ខេត្តបន្ទាយមានជ័យ ៖ ប្រជាពលរដ្ឋប្រតិកម្មខ្លាំងទៅលើលោកមេឃុំឈ្មោះសៃ ឡៅ ដែលបានចាក់ដីលុបអូរបិទផ្លូវទឹក និងកន្លែងអភិរក្សពូជត្រីយកដីធ្វើផ្សារពុះដីល្វែងលក់យកលុយដាក់ហោប៉ៅយ៉ាងរំភើយ។ ដីដែលលោកមេឃុំ ពុះដីធ្វើល្វែងលក់យកលុយដាក់ហោប៉ៅយ៉ាងសប្បាយចិត្តនោះ ស្ថិតនៅក្នុងភូមិអន្លង់ថ្ងាន់ ឃុំបត់ត្រង់ ស្រុកមង្គលបូរី ខេត្តបន្ទាយមានជ័យ។
នៅព្រឹកថ្ងៃទី៣ មិថុនា ឆ្នាំ២០២០ នេះ មានប្រជាពលរដ្ឋបានបញ្ចេញមតិរិះគន់លោកមេឃុំបត់ត្រង់ ឈ្មោះ សៃ ឡៅ ថា៖ ហេតុអីបានជាលោកមេឃុំថ្លើមធំម្លេះហ៊ានចាក់ដីលុបអូរបិទផ្លូវទឹក និងកន្លែងអភិរក្សពូជត្រី យកដីពុះល្វែងលក់ ធ្វើផ្សារទៅវិញ។ពលរដ្ឋរូបនោះបានបញ្ជាក់ឲ្យដឹងទៀតថា ៖ ក្នុងមាត្រា ៣៥ រដ្ឋធម្មនុញ្ញនៃព្រះរាជាណាចក្រកម្ពុជាបានចែងថា ប្រជាពលរដ្ឋខ្មែរទាំងពីរភេទមានសិទ្ធិចូលរួមយ៉ាងសកម្មក្នុងការបញ្ចេញមតិដែលមន្ត្រីក្នុងមូលដ្ឋានធ្វើខុសដូចជាលោកមេឃុំ ឈ្មោះ សៃឡៅ បានប្រព្រឹត្តល្មើសនឹងច្បាប់ហើយហ៊ានចាក់ដី លុបអូបិទផ្លូវទឹក និងកន្លែងអភិរក្សពូជត្រី យកដីពុះល្វែងលក់ ធ្វើផ្សារទាំងមិនឲ្យប្រជាពលរដ្ឋនៅក្នុងភូមិបានដឹងបន្តិចទាល់តែសោះ។
ប្រជាពលរដ្ឋរស់នៅភូមិអន្លង់ថ្ងាន់ភាគច្រើន បានប្រាប់អ្នកយកព័ត៌មានឲ្យដឹងថា ដីរដ្ឋទំនាបស្ទឹងនិងអូរដៃស្ទឹង ជាប់តំបន់អភិរក្សត្រីវត្តអន្លង់ថ្ងាន់ ហើយនិងស្ពានអន្លង់ថ្ងាន់នោះមានទំហំជាង២រ៉ៃប្រមាណ២.០០០ ម៉ែត្រការ៉េ ត្រូវបានលោកមេឃុំបត់ត្រង់ សៃ ឡៅនិងដៃគូរកស៊ី របស់លោកបានចាក់ដីបំពេញហើយធ្វើផ្សារនិងអង្កន់ជាដីល្វែងរាប់សិបប្លង់លក់ ឬជួលឲ្យអាជីវករនិងពលរដ្ឋ។ ពលរដ្ឋបានបន្តថា៖ នេះជាដីស្ទឹង បឹងបួរ អូរធម្មជាតិរបស់រដ្ឋ មិនមែនរបស់ភូមិ ឃុំ និងរបស់ឯកជននោះទេ ហើយមិនអាចចាត់ចែងលក់ដូរ ស្រេចនឹងអំពើចិត្តឡើយ ។
ចំណែកលោកឃុំ ដា ជាដៃគូរកស៊ីរបស់លោកមេឃុំសៃ ឡៅ ប្រាប់ឲ្យដឹងថា៖ ដីមានទំហំជាង២រ៉ៃនោះពីដើមឡើយជាដីផ្លូវទឹក ដីទំនាបស្ទឹង អូរ តែឃុំគ្រប់គ្រង ហើយពេលនេះ ឃុំនិងលោកបានធ្វើដៃគូ រកស៊ី ដោយបានចាក់ដីអស់រយះពេល១ខែមកហើយ។គឺចាក់ដីធ្វើគម្រោងផ្សារសហគមន៍របស់ឃុំជំនួសផ្សារឬផ្ទះតៀមនៅតាមដងផ្លូវខេត្តដែលចង្អៀតរងការប្រឈមនឹងគ្រោះថ្នាក់ចរាចរណ៍ ។ ផ្សារនេះ បានសង់រោងកណ្តាលដំបូង ទំហំ១២ម៉ែត្រគុណនិង២០ម៉ែត្រ និងដីល្វែងជុំវិញជាច្រើនឡូតិ៍សម្រាប់ជួលក្នុងកុងត្រា៣០ឆ្នាំផងដែរ ។ដីឡូតិ៍តូចទំហំ៤ម៉ែត្រគុណ១០ម៉ែត្រ ជួលតម្លៃ១.៤០០ ក្នុង១ឆ្នាំ ។ ដីឡីតិ៍ធំទំហំ១០ម៉ែត្រគុណ១០ម៉ែត្រ តម្លៃ៣.២០០ដុល្លា ហើយមកទល់ពេលនេះបានលក់អស់ហើយ ។
លោកសៃ ឡៅ មេឃុំបត់ត្រង់បញ្ជាក់ថា៖គម្រោងផ្សារសហគមន៍របស់ឃុំនេះ ទទួលបានការឯកភាពពីអាជ្ញារស្រុក ហើយធ្វើលើដីបម្រុងរបស់ឃុំដែលត្រូវចុះកិច្ចសន្យានឹងអាជីវករ ឬពលរដ្ឋលក់ដូររយៈពេល៣០ឆ្នាំ សម្រាប់អ្នកជួលឬទិញដីឡូតិ៍តូចនិងដីឡូតិ៍ធំ ។ លោកសៃ ឡៅ បន្តថាដីជម្រៅជាប់មាត់ស្ទឹងនិងអូរ ក្បែរតំបន់អភិរក្សពូជត្រីវត្តអន្លង់ថ្ងាន់ ដោយលោកនិងដៃគូទើបមានលទ្ធភាពស្តារអូរមួយកន្លែងយកអាចម៍ដីចំនួន៤.៧៣០ឡានបែនមកចាក់បំពេញដើម្បីធ្វើផ្សារថ្មីនេះ៕
ចែករំលែកព័តមាននេះ