សហរដ្ឋអាមេរិក ៖ មនុស្ស២នាក់បានត្រូវបានបាត់បង់ជីវិតដោយគ្រាប់កាំភ្លើង ហើយមនុស្សយ៉ាងតិច៦០នាក់បានត្រូវចាប់ខ្លួនក្នុងបាតុកម្ម និងការប្លន់ដែលនៅបន្តកាលពីថ្ងៃទី១ មិថុនា ក្នុងបណ្ដាសង្កាត់និងតំបន់ជាយក្រុងនៃទីក្រុងស៊ីកាហ្គោ ជាការឆ្លើយតបចំពោះការបាត់បង់ជីវិតកាលពីថ្ងៃទី២៥ ឧសភា របស់ជនស្បែកខ្មៅអាមេរិកម្នាក់លោក…
សហរដ្ឋអាមេរិក ៖ មនុស្ស២នាក់បានត្រូវបានបាត់បង់ជីវិតដោយគ្រាប់កាំភ្លើង ហើយមនុស្សយ៉ាងតិច៦០នាក់បានត្រូវចាប់ខ្លួនក្នុងបាតុកម្ម និងការប្លន់ដែលនៅបន្តកាលពីថ្ងៃទី១ មិថុនា ក្នុងបណ្ដាសង្កាត់និងតំបន់ជាយក្រុងនៃទីក្រុងស៊ីកាហ្គោ ជាការឆ្លើយតបចំពោះការបាត់បង់ជីវិតកាលពីថ្ងៃទី២៥ ឧសភា របស់ជនស្បែកខ្មៅអាមេរិកម្នាក់លោក GEORGE FLOYD អាយុ៤៦ឆ្នាំ ក្រោយប៉ូលិសអាមេរិកចាប់ខ្លួន ។
បាតុកម្មនិងអំពើប្លន់យករបស់របរបានឆ្លងរាលដាលទៅកាន់ភាគខាងលិចនិងភាគខាងត្បូងក្រុងស៊ីកាហ្កោ ខណៈអភិបាលក្រុងនេះ លោកស្រី LORI LIGHTFOOT បានបិទកាលពីថ្ងៃទី៣១
ឧសភាសង្កាត់ពាណិជ្ជកម្មភាគកណ្ដាលក្រុង និងសង្កាត់ LOOP ដែលកាលពីយប់ថ្ងៃទី៣០ឧសភារងការប្លន់និងការវាយប្រហារធ្ងន់ធ្ងរពីសំណាក់ពួកបះបោរ ។
ចំណែកអភិបាលរដ្ឋអ៊ីលីណយលោក J. B. PRITZKER ប្រកាសនាថ្ងៃទី១ មិថុនា ថា លោក
បានបញ្ជាឲ្យដាក់ពង្រាយទាហាន២៥០នាក់ និងប៉ូលិស៣០០នាក់ទៀត ដើម្បីជួយពង្រឹងកម្លាំងរបស់ប៉ូលិសនៅជាយក្រុងស៊ីកាហ្គោនិងភាគខាងរដ្ឋ ។ លោកក៏ប្រកាសដែរតំបន់៧របស់រដ្ឋលោកជាតំបន់រងគ្រោះ ៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ