ខេត្តបន្ទាយមានជ័យ ៖ អភិបាលក្រុងសិរីសោភ័ណបានណែនាំដល់បងប្អូនប្រជាពលរដ្ឋបង្កើនការប្រុងប្រយ័ត្ននៅពេលមានមានភ្លៀងធ្លាក់លាយឡំខ្យល់កន្ត្រាក់ និងផ្គររន្ទះ ។ លោកអភិបាលក្រុងសិរីសោភ័ណបានមានប្រសាសន៍បែបនេះនៅថ្ងៃទី១ ខែមិថុនា ឆ្នាំ២០២០ ក្នុងពេលចុះជួយអន្តរាគមន៍ជួសជុលផ្ទះចំនួន១១ខ្នង នៅសង្កាត់ចំនួន២…
ខេត្តបន្ទាយមានជ័យ ៖ អភិបាលក្រុងសិរីសោភ័ណបានណែនាំដល់បងប្អូនប្រជាពលរដ្ឋបង្កើនការប្រុងប្រយ័ត្ននៅពេលមានមានភ្លៀងធ្លាក់លាយឡំខ្យល់កន្ត្រាក់ និងផ្គររន្ទះ ។ លោកអភិបាលក្រុងសិរីសោភ័ណបានមានប្រសាសន៍បែបនេះនៅថ្ងៃទី១ ខែមិថុនា ឆ្នាំ២០២០ ក្នុងពេលចុះជួយអន្តរាគមន៍ជួសជុលផ្ទះចំនួន១១ខ្នង នៅសង្កាត់ចំនួន២ ក្នុងក្រុងសិរីសោភ័ណ ដែលរងការខូចខាតដោយសារគ្រោះធម្មជាតិ។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រាប់ថា កាលពីល្ងាចថ្ងៃទី៣១ ខែឧសភា ឆ្នាំ២០២០នេះមានផ្ទះប្រជាពលរដ្ឋក្នុងសង្កាត់ចំនួន២គឺសង្កាត់ម្កាក់ និងសង្កាត់ភ្នៀត ក្រុងសិរីសោភ័ណ បានរងគ្រោះដោយខ្យល់កន្ត្រាក់ បណ្តាលឱ្យរងការខូចខាតចំនួន១១ខ្នង។
លោកអភិបាលក្រុងសិរីសោភ័ណបានបញ្ជាក់ថា ក្រោយពីទទួលបានព័ត៌មានខាងលើភ្លាម កម្លាំងនគរបាលរួមសហការជាមួយកម្លាំងកងរាជអាវុធហត្ថ និងកម្លាំងយោធាតំបន់ប្រតិបត្តិការសឹករងក្រុងបានចុះជួយអន្តរាគមន៍ជួសជុលផ្ទះជូនប្រជាពលរដ្ឋ និងជួយកសាងផ្ទះដែលរងការខូចខាតទាំងស្រុង។
គួររំលឹកថា កាលពីល្ងាចថ្ងៃទី៣១ ខែឧសភា ឆ្នាំ២០២០ ខ្យល់កន្ត្រាក់បានបង្កផលប៉ះពាល់ដល់២ស្រុក-ក្រុង បណ្តាលឱ្យរងការខូចខាតផ្ទះសំបែងអស់១៨ខ្នង ក្នុងនោះក្រុងសិរីសោភ័ណ ផ្ទះប្រជាពលរដ្ឋបានរងការខូចខាតចំនួន១១ខ្នង និងស្រុកព្រះនេត្រព្រះ បានរងការខូចខាតចំនួន៧ខ្នង ។
កាលពីល្ងាចថ្ងៃទី៣១ ខែឧសភា ឆ្នាំ២០២០ នេះមានជនរងគ្រោះចំនួន២នាក់បានរងគ្រោះដោយសាររន្ទះបាញ់ ក្នុងនោះម្នាក់ឈ្មោះ ឡោម សុជាតិ ភេទប្រុស អាយុ១៥ឆ្នាំ និងរបួសម្នាក់ធ្ងន់ឈ្មោះ យិន ឈុនលី ភេទស្រី អាយុ១៨ឆ្នាំ ។ ជនរងគ្រោះទាំងពីរនាក់រស់នៅភូមិបែកចានថ្មី ឃុំរលួស ស្រុកស្វាយចេក។
នៅរសៀលថ្ងៃទី១ ខែមិថុនា ឆ្នាំ២០២០ នេះ មានស្ត្រីម្នាក់ឈ្មោះ ឆាន សុភា អាយុ២៣ឆ្នាំ នៅខាងត្បូងភ្នំចង្ក្រានយក្ស ស្ថិតភូមិស្រែល្អ ឃុំគោករមៀត ស្រុកថ្មពួក បានបាត់បង់ជីវិតដោយសាររន្ទះបាញ់ ៕ (កែសម្រួលដោយ ៖ ធីតា)
ចែករំលែកព័តមាននេះ