ចោទលោកត្រាំថា ប្រែក្លាយអាមេរិកជាទីលានប្រយុទ្ធ
សហរដ្ឋអាមេរិក ៖ បេក្ខជនប្រធានាធិបតីគណបក្សប្រជាធិបតេយ្យ លោក JOE BIDEN កាលពីថ្ងៃទី២ មិថុនា បានចោទប្រកាន់លោកដូណាល់ត្រាំថា បានប្រែក្លាយសហរដ្ឋអាមេរិកទៅជាទីលានប្រយុទ្ធ…
សហរដ្ឋអាមេរិក ៖ បេក្ខជនប្រធានាធិបតីគណបក្សប្រជាធិបតេយ្យ លោក JOE BIDEN កាលពីថ្ងៃទី២ មិថុនា បានចោទប្រកាន់លោកដូណាល់ត្រាំថា បានប្រែក្លាយសហរដ្ឋអាមេរិកទៅជាទីលានប្រយុទ្ធ…
សហរដ្ឋអាមេរិក ៖ បេក្ខជនប្រធានាធិបតីគណបក្សប្រជាធិបតេយ្យ លោក JOE BIDEN កាលពីថ្ងៃទី២ មិថុនា បានចោទប្រកាន់លោកដូណាល់ត្រាំថា បានប្រែក្លាយសហរដ្ឋអាមេរិកទៅជាទីលានប្រយុទ្ធ ដោយលោកសន្យាធ្វើអ្វីគ្រប់យ៉ាងដើម្បីព្យាបាលស្នាមរបួសប្រកាន់ពូជសាសន៍ ។
អតីតអនុប្រធានាធិបតីរបស់លោកបារ៉ាក់ អូបាម៉ា រូបនោះ ក្នុងសុន្ទរកថាមួយនៅហ្វីឡាដែល
ហ្វីយ៉ាថ្លែងថា ការស្លាប់របស់ GEORGE FLOYD អាយុ៤៦ឆ្នាំ ជាបុរសស្បែកខ្មៅម្នាក់ កាលពីសប្ដាហ៍មុននៅក្រុងមីននីប៉ូលីស ជាការក្ដុកក្ដួលខ្លាំងមួយសម្រាប់ប្រទេសយើង និងសម្រាប់យើង ។
នេះជាលើកដំបូងចាប់តាំងពីពាក់កណ្ដាលខែមីនាមក ដែលលោក BIDEN អាយុ៧៧ឆ្នាំ បាន
ចេញក្រៅរដ្ឋកំណើតដឺឡាវ៉ារបស់លោកជាកន្លែងលោកបង្ខាំងខ្លួនដោយសារការឆ្លងរាលដាលនៃវីរុស COVID-19 ។ លោកបានថោ្កលទោសជាច្រើនលើកចំពោះអំពើហិង្សា តែបានចោទប្រកាន់
នាថ្ងៃទី២ មិថុនា លោកដូណាល់ត្រាំអាយុ៧៣ឆ្នាំថា បានប្រែក្លាយប្រទេសនេះទៅជាទីលាន
ប្រយុទ្ធ ។
លោកយល់ថាអំពើបែបនោះនឹងជួយលោកឲ្យដណ្ដើមបានជ័យជម្នះក្នុងការបោះឆ្នោតប្រធានាធិបតីនាខែវិច្ឆិកាខាងមុខនេះ ។ លោកបានបរិហារការបំបែកកាលពីយប់ថ្ងៃទី១ មិថុនា បាតុកម្មដោយសន្តិវិធិនៅមុខសេតវិមាន ដោយប្រើឧស្ម័នបង្ហូរទឹកភ្នែកនិងគ្រាប់បែកធ្វើឲ្យហ៊ឹងត្រចៀក ដើម្បីឲ្យលោកត្រាំអាចដើរទៅកាន់មុខព្រះវិហារមួយនៅក្បែរសេតវិមានដោយកាន់គម្ពីរប៊ីបមួយនៅនឹងដៃ ។
ប្រមូលផ្ដុំមនុស្សធំនៅក្រុងហ៊ូស្តុនមនុស្សច្រើនម៉ឺននាក់បាននាំគ្នាធ្វើបាតុកម្ម កាលពីថ្ងៃទី២ មិថុនា នៅទីក្រុងហ៊ូស្តុនរដ្ឋតិចសាស់ដើម្បីគោរពវិញ្ញាណក្ខ័ន្ធ្លោក GEORGE FLOYD ហើយទាមទាររកយុត្តិធម៌ ក្រោយការស្លាប់របស់បុរសស្បែកខ្មៅរូបនោះ ពេលប៉ូលិសចាប់ខ្លួននៅក្រុងមីននីប៉ូលីសកាលពីថ្ងៃទី២៥ ឧសភា ។
អភិបាលក្រុងហ៊ូស្តុនលោក SYLES TER TURNER ថ្លែងទៅកាន់ពួកបាតុករ ដែលលោកថាមានប្រមាណជា៦០.០០០នាក់ថា ពេលនេះមិនមែនជាពាក្យពោលរបស់សាលាក្រុងទេតែជាពាក្យរបស់គ្រួសារលោក GEORGE FLOYD ។ យើងចង់ប្រាប់ថា FLOYD ពុំមែនស្លាប់ដោយគ្មានន័យឡើយ ។
លោកបន្តថាយើងទទួលស្គាល់យើងពុំមែនធ្វើអ្វីត្រូវទាំងអស់ទេ តែក្នុងទីក្រុងរបស់យើង យើងគោរពមនុស្សគ្រប់គ្នាមិនរើសមុខ ។ ពួកបាតុករដែលបំបែកខ្លួនដោយសន្តិវិធីបាននាំគ្នាស្រែកពាក្យថា គ្មានយុតិ្តធម៌គ្មានសន្តិភាព ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ