រដ្ឋ Kerala ៖ ដោយក្តៅស្រែកឃ្លាន សត្វដំរីព្រៃញីមួយក្បាលដែលមានផ្ទៃពោះផងនោះបានចាកចេញពីតំបន់ព្រៃស្ងាត់និងបានចូលទៅក្នុងភូមិក្បែរនោះដើម្បីស្វែងរកចំណី ។
យ៉ាងណាមិញវាពិតជាខ្លោចផ្សារបំផុត ដែលដំរីញីមួយក្បាលនេះបានឈរស្លាប់យ៉ាងវេទនានៅកន្លែងទឹកស្ទឹងមួយកន្លែង បន្ទាប់ពីដំរីញីមួយក្បាលនេះបានស៊ីផ្លែម្នាស់ ស្រាប់តែផ្លែម្នាស់ដែលដំរីនេះបានស៊ីចូលពោះនោះត្រូវបានមនុស្សដាក់ផាវខាងក្នុង ហើយក៏ផ្ទុះនៅក្នុងពោះដំរី ដែលបង្កឲ្យមានការរិះគន់យ៉ាងខ្លាំងក្លាពីមហាជន ទាមទារឲ្យសមត្ថកិច្ចស្វែងរកមុខជនដៃដល់ដែលបានធ្វើរឿងគួរឲ្យអនិច្ចារ្យបែបនេះ ។
ស្ថានីយទូរទស្សន៍ NDTV បានរាយការណ៍កាលពីថ្ងៃពុធថាគ្មានការចាប់ខ្លួនណាមួយត្រូវបានធ្វើឡើង សប្តាហ៍បន្ទាប់ពីដំរីមានផ្ទៃពោះបានស្លាប់នៅស្រុក Palakkad នៃ Kerala ដែលវាជារដ្ឋមួយស្ថិតនៅតំបន់ត្រូពិចរបស់ប្រទេសឥណ្ឌា ។ ដំរីមានផ្ទៃពោះបានស្លាប់ដោយឈឺចាប់បំផុត ក្រោយបរិភោគម្នាស់ដែលដាក់ផាវខាងក្នុង ។ ប៉ូលិសបានបើកការស៊ើបអង្កេតនិងបានចុះបញ្ជីរបាយការណ៍ដំបូងប្រឆាំងនឹងជនមិនស្គាល់អត្តសញ្ញាណ ដែលបានធ្វើរឿងដ៏ឃោរឃៅមួយនេះ ។
មន្ត្រីរដ្ឋបាលព្រៃឈើអាសាគីអាលីយូបានប្រាប់ទូរទស្សន៍ NDTV ថា «យើងមិនដឹងថាពេលណាហេតុការណ៍នេះកើតឡើងទេ» ។ ប៉ុន្តែដោយសារតែភាពអត់ឃ្លានដូច្នេះប៉ូលីសសង្ស័យថា ដំរីព្រៃញីនេះបានចូលមករកចំណីក្នុងភូមិ ហើយហេតុការណ៍អាចកើតឡើង ប្រហែលជា ២០ ថ្ងៃមុន ។
សត្វដំរីព្រៃមួយក្បាលនេះបានចាកចេញពីតំបន់ព្រៃស្ងាត់និងបានចូលទៅក្នុងភូមិក្បែរនោះដើម្បីស្វែងរកចំណី។ វានៅទីនេះនាងបានបរិភោគម្នាស់ដែលមានកាំជ្រួចដែលអ្នកភូមិប្រើដើម្បីការពារដីស្រែរបស់ពួកគេប្រឆាំងនឹងជ្រូកព្រៃ។
បើតាមមន្ត្រីរដ្ឋបាលព្រៃឈើបានអោយដឹងថានៅពេលដំរីបរិភោគផ្លែឈើនោះ ហើយផាវ ដែលផ្ទុកក្នុងផ្លែម្នាស់ បានផ្ទុះនៅក្នុងមាត់របស់ដំរីញី បណ្តាលឲ្យអណ្តាតនិងមាត់របស់ដំរីរងរបួសយ៉ាងធ្ងន់ធ្ងរ។ បន្ទាប់ពីដើរជុំវិញភូមិអស់ជាច្រើនថ្ងៃដោយឈឺចាប់មិនអាចបរិភោគអ្វីបានហើយដំរីក៏ចូលទៅក្នុងព្រៃវិញ។
ក្រោយមកគេបានឃើញដំរីដែលរងរបួសធ្ងន់ធ្ងរឈរខ្យល់នៅទន្លេ Velliyar ហើយដំរីនោះបានដាក់ប្រម៉ោយចូលទៅក្នុងទឹក ។ មន្ត្រីព្រៃឈើឈ្មោះ Mohan Krishnan ដែលបានចែករំលែករូបថតនៅលើហ្វេសប៊ុកបាននិយាយថានាងត្រូវតែធ្វើដូច្នេះដើម្បីចៀសវាងសត្វរុយនិងសត្វល្អិតដទៃទៀតលើរបួសរបស់នាង។
លោក Krishnan បានសរសេរនៅលើហ្វេសប៊ុកថា «ដំរីញីបានចេញមករកភូមិដើម្បីស្វែងរកអាហារ។ នាងមិនបានដឹងអំពីមនុស្សអាត្មានិយមរបស់មនុស្សមួយចំនួនឡើយ ដោយនាងច្បាស់ជាបានគិតហើយថាពួកគេនឹងជួយសង្គ្រោះនាងពេលនាងកំពុងតែពរផ្ទៃកូនដំរីនៅក្នុងពោះ ។ តែសោកស្តាយបំផុត នៅពេលដែលម្នាស់ដែលនាងញ៉ាំបានផ្ទុះនាងច្បាស់ជាមានការភ្ញាក់ផ្អើលជាខ្លាំង ដោយមិនបានគិតថានឹងមានអ្វីកើតលើខ្លួននាងនោះទេ ប៉ុន្តែនាងច្បាស់ជាងគិតទៅដល់កូនដំរីនៅក្នុងផ្ទៃដែលនាងនឹងសំរាលឆាប់ៗនោះ » ។
ទីបំផុតមន្ត្រីព្រៃឈើបាននាំយកដំរីពីរក្បាលមកលួងលោមនាងអោយចេញផុតពីទឹកទន្លេនោះ ។ ទោះយ៉ាងណាការប៉ុនប៉ងជួយសង្គ្រោះនាងបានបរាជ័យហើយនាងបានស្លាប់នៅថ្ងៃទី ២៧ ខែឧសភាប្រហែលម៉ោង ៤ ល្ងាចខណៈនាងនៅតែឈរក្នុងទឹក។ ក្រោយមកសពដំរីញីនេះត្រូវបានគេដឹកយកទៅក្នុងព្រៃវិញទីកន្លែងដែលមន្ត្រីព្រៃឈើបានបូជាសពដំរីដែលស្លាប់យ៉ាងអណោចអធម៌នោះ ៕
ចែករំលែកព័តមាននេះ