រាជធានីភ្នំពេញ៖ តាមប្រភពព័ត៌មានទទួលបាននៅមុននេះបន្តិចបានឲ្យដឹងថា ឌីជេ ណាណា ដែលពូកែវោហារសព្ទ័ក្នុងការដោះស្រាយនូវវិបត្តិស្នេហានានាជូនប្រិយមិត្តនោះ ពេលនេះនាងកំពុងជួបទុក្ខធំដោយឪពុករបស់នាង គឺលោក នាង សុវាត បានបាត់បង់ជីវិតនៅអាយុ ៦០ ឆ្នាំ។
យោងតាមការប្រកាសតាមបណ្តាញសង្គមហ្វេសប៊ុកផេក ឈ្មោះ Neang Sovat ដែលគេស្គាល់ថាជាឪពុកឌីជេរ ណាណា និងលោកជាអតីតមន្ត្រីសិទ្ធមនុស្សអាដហុកប្រចាំខេត្តកំពង់ចាមនោះបានសរសេរថា «ប៉ារបស់ខ្ញុំ លោក នាង សុវ៉ាត បានទទួលមរណភាពកាលពីព្រឹកមិញវេលាម៉ោង ៧.១៨នាទី បន្ទាប់ពីសម្រាកព្យាបាលជម្ងឺរលាកស្រោមខួរ អស់រយ:ពេលជាងមួយខែ។
ដោយម្តាយខ្ញុំកំពុងរវល់ និងមិនសូវស្រួលខ្លួនផង មិនអាចទូរស័ព្ទជម្រាបជូន តាយាយ អ៊ុំពូមុីង បងប្អូន និងមិត្តៗប៉ាបានច្រើន នាងខ្ញុំសូមជូនជ្រាប និងសូមអភ័យទោស។ ពិធីបញ្ចុះសពនឹងរៀបចំនៅថ្ងៃស្អែកម៉ោង៩ព្រឹក នៅភូមិសេកយំ ឃុំព្រៃឈរ ស្រុកព្រៃឈរ ខេត្តកំពុងចាម» ។
ក្រឡេកទៅមើលហ្វេសប៊ុកឌីជេរ ណាណា នាងក៏បានជូនដំនឹងពីការបាត់បង់លោកឪពុករបស់នាងផងដែរ ៕
ចែករំលែកព័តមាននេះ