សីនេះច្រើនរស់នៅតាមសួនច្បារ ដើមឈើ ក្នុងទីក្រុង ដំណាំកសិកម្ម ព្រៃកោងកាង ហើយមានរបាយរស់នៅគ្រប់ទីកន្លែង ព្រមទាំងបង្ហាញវត្តមានពេញមួយឆ្នាំ។
បន្ថែមពីនេះ បក្សីល្វាចេកស្រុកធ្វើការបន្តពូជចាប់ពីខែមករា ដល់ខែកញ្ញា ។ រូបភាពនេះថតនៅក្នុងភូមិសាស្ត្រស្រុកទឹកឈូ ខេត្តកំពត ៕
ចែករំលែកព័តមាននេះ