សុខភាព ៖ នៅតាមឱសថស្ថានជាច្រើននៅកម្ពុជាបានលក់ថ្នាំផ្សះដល់អ្នកទិញ ដើម្បីព្យាបាលជំងឺ ដោយគ្មាន វេជ្ជបញ្ជា នៅពេលដែលអ្នកជំងឺមួយចំនួនបានស្នើឲ្យពួកគេធ្វើការផ្សំថ្នាំជំនួសគ្រូពេទ្យ។ នេះបញ្ជាក់ពីការប្រើប្រាស់ ថ្នាំផ្សះមិនត្រឹមត្រូវនៅក្នុងប្រទេសកម្ពុជាដែលវានឹងបង្កជាបញ្ហាសុខភាពរយះពេលវែងសម្រាប់ប្រទេសកម្ពុជា។ វានឹងតម្រូវអោយមានវិធានការផ្នែកច្បាប់ដើម្បីធានាថានឹងមិនមានការប្រើប្រាស់ថ្នាំផ្សះពាសវាលពាសកាលដូចបច្ចុបន្ន។ ក្តីប្រារម្ភបានកើតមានជាសាកលអំពីបញ្ហាស៊ាំរបស់មេរោគទៅនឹងថ្នាំហើយជាលទ្ឋផល គេនឹងពិបាកនឹង ធ្វើការព្យាបាលជំងឺដែលបង្កដោយពួកបាត់តេរី។
ឧទាហរណ៍ថាអ្នកមិនស្រួលខ្លួន។ អ្នកឈឺបំពង់ក ក្តៅខ្លួន ឬឈឺក្បាលផងដែរ។ វាប្រហែលជាករណីបង្ករោគរបស់ Strep។ ដូចជាការផឹកថ្នាំផ្សះបីបួនដង ហើយអ្នកនឹងជាសះស្បើយ គ្មានបញ្ហា។ តែចុះបើអ្នកលេបថ្នាំធម្មតាហើយអ្នកមិនបានធូរស្បើយ? បើថ្នាំមិនខ្លាំងគ្រប់គ្រាន់ហើយអ្នកកាន់តែទ្រុឌទ្រោម? នៅក្នុងអនាគតដ៏ខ្លីវាជាសាច់រឿងទូទៅមួយ។ ថ្នាំផ្សះគឺជាប្រភេទសារធាតុដែលអាចសម្លាប់ ឬបន្ថយការលូតលាស់របស់បាក់តេរីដែលគ្រោះថ្នាក់។ ហើយគីមីទាំងនេះដូចជា ប៉េនីស៊ីលីន ដែលមាននៅក្នុងធម្មជាតិ។
ហើយ ស៊ុលហ្វូណាមីត (Sulfonamides) ដែលបានមកពីការសំយោគ។ តាំងពីឆ្នាំ១៩៣០ និង៤០ ប្រភេទទាំងពីរត្រូវបានប្រើដើម្បីទប់ទល់នឹងមេរោគ និងការចម្លងរោគដូចជារបេង និង staphylococcus.សម្រាប់ជាច្រើនទសវត្សរ៍ ថ្នាំទាំងនេះធ្វើការងារបានល្អ។ បន្ទាប់ពីរកឃើញថ្នាំផ្សះផ្សេងៗ ជំងឺដែលចាត់ទុកថាបង្កឲ្យស្លាប់ដូចជារលាកសួត និងគ្រុនពោះវៀនក្លាយទៅជា អាចព្យាបាលបាន។ តែវាមិនពិតរហូតទេដោយសារតែមានការកើនឡើងនូវប្រភេទមេរោគស៊ាំថ្នាំ។ មេរោគដែលបង្កជំងឺនៅតែបន្ត ហើយមួយចំនួនស៊ាំទៅនឹងថ្នាំផ្សះដែលមានបច្ចុប្បន្ន វាមិនអាចចៀសបាន។ បញ្ហាគឺយើងកាន់តែចេញវេជ្ជបញ្ជាថ្នាំផ្សះ ហើយយើងប្រើប្រភេទកាន់តែថ្មី មេរោគខ្លាំងកាន់តែកើតមាន។ វាកើតឡើងរួចមកហើយ។
ឧទាហរណ៍នៃ streptococcus pneumoniae បាក់តេរីដែលបង្ករលាកសួត ការសិក្សាណែនាំថា រហូតដល់ទៅ៤០% នៃប្រភេទដែលមានស្រាប់ នៃមេរោគនេះបានស៊ាំទៅនឹងថ្នាំផ្សះទូទៅ។ ហើយការគំរាមកំហែងកើតមានគឺ MRSA ជាបាក់តេរីដែលគ្រោះថ្នាក់ដែលស៊ាំទៅនឹងមេទីស៊ីលីន (Methicillin)។ បាក់តេរីប្រភេទនេះទទួលខុសត្រូវ លើការស្លាប់ច្រើនរាល់ឆ្នាំលើសពីអេដស៍។ បញ្ហាមិនអាចឈប់តែវាអាចបន្ថយ។
ដំបូងគ្រូពេទ្យអាចកាត់បន្ថយការប្រើថ្នាំផ្សះដែលមិនចាំបាច់។ ទីពីរ រដ្ឋាភិបាលត្រូវដាក់ច្បាប់តឹងតែងលើការ ប្រើប្រាស់ថ្នាំ ផ្សះក្នុងការចិញ្ចឹមសត្វនៅក្នុងវិស័យកសិកម្ម។ ហើយចុងបញ្ចប់ក្រុមហ៊ុនថ្នាំអាចដាក់ធនធានលើការ ស្វែងរកថ្នាំផ្សះប្រភេទថ្មី។ ដោយគ្មានការផ្លាស់ប្តូរទាំងនេះ យើងអាចនឹងត្រឡប់ទៅកាន់ពេលដែលផ្តាសាយធំ អាចសម្លាប់មនុស្សហើយការវះកាត់គ្រោះថ្នាក់ដោយសារតែអាចបង្កការចម្លងរោគ។ តែការប្រុងប្រយ័ត្នទាំងនេះនឹងជួយសង្គ្រោះយើងពីគ្រោះថ្នាក់៕ ដោយ ៖ សហការី
ចែករំលែកព័តមាននេះ