ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា ទីក្រុងវូហាន ដែលជាកន្លែងកើតជំងឺកូវីដ១៩ដំបូងគេ បានសន្យាថា នឹងធ្វើតេស្តរកមេរោគនេះលើប្រជាជនរបស់ខ្លួនទាំងអស់ ហើយពេលនេះរកឃើញគ្មានករណីឈឺសោះតែម្តង។…
ប្រទេសចិន ៖ តាមប្រភពព័ត៌មាន Shanghaiist បានឱ្យដឹងថា ទីក្រុងវូហាន ដែលជាកន្លែងកើតជំងឺកូវីដ១៩ដំបូងគេ បានសន្យាថា នឹងធ្វើតេស្តរកមេរោគនេះលើប្រជាជនរបស់ខ្លួនទាំងអស់ ហើយពេលនេះរកឃើញគ្មានករណីឈឺសោះតែម្តង។
ទីក្រុងនេះ បានចាប់ផ្តើមយុទ្ធនាការនេះ នៅថ្ងៃទី១៤ ខែឧសភា បន្ទាប់ពីការរកឃើញនូវក្រុមតូចៗនៃករណីថ្មីនៅក្នុងសង្កាត់ជាយក្រុងមួយ ដែលបានបង្កើនការភ័យខ្លាចនៃរលកឆ្លងទី២។ ពីដំបូង វាមានឈ្មោះថា «ការប្រយុទ្ធដ៏អស្ចារ្យរយៈពេល១០ថ្ងៃ»។ យុទ្ធនាការនេះ បានបញ្ចប់ទៅដូចជារយៈពេល១៨ថ្ងៃ ចំពោះការធ្វើតេស្តលើមនុស្សជាង ៩.៩លាននាក់ ក្នុងតម្លៃសរុប ៩០០លានយ័ន (១២៦លានដុល្លារ)។
នៅក្នុងសន្និសីទកាសែតកាលពីថ្ងៃអង្គារ៍ មន្ត្រីសុខាភិបាលចិនបានប្រកាសថា មិនមានករណីឆ្លងថ្មីត្រូវបានរកឃើញនៅក្នុងទីក្រុងនោះទេ ទោះបីមានករណីគ្មានរោគសញ្ញាចំនួន ៣០០ករណី ត្រូវបានរកឃើញក៏ដោយ។
មន្ត្រីសុខាភិបាល Wuhan បាននិយាយថា អ្នកដែលឈឺតែគ្មានរោគសញ្ញាមានបានចម្លងទៅអ្នកផ្សេងទេ ដោយសារតែអ្នកដែលទាក់ទងជិតស្និទ្ធទាំង ១,១៧៤នាក់ សុទ្ធតែធ្វើតេស្តអវិជ្ជមាន។
ដោយមើលឃើញពីលទ្ធផលទាំងនេះ លោក Feng Zijian នាយករងនៃ CDC របស់ប្រទេសចិនបានប្រកាសថា ទីក្រុងវូហាន ឥឡូវនេះគឺជា «ទីក្រុងដែលមានសុវត្ថិភាពបំផុត» ពីជំងឺកូវីដ១៩៕ ដកស្រង់ចេញពីវេបសាយ ៖ shanghaiist (កែសម្រួលដោយ ៖ បុប្ផា)
ចែករំលែកព័តមាននេះ